- السلام عليكم يالربع
السلام عليكم يالربع
يالله تصبحهم بالخير :8888::8888: وش الاخبار وش العلوم اول شي انا ازبط لزيارة الفلبين مره ثانيه بالصيف ان شاء الله من هالحين مزبوط سبق لي اني رحت على الخطوط السعوديه لمانيلا بسعر 2600 الصراحه قريت عنها قبل اروح والشباب مسخرينهم مسخره من تأخير ومن عدم خدمه :112::112: وبعدين توكلت على الله وسافرت صحيح انهم قالوا لي دايركت بس وقفنا بهونغ كونغ لمدة اقل من الساعه بس الخدمة ممتازه والوجبات حلوه بالحيل اتعم الله عليهم قصدي على دراهمي :x1::x1: ....
حطيت في بالي المره الجايه الخطوط القطريه لاني وانا راجع من مانيلا شفت طيارة القطريه جنبنا والله جديده والترتيب من ناحية الموظفين قلت حطيته براسي بس يقولون انه غاليه بعد..المهم واحد من ربعي وصل قبل امس على القطريه طبعا الخطه الدمام - الدوحه لمده ساعه - بالي(اندونيسيا)وعوده سيم سيم
المهم قعدت اسأله عن الخدمه قال مسخروبي مسخره قلت وشلون قال طبعا قبل موعد الرحله بأسبوعين دقو علي وقالو اخرنا الرحله وتبي تقعد بالدوحه 12 ساعه قلت مو مشكله بس دبروني بفندق قالو نشوف وسحبو علي قالو انت حاجز قبل شهر مايحق لك الفندق والله اقعد اسحب شناطي بالدوحه واخذت شقه وبعدها يوم جاء موعد الذهاب يوم دخلنا الطياره صحيح ان الطياره جديده بس يقول مااقدر احرك رجلي من الضيق ظيقه بالمره والوجبات مو حلوه الله يكرم النعمه حتى العصاير مافيه بس ان المظيف على راسك طبعا الرحله دايركت من الدوحه والحقيقه وقفو ب كوالالمبور ونزلو ركاب واخذو ركباب يعني هذي اكثر من ساعتين :112::112: بعدها الخطه الي براسي لبالي ووقفو بديره ماادري وشي المهم مسخرو فيني مسخره وصارت الطياره الكبيره بس الرحلات القصير وش الفايده علما بأن سعر التذكره 4500 ريال سعودي درجه سياحيه ... فلت مامثل الخطوط السعوديه يقرون دعاء السفر وراكدين وحتى لو حصل حركات مو زينه بس نتحملهم ... ارجوا الافاده على اي خطوط من ناحيه الراحله والمواعيد وقدره التعامل معهم لو قدر الله حصل اي تغيير في موعد الاياب لاني مانيب صاير بديره عربيه اسف على الاطاله وشكرا ...:8888::8888:
اهم شي عندي الراحه ثم السعر
يعني انا ارتب الخطوط
1 السعوديه
2الاتحاديه
3الامارتيه
4القطريه
5السنغفوريه
6الماليزيه
شوف افضل سعر فيهم و نم
هذي الطيران خدماتهم ممتازه