هلا فيك .. ومبروك مقدما .. وننتظر دعوتك لنا لحفل الزفاف ..
عموما ..
ارى ان من اجمل الطيران هو الامارتيه والقطريه
النقطه الاخرى .. انت كتبت تنتهي الرحله عند سالزبورخ والمفروض تجعل يوم بالعوده بفيا
مثال فينا 3 ايام سالزبورخ 4 ايام زيلامسي 5 ايام فينا يوم ..
اما الجدول الاخر والذي اقترحه لكم هو الذهاب الى فينا والعوده من ميونخ ويكون كالاتي
فينا 3 ايام سالزبورخ 3 ايام زيلامسي 4 ايام ميونخ 3 ايام كونها اقرب لك من العوده الى فينا .. والسبب الاخر جمعا بلدين رحله واحده وميونخ تستاهل
النقطه المهمه ..
اختيار التاكسي للتنقل بين المدن مكلف جدا جدا .. ممكن يكون استخدام التاكسي داخل فينا او ميونخ بمعنى داخل المدن . اما التنقل بينهم يكون اما بالقطار او بسياره مأجره ارخص ..
خفف الشنط واجعلها ذات تواير لسهولة السحب وتوكل على الله ..
تحياتي لك

تسلم على المعلومات الحلوه
اخوي اللي لاحظته اخوي انك اتزيد يوم لمدينه زي لامسي ليش ؟ مع اني سألت عنها قالو لي ماتسوى وايد فقط يومين ..وقالو لي سالزبورغ تسوى ..!!
على العموم ماخبرتني بالنسبه للفنادق ..ابغي فنادق قريبه من الاماكن ..ابغي اقتراحات من واقع تجربتك ؟؟

وعليكم السلام ورحمة الله
الخطوط الاماراتيه مناسبه جدا لك وهي خطوط ممتازه جدا وجربتها شخصيا
المخطط الافضل كالتالي ( 13 يوم = 12 ليله ) :
3 ليالي فيينا ( فندق الماريوت أو فندق الأنتر أو فندق الهيلتون )
4 ليالي زيلامسي ( فندق القراند )
3 ليالي سالزبورغ ( فندق كراون بلازا )
2 ليلتين ميونيخ ( فندق الميريديان )
التنقل بين المدن بالقطار ( أنت خذ التاكسي و يوصلك محطة القطار لذلك لا تشيل هم الشنط )
التنقل في فيينا وميونيخ بواسطة الاندرقراوند
التنقل في زيلامسي وسالزبورغ بواسطة الباصات

في فيينا خلاص استقريت في ماريوت فندق وايد حلو
اما سالزبورغ شورايكم بفندق Sheraton Salzburg Hotel او فندق رمادا ايهما الافضل
ابغي فندق مطل على طبيعه او يكون فوق الجبل لكن راقي مثل فندق Grand SPA Resort A-ROSA Kitzbühel روعه المكان على الاقل يومين..!!

الماريوت ممتاز
الشيراتون بسالزبورخ ممتاز
بزيلامسي شوف هذا الفندق الرائع اذا تبي من فوق الجبل ويطل على البحيره ورائع للمعاريس
Der Sonnberg
شوف هنا
https://artravelers.com/p/re/354556

كيفية استخراج الفيزا ؟.

غير الناس 1
سعر التأشيره للجواز الواحد ولمدة 6 شهور اذا ذهبت بنفسك للسفاره 280 ريال ( تأشيرة شنغن )
أما اذا أعطيتها مكتب تكون سعرها 700 ريال للجواز الواحد بدون تأمين طبي مدة أستخراج التأشيره أسبوعين ( تأشيرة شنغن )
لكن قبل تروح للسفاره تروح لمكتب التعاونيه وتأخذ تأمين طبي لك ويضيفون زوجتك معك بنفس السعر 450 ريال , ولو ماأضفت زوجتك معك يبي يأخذون منك نفس السعر لذلك الأفضل تضيف زوجتك معك وتروح للسفاره يقبلونها على طول واسرع لك من المكتب
طبعا أنا عطيتها مكتب وطلب مني الأشياء هاذي :
الاوراق المطلوبه :
1_ الجواز
2_ صورتين شخصيه لصاحب كل جواز
3_ تعريف من العمل بالراتب موجهه للسفاره اللي تبي تروح لها ( بالعربي مافيه مشكله )
3_ كشف حساب لمدة 6 شهور من البنك اللي ينزل فيه راتبك ويكون الرصيد في 25 الف ريال
هذا اللي أذكره الان و اذا نسيت شي العذر والسموحه

ممكن حد يقولي منطقه الفندق وين بتكون Grand SPA Resort A-ROSA Kitzbühel
Kitzbühel وكم تبعد من فيينا او سالسبورغ