الافضل millinnium resot patong

نفس ماقال اخوي حسن ، الملينيوم

Millennium Resort Patong Phuket :
الموقع استراتيجي :على بعد خطوات من المركز التجاري Jung Ceylon
المبنى المقابل للشاطىء يطل على الشارع المشهور بالفسق
قد تواجه الازعاج بسبب النشاطات الليلية والصخب المصاحب لها.
دورة المياه يفصل بينها وبين الغرفه ستارة فقط مما يجعلك في حالة استنفار دائمة مع شريك الغرفة
الخدمه ممتازه والانترنت غير مجاني .
The Kee Resort & Spa:
قريب من النشاطات الليلية والازعاج المصاحب لها
الغرف صغيرة والاسعار مبالغ فيها الافطار على قد الحال
الانترنت مجاني لكن بطيء

ميلينيوم بدون ادنى شك ،،
يبقى ذا كي فندق ممتاز واهم شي تحاسب من الباعوض ولا تترك النوافذ مفتوحة وهو واقل سعرا من ميلينيوم ،،

يعني ما يصلح the kee لان انا حجزت فيه الصراحه .. هل تنصحوني بالتغير .؟؟ او انه جيد ..؟
واذا تنصحون بالتغير .. اي فندق بيكون افضل ..!!؟ خصوصاٍ ان احنا شباب .. فخلونا بعيد عن الستاير الي فالحمام - اعزكم الله .. ؟

لا اخوي بالعكس فندق the kee زين مافيه شي بس انا اشوف ان الملينيوم سعره اقل وافضل منه .
لكن فندق the kee لايعيبه الكثير ان شاءالله ، رحلة موفقه وسعيده

mr.7
ذا كي فندق حلو ومو معناته ما يصلح بالعكس يعتمد على نوع الغرفة اللي حجزتها ومكانها ،،
ودام انكم شباب في عدة خيارات اقل سعرا ومستوى رائع مثل :
بامبوري
رويال بالم
بان لاماي
توني ريسورت
تقدرون توفرون مبلغ زين وبنفس الوقت الفنادق حلوة ،،

والله يا ولد ديرتي .. انا غرتني الصوره الي في بوكينغ وسمعت كم واحد يمدح الفندق وخذت بشورهم وحجزت الفندق .. وين اخلي موقع الغرفه على حسب خبرتك ..!؟ عشان اتجنب الازعاج ..؟ وهل امان لين جيت بطلع من الفندق فليل .؟

mr.7
لا تحاتي الامان الغالي الباتونق حياة وحركة 24 ساعة ما في هدوء ،،
موقع الغرفه يعتمد على اللي حجزتها مثلا في غرف في الطابق الارضي وفيه الطابق الثاني او الثالث وغيرها مطلة على الشارع وغيرها على حمام السباحة وانواع كثيرة ،،
الغرف اللي مطلة على حمام السباحة دايما هي الافضل لانه في قلب الفندق وبعيد عن الشارع وازعاجه ،،
وعموما الفندق حلو لا تحاتي توه واحد من الاهل قبل شهر راجع وقعد في جم ليلة ومدد ويمدحه بس تغربل من الباعوض لانه كان يترك الدرايش مبطلة احيانا ،،