ممكن نعرف فترة بقائك في سويسرا وهل تريد ان تعمل جوله سياجيه فيها ام جنيف قط وياليت تعطينا اسم الطيران علشان نتاكد في اي مطار ينزل وكذلك هل ترغب البقاء في باريس ياليت توضح لنا برنامجك كامل والمحطات الرئيسيه

أخوي انا رايح شهر عسل
السفر يوم 24-8
ابي اقعد 7 ايام في سويسرا مقسمه بين جنيف و انترلاكن
مادري اذا في اماكن احسن من هالمكانين؟
ومو عارف كيف ارتبها ووين اسكن
وهذي اول مرة اجرب تاجير السيارة
و 7 ايام بفرنسا
فرنسا بروح فيها دزني لاند
وباريس
وسمعت عن مكان اسمه
Mont sant michel
شكله حلو
ونفس الشي مو عارف ارتب السكن
شاكر لك اهتمامك بالتفاصيل

استلم السيارة في جنيف وسلمها في نفس المكان
واطلع من جنيف إلى باريس طيران أو بالقطار

اجلس في جنيف 3 ليال
وبعدها الى انترلاكن ساعتين ونصف بالسياره 4 ليال
ثم الى تنتقل الى منطقه روست الالمانيه ( بادن بادن -ستراسيورغ الفرنسيه -اليورب بارك ) ساعتين ونصف بالسياره من انترلاكن
تقضي 3 ليال في هذه المنطقة ولعلمك اليورب بارك افضل من الدزني خصوصا للكبار
بادن بادن
http://www.aboaziz.net/blog/?p=746
ستراسبورغ
http://www.aboaziz.net/blog/?p=717
اليورب بارك
http://www.aboaziz.net/blog/?p=691
ء http://www.aboaziz.net/blog/?p=683
تسلم السياره في ستراسبورغ الفرنسيه وتنطلق بالقطار اقل من ساعتين ونصف الى باريس
تحياتي

اخوي ما قلت لي اسماء المحطات اللي اخذ منها السيارة و اسم المحطه اللي اردها لها
لان دشيت sixit
حاطين اسماء اماكن مادري من وين اخذها واردها؟
راح اسافر بال british airways
ان شاء الله
وخاطري اسافر من سويسرا الى فرنسا بالسيارة مو بالقطار
بس ناوي اخذ قطار من باريس الى لندن
ف يا ريت اذا تعرف اسم محطه القطار اللي بباريس علشان ارجع السيارة هناك
وابي اعرف البريتش اير ويز تنزل بالجانب الفرنسي و لا العالدي بجنيف ؟
واذا تقدر تقولي اسم فندق حلو بجنيف و في انترلكن؟
شكرا

بالنسبه لاستلام السياره من الجانب الفرنسي الموضوع هذا من مشرف البوابه lord155 راح يفيدك https://artravelers.com/p/re/566146
اما تسليمها فيعتمد على موقع فندقك في باريس ابحث عن اقرب فرع له او عطنا اسم الفندق ونشوف اقرب فرع له
ولازلت انصحك بعدم الذهاب الى باريس بالسياره فمشوارها من جنيف طويل 5 ساعات اطلع بالقطار 3 ساعات مباشر وريح راسك خصوصا انه لا حاجه لك بالسياره في باريس وعلى كلامك بتسلمها من اول يوم
واذا كنت بتنصى الديزني فهناك رحلة مباشره من ستراسبورغ الى ديزني ساعتين ونصف
تحياتي

قواك الله اخوي
اقتنعت بكلامك
وشوي وضحت الصورة
طيب الحين بقعد 3 ايام جنيف
3 ايام انترلكن
3 ايام سترازبورغ
وبعدين اروح باريس 5 ايام
السيارة استلمها من الجانب الفرنسي
باقي الحين اشوف وين اسكن بسترازبورغ علشان نعرف وين نرجعها ؟
او ارجعها بمحطه القطار اللي هناك قبل لا اروح باريس ؟
وما عليك امر
ابي الموقع اللي احجز منه قطار من سترازبورغ الى باريس ؟ و هل احجز من النت او من هناك؟
شكرا

بالنسبه للسكن في ستراسبورغ طبعا هناك معاك سياره وسوف تذهب لليورب راك وبادن بادن بالضافه الى ستراسبورغ وجميعهن متقاربات المسافه بينهن على نصف ساعه وبالكثير ساعه لذلك اذا جيت بحث عن فندق لا تبحث في بلده بل ابحث في المنطقه وشوف وش الفندق اللي يعجبك تقييمه وسعره وموقعه ايضا بحث لا يكون في السنتر ومكان مزحوم ولا يوجد فيه مواقف انت لاتحتاج للسكن في السنتر طبعا في نفس اليوم الذي ستسافر فيه تذهب وتسلم السياره بمحطة قطارات ستراسبورغ وتنتقل بالقطار الى باريس اقل من ساعتين ونصف ولعلمك هناك قطار من ستراسبورغ مباشر الى ديزني ساعتين ونصف ولكن اتوقع اليورب بارك تغنيك ولا مانع ان تجرب الثنتين بحيث تذهب الى الديزني من باريس يوم وترجع يعني مو ضرروري تسكن فيها فانت ليس معك اطفال كثير او عائله كبيره
موقع حجز القطار من ستراسبورغ الى باريس
http://www.sncf.com/en/passengers#
وهو ارخص من الموقع الاوربي
بالنسبه لاستلام السياره طبعا من جنيف الفرنسيه لذلك عندما تدخل الى مواقع الشركات لحجز السياره تختار الدوله فرنسا والمدينه جنيف وما راح يطلع لك الا موقع المطار
تحياتي

جزاك الله خير اخوي
الله يعطيك العافية