السلام عليكم
اختي العزيزة
نبدأ في الاساسيات
1- شهر علي لوس انجلوس كثير اذا سياحة واهم اهداف السائح زيارة اكثر من مدينة واكثر من معلم خاصة ان الفترة الي انتوا رايحينها تسمح بذالك
2-اذا مثل ماتفضلتي ما تحبون التنقل انصحكم فقط بزيارة مدن كاليفورنيا (سان فرانسيسكو - سان دييغو) ومعها لاس فيغاس بعروضها العالمية الرائعة وهية قريبة
3-الفنادق نصيحة لك لاتنتضري من احد يشور عليك ابحثي بنفسك عن الفنادق لان الناس تختلف في الاذواق وبعطيك رابط يعطيك كل فنادق لوس انجلوس بتصنيفها وترتيبها والصور الحقيقبة للفنادق والبعد عن الصور الاحترافية والموقع هو نار علي علم وهو اكبر موقع في العالم للسياحة
http://www.tripadvisor.com.eg/Hotels-g32655-Los_Angeles_California-Hotels.html
5- بالنسبة لمدينة لوس انجلوس مدينة كبيرة مقسمة لمناطق عدة واهمها الشمال ثم الجنوب ولابد من سيارة للتنقل فيها
6- اما المعالم انصحك بالاطلاع علي التقارير لان معالمها كثيرة ومتنوعة
وانصحك بتقرير المشرف (عزيز) وتقريري الي فيه كل المعالم مصورة بالفيديو بدون مدن الالعاب الي هي ديزني واليونفرسال حيث اكتفيت بزيارة الافضل في اورلاندو
7- واذا قررتوا زيارة مدن اخري
الجدول راح يكون
1- 15 لوس انجلوس عشان ترتاحون كم يوم وتستعدون نفسيا لتنقل
2-4 ايام سان فرانسيسكو
3- 4 ايام سان دييغو
4- 6 ايام لاس فيغاس اذا بتشوفون العروض العالمية الرائعة
5- ويومين في لوس انجلوس تريحون قبل السفر
تحياتي

مشكور اخوي كثير على ردك ومساعدتك لي هل ممكن يكفي اسبوع للسكن في شمال لوس انجلوس واسبوع في الجنوب؟ بالنسبه للاس فيغاس نفسيا مب متقبلتها كثير بسبب الكازينوهات والقمار الي فيها اذا ممكن نطول اكثر في سان فرانسيسكو او في بديل ثاني اكون شاكره لك،،وبالنسبه للجو كيف بيكون خلال هالفتره؟

السلام عليكم
ايه طيب اسبوع في الشمال واسبوع في الجنوب دامكم ماتحبون التنقل
بالنسبة للاس فيغاس اغلب الفنادق اذا ماهي كلها صالات القمار الاساسية ماتمرون عليها يعني بعيده عن الريسبشن والطريق الي الغرف
سان فرانسيسكو حقها 4 ايام
وفيه سان دييغو 4 ايام طيبة
بنسبة للاجواء رائعه وهذا رابط درجت الحرارة في لوس انجلوس شهر سبتمبر
http://arabic.wunderground.com/history/airport/KLAX/2013/9/1/MonthlyHistory.html
تحياتي

جزاك الله خير اخوي الله يعطيك العافيه

السلام عليكم
حياك الله يااختي