نشر في فوكيت

محتار بين فندقين في بانكوك ونبي رايكم بثالث في فوكيت

abu lbn

28-05-2022 - 12:53 pm

السلام عليكم كيفكم أعضاء المنتدى
انا على وشك ازور تايلاند وهي اول مرة ازورها وابي اسال من واقع خبرتكم لاني محتار والحل انشالله عندكم
محتار بين فندقين في بانكوك وهم: 1-Grace Hotel وهذا موقعهم http://www.gracehotel.th.com
والفندق الثاني 2- Baiyoke Sky Hotel
وابي رأيكم في فندق في جزيرة فوكيت وهو: Tropica Bungalow Hotel
مع العلم ان الزيارة راح تكون عائلية جدا مع وجود اطفال وشكرا لتعاونكم مقدما
ودمتم

التعليقات (9)

Delar2000

28-05-2022 - 04:30 pm

وعليكم السلام
اخوي فندق قريس لايصلح للعوائل نهائياا في فنادق واجد قريبة منه اذا كنت ناوي تسكن قريب من الحي العربي
اما فندق Baiyoke Sky Hotel فنا اشوف انه مناسب لاكن شوي بعيد عن الحي العربي
وبخصوص الفندق اللي في بوكيت فنا ماعرف عنه شي بس تقدر تشوف ارشيف بوكيت وراح تحصل اسامي الفنادق وصور
عنها ومناسبة للعوائل

abu lbn

28-05-2022 - 05:31 pm

شكرا جزيلا على الرد
بصراحة فعلا افدتني جدا بخصوص ان فندق غريس لا يصلح للعوائل الله يجزاك خير
طيب ويش ترشح فندق محترم في بانكوك قريب من الحي العربي؟؟

دولي

28-05-2022 - 06:32 pm

هلا اخوي
طبعا جريس غير مناسب لبعض العزاب فمابالك بالعوائل
فندق ماجيستك وسوفيتيل جراند سوكوموفيت وجراند ملينيوم ( جديد ) فنادق رائعه وقريبه من المنطقه
بالنسبه للفندق اللي في بوكيت حسب موقعه فهو بعيد جدا عن المنطقه المركزيه لكن اسعاره حلوة
وفيه فنادق كثيرة غيره
تحياتي

الحوسني

28-05-2022 - 07:33 pm

مرحاب الغالي
ممكن اعرف كم شخص تقريبا بيكونون وياكم بالرحلة علشان احدد لك الفنادق وكم تقريبا محطي في راسك سعر الفندق؟
وهذا الرابط بيفيدك بخصوص الفنادق في بانكوك وبوكيت وغيرها من ناحية النجوم والاسعار
https://artravelers.com/p/re/178724

abu lbn

28-05-2022 - 08:34 pm

هلا والله بالجميع بصراحة اشكر لكم تفاعلكم وفعلا اثلجتم صدري بالرد على استفساري
الاخ الدولي: مشكور على النصيحة
الاخ : الحوسني عدد الاشخاص اربع فقط انا احم احم والمدام واطفالي اثنين
وطبعا ما استغني عن خبرتك ونصائحك
بالمناسبه مدة السفرة خمسة ايام في بانكوك واربعة ايام في فوكيت

أم حناين

28-05-2022 - 09:35 pm

مرحبا اخي الكريم
بانكوك : عندك فندق ماجيستيك جراند اضغط هنا http://www.bangkok.com/majestic-grande/?s=google&gclid=CLi6zraio5MCFQWL1QodwErFnQ
بوكيت : انصحك بفندق الهوليدي ان للاطفال ممتاز جدا وموقعه حلو وفي الباتونغ بيج http://www.phuket.holiday-inn.com/
تحياتي لك
::
::
::

2Hard2Get

28-05-2022 - 10:36 pm

في بانكوك لو تبا تسكن قريب من منطقه العرب انا انصحك الصراحه في فندق اماري بلوفوادر .... و بعد عندك فندق لاند مارك بس هذه لازم تقطع الشارع على شان توصل لمنطقه العرب ...

قـــطــــــري

28-05-2022 - 11:37 pm

أم حناين
وانا رايي من راي ام حناين
ارشح فندق ماجيستيك عن تجربة وفندق روعة وسعره مناسب وقريب من المنطقة العربية
وفي بوكيت فندق الهولدي ان بعد عن تجربة وفندق روعة وموقعه ممتاز
وتروح وترجع بالسلامة

abu lbn

29-05-2022 - 12:38 am

هلا والله بالجميع الف
الف
الف شكر
ما قصرتو

فوكيت المسافرون العرب

محتار بين فندقين في بانكوك ونبي رايكم بثالث في فوكيت