وعليكم السلام ..
لو تبغي فساتين سهرات فيه محلات وتختلف اسعارها
تبغي فخمة مرة وراقية عندك ومااحد يلبس زيك مركز الحفني بس اسعاره غالية شوية تبدأ من 2000 وفوق
بس شئ راقي تتميزي فيه ..
وفيه المساعدية فساتينهم حلوة وراقية واسعارهم معقولة ..
وفيه الصيرفي والأندلس ووالنجار تلاقي فيهم نفس الفساتين حلوة واسعارها حلوة بس انتبهي
تلاقي فيهم نفس الفساتين مع اختلاف السعر ممكن تلاقيه في الصيرفي 1000 نفسه في الاندلس ب 800 او 600
والعكس.. لو ناوية من الثلاثة الاخيرة شيكي بالثلاثة المولات وخدي الفستان بأقل الأسعار ..
ولو تبغي قطع قماش مميزة روحي مجمع الشرق .. ..
اما بالنسبة للملابس العادية جينزات وتي شيرتات وهالحركات
انا آخد من عزيز موول .. وباقي المولات الي ذكرتها فيها برضو بس انا احب عزيز مول ..
فيه مجمع العرب بس فيه الأسعاار نار نصيحة روحي اتمشي فيه واتعشي ولعبي العيال
حتى انتي العبي فيه خ وروحي اشتري من اماكن ثانية غيره ..
فنادق ماعندي خبرة فيها بس اكيد لو تبغي حلو ونظيف وراقي
الفنادق العالمية
وفندق الموفنبيك الكل يمدح فيه ..
باقي اقولك اني مو من جدة بس حاولت اساعدك على قد مااقدر
وان شاءالله اكون افدتك
ورحلة موفقة

أهلا وسهلا بك أختي أم عبد العزيز في بوابة الغربية
وشكرا للأخت حبيبة حبيبي على معلوماتها المفيدة عن الأسواق والتسوُّق
الماركات تجديها في المولات مثل : رد سي مول و مجمع العرب و ستارز أفينيو و مركز الخياط التجاري 1 و 2 و عزيز مول و الأندلس مول ، أكثرها هدوء هما ستارز أفينيو و الأندلس مول
أما الفنادق ، فهي كثيرة وتتفاوت حسب تصنيفاتها ، من فئة ال 5 نجوم أرشح لك الكورنيش روز وود و الهيلتون ، ومن فئة ال 4 نجوم أرشح لك كراون بلازا و موفنبيك
متمنيا لك طيب الإقامة والتسوق في عروس البحر الأحمر

اذا تبغي فساتين سهره فعندك الخالدية والتحليه كلها بوتيكات وشغل حلو والأسعار متفاوته
ومن البوتيكات هذه
بوتيك أناسي . بوتيك مي فتياني . بوتيك فايزة . بوتيك دار الأناقة
أكتبي اسمائهم في قوقل وحتطلع لك الأرقام وتجارب البنات معهم

هلا بك اختي بالنسبة للماركات في مركز الخياط في شارع التحلية وبرضه فيه شوية محلات سهرة
فيه في جدة مول شارع التحلية محلات سهرة
بوتيكات في شارع فلسطين عكس مركز الجمجوم
المساعدية في طريق المدينة فيه محلات

السكن روزوود أو حياةبارك او الشرق التابع للهيلتتون
اذا الميزانية وسط فأنصحك تسكنين في فندق إيلاف جدة elaf jeddah hotel ((رد سي مول))
شارع الأمير محمد (التحلية) عموما فيها كل شيء تبينه
خوذي لفه على المولات الصغيرة اللي فيه وراح تحصلين مرادك
عندك الأفينيوز ايضا رائع على طريق الملك
باقي المولات اللي في وسط جدة ما انصحك فيها
لكن اهمها :
عزيز مول حلو لكن للأسف ساعات ما ارتاح فيه بسبب وجوده في حي سكني شعبي فيكون صجه ولجه خاصة الويكيد ما تفكرين حتى تقربين منه والا محلاته اللي فيه ممتازة و في الصباح المول يكون اكثر من رائع
عندك الصيرفي مول فيه شوية محلات فساتين متوسطة وممكن تمرين عليه
حراء افينيو ممتاز وممكن تمرين عليه
وحياكي اختي بجدة