صباح الورد على الناس الكويسيين
كيف حالك إن شاء الله بخيريين على قولة بنت اختي
الله يسلمكم اخوكم في الله محتاج إسعاف بس من نوع معلوماتي
حقيقة على شوفة المقاطع الي صايرة تنتشر هالايام بدأت اهون من أوروبا واقول يظهر حتى النمسا مافيها امان
فالله يخليكم ممكن تساعدوني وتفيدوني
- انا نازل ويا زوجة المستقبل في مطار ميونيخ واخذ السيارة من المطار من مكتب يوروكار, واخذت اودي A3 ومدري كيف وضعها.
- بعدها نقلع مثل قريندايزر الى كابرون وأقضي فيها 10 ليالي.
- وثمن نشد الرحال ونمر على سالزبورغ مجرد مرور الكرام وعلى ميونيخ ونقضي فيها ليلة بفندق قريب من المطار لأجل الرجوع إلى وطني الحبيب.
فيه مواضيع للأخ الكبير ابو عمر وإن شاء الله استفيد منها. وياريت تفيدوني من المخطط الي سويته
هذي اول سفرة لي لأوروبا بعد انقطاع دام 10 سنين.
وحاب اسأل, وش نصايحكم ؟ هل فيه اجراءات معينه من حيث الاوقات والقيادة فيها؟ وهل الدخول من المانيا للنمسا بالسيارة له اجراءات معينه؟
وبإذن الله إن كل واحد فيكم من ذكر وأنثى يتوفق في حياته ويديم ربنا عليكم السعادة و الرضا ويرزقكم الخير, وإن شاء الله إنكم ماتقصروا....
تحياتي لكم
الأفضل تبات في سالزبورغ يومين المنطقة رائعة تستحق المبيت فيها
بالتوفيق