عد افراد العائلة
الاب الام
والابناء 4
بنتين
الاولى عمرها : 16
والثانية:14
والولدين : الاول :15
والثاني : 7
اتمنى تقولونلي وش الانسب تايلند ولا ماليزيا

السلام عليكم ورحمة الله وبركاتة
انا والعائلة سافرت لماليزيا مرتين كانت في قمة الروعة والاماكن هناك كثير حلوة وانصحك باالرحلة البحرية في جزيرة لنكاوي ياخذك بقارب لجزيرة صغيرة ويروح وبعدين يرجع لك بعد 5 او 6 ساعات ومعها جوال تقدر تكلمة وتسبحون في البحر انت والاولاد والمدام على راحتكم بس تايلند مااعرف عنها شي بس اشوف الناس تمدح بعد فيها وشكرا

تايلند اخي العزيز افضل من بعد تجربتي انا السنة الي طافت ذهبت الى تايلند معا العائلة و هل السنة انشالله رايح اول يوم العيد دامك دخلت قسم تايلند تمتع واقرة ] التقارير وبتحديد بوكيت وشنغماي واما انها تصلح للعائلة اكيد تصلح عند الابتعاد عن الاماكن السيئة ومذكورة عند الاخوان في تقاريرهم اتمنى لك رحلة موفقة في تايلند وبتدعي لي

انه رحت ماليزيا من قبل ورحت تايلند
وان شاء الله هذي السنه رايح ماليزيا تايلند مع بعض
الرحله راح تكون ان شاء الله
لليلتين كوالالمبور
4 ليالي بيننج
3 ليالي بوكيت
ليله بتايا
4 ليالي بانكوك
وانتظر تقريري ما قبل السفر

تايلند منفتحه اكثر من ماليزيا وحتى لو ابتعدت عن الأماكن المشبوهه حقت السهر والبارات لابد تلاقي شيء
ماليزيا محافظه اكثر
ماليزيا حتى كوالالمبور فيها اماكن تمشيه اكثر من بانكوك
وحتى مع تطورها العمراني تشوف طبيعه في كل مكان
بصراحه كل الدولتين لهم مميزاتهم الخاصه
وحسب طبعك انت تعرف شو اللي يناسبك
فيه ناس تتقبل كل شيء وفيه ناس لا
وفيه ناس تقدر تسيطر على عيالها وناس لا
وانت أدرى بعمر عيالك وطبعهم وشو يناسبهم

من واقع تجربه ماليزيا افضل للعوائل ,,بشرط تختار االاماكن المناسبه في ماليزيا ,,
جنتنغ البارده حرارتها تقارب 15 ,, فيها مدينة العاب ماتتفوت لازم تزورونها في (منتصف الاسبوع) لان في نهاية الاسبوع زحمه جداً وتحتاج ليلتين او ثلاث بالكثير ,, قريب من كوالالمبور لكن لازم تسكنون في فندق ,,قريب من كوالامبور ساعتين
مدينة الالعاب المائيه سنواي لاقون ,, فيها العاب مائيه حلوه لصغار والكبار والعاب مش مائيه فيها بعد ,, ونفس الشي لاتروحون لها الا نص الاسبوع ,, قريب من كوالالمبور ساعه
منتجع افاموزا حلو جداً ويستاهل الزياره ,,قريب من كوالالمبور يمكن ساعتين
جزيرة لانكاوي حلوه وفيها رحلات بحريه جميله جداً ,, لازم تقعدون فيها 4 ليالي وجزيره ماتتفوت قطعه من بوكت تايلند ,,
هذي بختصار الاماكن اللي ماتتفوت في ماليزيا ,, وماليزيا تنفع للعوائل المحافظه لن في تايلند مناظر ما احب عيالي يشوفونها بصراحه خصوصا اللي عنده عيال فوق 8 سنوات ,, بس ميزة تايلند انها ارخص من ماليزيا وفيها رحلات اكثر من ماليزيا ,, لكن كعوائل ماليزيا افضل ,,

من وجهة النظر تايلند مناسبه لو كانت بدون اطفال
فا اترك خبراء ماليزياء يفدونا اكثر
تحيه

اخوي ربي يحفظلك العائله الكريمه من واقع تجربه حديثه وطازجه انا ماصارلي اسبوعين من رجعتي الى البلاد رحت ماليزيا ورحت تايلاد وقد سبق واني رحت تايلاند كثير بس ماليزيا اول مره اخوي ماليزيا حلوه وممتعه بس الرحلات والفرفشه والوناسه كلها في تايلاند تايلاند متنوعه من رحلات وجزر واماكن وتنقلات ومطاعم ومجمعات واسواق ومفرحه وونيسه للصغير قبل الكبير والديره امان واللي يقول ماليزيا دوله اسلاميه ومايبي يشوف اللي بيشوفه في تايلاند اقول النهار الناس نايمه وتعبانه من السهر بس بالليل الناس صاحيه وسهاره يعني وانت مار والاراد من مجمع او سوق او مطعم او تمشيه بتشوف اللي بتشوفه في تايلاند اقولك اخوي روح وانت مطمن من وناستك وناسة العيال تايلاند
تايلاند تايلاند
موفق وبالسلامه

شرق أسيا كلها خير وبركه...وتقريبا متشابهات بالجو والشكل...تحياتى.