وعليكم السلام
ألف مبروك وربي يتمم على خير
الاتنين حلوين ..
وسبق جربت الهيلتون وبصراحة كان جدا رائع و أحسه فخامة أكتر.. نتمنى نكرر التجربة

وفيه كمان الروز وود ... غرفه حلوة ومطلة على البحر
الويستن حلو ومطاعمه كمان رايقه خصوصا الفطور في الدور الاخير
يمكن مستوى الفخامة في الغرف أقل لكن تفضل حلوة ورايقه

ونصيحة أي مكان تروحه سواء مطعم ولا فندق أو اي مكان لاتتنازل عن حقك بدعوى الحرج أو يلا مشي حالك
لا أنت عميل ودافع فلوسك عشان تحصل على خدمة ممتازة وراقية

أنصحك بالهيلتون ، وقل لهم أنك عريس جديد عشان يقوموا بواجب الضيافة اللازمة
وعندك كمان الروز وود برضه ممتاز

رحال عاشق
مشكور أخوي .. رحال عاشق نصيحتك... بس مشكله عرض العرسان انه ب 1450 + 15% خدمه ..العرض يحتوي على مشروبات ترحيبيه + تورته (كيك) و يعني زي ما قلت لك كلام فاضي ما يستاهل هالسعر ... مع ان نفس الغرفه ابو 950 ريال.. والكيك والمشروبات باعتبار اني عريس فالأهل اكيد ماراح يقصرو
>وشكلي راح آخد ابو 950 ريال خلاص ...
تحياتي لك

عيون جدة
مشكور أخوي / اختي عالصور ويعطيك العافيه عالمساعدده ... ونصيحتك عالبال أولا

السلام عليكم
صباح الخير rayno..
أنا فهمت أن المشكلة ليست فى المقارنة بقدر ماهى فى السعر ، بصراحة 1400 ريال كثير على غرفة مهما كانت ، أنا رأييى حاول تتصل بفندق كراون بلازا ، وإذا كنت فى جدة (حسب ما أعتقد) روح لهم وتفاهم معاهم عن عرض للعرسان وشوف الغرف عندهم ، الميزة فى الفندق دا إن خدمتهم ممتازة بس غرفهم أصغر من هيلتون ..
إذا كان بيسووا لك تخفيض كويس مع تجهيزات العرسان (يساوى أو أقل من سعر هيلتون العادى) توكل على الله وروح عندهم ، أما إذا كان عرضهم للعرسان مقارب لسعر عرض هيلتون العادى خليك فى هيلتون ، المشكلة إن العديد من الأعضاء اشتكوا من بطء الخدمة فى هيلتون ..
أما ويستن بوضعه الحالى فلا تروح عندهم كإقامة ، الحلو فيه الكافيهات والمطاعم بس وإنه قريب من هيلتون..

شاعرى
مشكور اخوي شاعري وبصراحه نورت الموضوع !!!
لا المشكله مو في السعر ... السعر ما عندي فيه مشكله ادا كان مثلا 950 زي غرف الهيلتون العاديه ولكن 1400 غالي جدا... المهم عندي نوعيه + نظافه + جوده الغرف ثم الخدمه بشكل عام...
تحياتي لك أخوي شاعري وياريت تنورني بخبرتك ... بس فندق كروان بلازا خليه على جنب الله يستر عليك ما اقصد اني ابي سعر غالي مثل روز وود وقصر الشرق ...
ياريت تكون فهمتني وتحياتي لك مره اخرى

فندق الروز وود هو المناسب لقضاء ايام لاتنسى
فخامه
نظافه
وخدمه
وفي الاخير ذكريات روعه
طبعا اذا كان الفلوس عندك ماهي مشكله
====
==
أما الهلتون فهو الخيار الافضل لك لان سعر اقل من فندق الروز وود
والسعر مناسب لانك سوف تشعر بأجواء جدا رائعه
وبالتوفيق لك

مسافر 99
مشكور أخوي على ردك ، معلوماتك ومرورك.
حاليا بأفكر في الهيلتون... وخلينا نستنى ال Bonus السنوي :112: ونقرر بعدها ادا ممكن أروح الروز وود ولا لا
تحياتي لك