السلام عليكم ورحمة الله وبركاته
ان شاء الله راح اسافر ميلان بتاريخ 1/9 ولغاية 9/9
وحجزت في شقة فندقية اسمها او اسمه Residennce Missori لغرفتين بسبب ان معاي 3 اطفال
لكن من كثر المعلومات اللي قريتها بالمنتدى صرت بين حانه ومانه (مثل كويتي) يعني محتار شنو اختار او كا هي الطريقة الافضل
خليت البرنامج كالتالي طبعا بدون تحديد الايام :
ملاهي قاردا لمدة يوم
فينيسيا لمدة يوم
بحيرة كومو والمنطقة بشكل عام لمدة يوم
اوت ليت سيرفالي لمدة يوم واحد
يوم للتسوق في ميلان مع الباص السياحي مع القصور المجاورة
والاسئلة اللي تحتاج اجويه
1- هل احتاج الى سيارة تأجير ؟ او استعمل المترو والقطار
2- هل الشقة الفندقية مستواها ممتاز او تعتبر مكان جيد للعائلة ؟
3- اريد اماكن اكثر للزيارات خصوصا ان مدة الاقامة 8 ليالي
4- اذا فيه مكان آخر للإقامة ارجوا تزويدي فيه ويكون نظيف ومكانه حلو وللعلم ما حصلت حجز في Glamour Apartments خصوصا ان عددنا 5 اشخاص 2 كبار و 3 اطفال
ادري طولت عليكم لكن كلي امل وثقة بالله ثم فيكم جميعا ومشكورين ما قصرتوا