1. أهلين فيك اختي .. وان شاء الله اباجاوبك على اسئلتك بقدر المستطاع .


2. وضعوا فيها الفلوس .. نصفها معك ونصفها مع زوجك )

أهلين فيك اختي .. وان شاء الله اباجاوبك على اسئلتك بقدر المستطاع .

أوالا .. ثقي اختي انك لو سافرت بدون ابنتك لتندمين اشد الندم .. لان قلبك بيكون معاها حتى وانتي في ماليزيا .. وصدقيني اختي انه لا يوجد اي معاناة تذكر بخصوص اخذ ابنتك معك .. بالعكس .. اكثر الاماكن السياحية فيها مجرى لعربة الاطفال .. وبعدين ابنتك تمشي .. يعني اذا دخلتو منتزه ووجدتم ما فيه مجرى للعربة فبإمكانكم وضع العربة عند صاحب التاكسي وخلوا ابنتكم تمشي شوي .
انا سافرت بولدي فراس وعمره 8 اشهر .. وصدقيني ما لقيت ولا صعوبة .. فنصيحتي شيلي فكرة انك تخلي ابنتك هنا وتسافري .. ( خذيها معك .. وعلى مسؤليتي انا )
بعديت ابسألك سؤالك .. كيف يطاوعك قلبك تسافري بدون ابنتك ؟؟ المفروض اختي انك ما تفكري في هذا الموضوع إطلاقاً .. ولا تسمعين لمن يقول لك سافري واتركي ابنتك هنا .. اقسم بالله لو سمعتي كلامهم لتندمين .. أعيد واكرر ( خذي ابنتك الله يحفظها معك .. وعلى مسؤليتي انا )
ثانياً .. بالنسبة للفلوس .. انصحك اختي ان تصرفي دوالارات من هنا .. وتوزعيها بينك وبين زوجك .. وخلي زوجك يشتري شنطة صغيرة
توضع وتلف على الخصر ( شنطتان .. واحده معك والثانية مع زوجك )

وضعوا فيها الفلوس .. نصفها معك ونصفها مع زوجك )

ثالثاً ..الفنادق .. انا بعطيك فنادق جميلة ورخيصة ونظيفة ( انا مجربها جميعها )
كوالالمبور ( فندق ريديوس ) الفندق ثلاث نجوم .. وهو في الاصل اربع نجوم .. واحرموه من النجمة الرابعة عشان ما عنده قاعة مؤتمرات .. الفندق بصراحة موقعة رائع على شارع العرب .. ( خذو الغرفة سوبريور ) عشان تكون في الادوار الاخيرة .. والمناظر من شباك الغرفة رائعة .
والسوبر يور ما تختلف عن الديلوكس كثير ..
لنكاوي .. ارخص فندق في لنكاوي هو ( فندق متيارا ) .. وهو من فنادق الثلاث نجوم .. ولكن ويعلم الله انه رائع . يكفيكم انه عبارة عن كبائن على البحر .. ويوجد كمان كبائن ما هي على البحر لكنها بين الاشجار .
انتم خذوا غرفة ديلوكس على البحر .. واصلا وانتم تتمشون داخل الفندق روعة .. ومناظر الشاطيء امامكم اكثر من روعة . ( الديلوكس غرفة على البحر وبين الاشجار ... والسوبريور غرفة على الحديقة بين الاشجار )
بينانق فندق ( بي فيو بتش ) اربع نجوم .. اكثر من رائع .. ويقع في افضل منطقة في بينانق ( منطقة باتو فرنجي وهو ارخص فندق في هذه المنطقة ) وقدامكم السوق الصيني مشي على الارجل .. وحديقة الفندق رائعة ويوجد به العاب الباراشوت .( خذو فيه غرفة سوبر يور جانبية .. جزء مطل على البحر والاخر على الجبل ) الديلكس لا تأخذونها غالية لأنها على البحر فقط .
جنتنق ( ما دام ابنتك معك فيحتاج انها تلعب شوي وتنبسط ) عشان كذا ابنصحك بفندق اسمه ( فندق جنتنق )
خمس نجوم .. لكن ما راح تتطولون فيه اجلسوا يوم واحد وبعدين انزلوا على كوالالمبور .
بالنسبة لمسيات الغرف .. فأعتقد ان الديلوكس دبل هو افخم شيء .. بعدين الديلوكس .. بعدين السوبر يور .
والفرق بينها اما بزيادة حجم الغرفة شوي .. او بالاطلالة .. او بالادوار .
( يعني كل هذه الاشياء ما تفقد السائح طعم وحلاوة الرحلة )
انا سكنت في السوبر يور والديلكس .. وما وجدت الفرق الي اتحسف عليه .
واذا نزلتم الفندق وشفتم ان السوبر يور ما اعجبتكم فيمكنكم تغييرها إلى ديلوكس بدفع الفرق بس .
واذا تبين ارتب لك الرحلة ابشري اختي .. بس علميني كم يوم بتسافرون .. وكيف تبين توزعين الايام بين المدن .
تحياتي
اخوك
الماهري

الأخ الماهرى ماقصر ,,
أقولك لك أختى الكريمه أعقليها وتوكلى على الحى الذى لايموت ,,,
الظاهر هذه أول سفر والخوف مشروع ,,الأمور بسيطه ونحن نكبرها ,,
عربة البنوته لن تتعبكم ,, ستوصل العربه الى باب الطياره ,,, فقط عند الوزن اخبروهم بذلك حتى
تحصلون على ورقه للتثبيت الأسم على العربه ,,,
ستكون طفلتكم هى الوناسه وهى المتعه الحقيقيه ,, أنا سافرت وبنتى عمرها سنه وكانت معى
صحيح الضغط يرتفع بعض الأحيان ولكن وناستها جعلت الرحله افضل بكثير ,,
أفضل ان تقيمون فى جينتينغ بنفس الفندق الذى ذكره الأخ الماهرى ,,,
جينتينغ هى سفره بالنسبه للبنوته ,,العاب حتى الأشباع ,
أخى الماهرى لم أراك تتحدث عن فندق ومنتجع هوليدى إن فيلا ,, فى لنكاوى وبينينغ !!!!!!!
الله الموفق ,,

شكرا اخوي جوال مسافر على التعليق .. وسبب عدم حديثي عن الهوليدي ان فيلا .. هو ان الاخت تبغى فنادق سعرها رخيص .. ومعقولة .. والهوليدي ان مثل ما انت عارف .. ( غالي شوي )
لك خالص مودتي
اخوك
الماهري

الله يجزاك كل خير أخي الماهري ومثل ماتوقعت انك أول من تجاوب علي ..
الله يحقق لك ماتتمنى ويصلح لك ذريتك .. آآمين ..
بالنسبة لبنتي مافكرت أتركها نهائيا .. هذا شيء مستحيل بس انا اقول لك الكلام اللي وصلني ولو الله كتب لنا السفره باذن الله هي قبلي في الطيارة .. انا لو اغيب ثلاث ساعات عنها انهبلت بس حبيت اعرف وأقنع زوجي ...
مشكور وماقصرت الله يطول بعمرك .. كفيت ووفيت ..
اذا ماعليك كلافه أخوي ياليت ترتب لي الرحله لأننا باذن الله بكرا بنحجز ومانستغني عن نصايحك ورأيك في برنامج الرحله ..
رحلتنا تقريبا 10أيام .. وكوالالمبور ماابي فيها أكثر من يومين أبي طبيعة وبحر مليت من العماير والحضارة .. و .. أحب الهدوء والرومانسيه فمن كلامكم حبيت لنكاوي كثير وودي نجلس فيها 4ليال..
الله يجزاك كل خير أخوي الماهري ..
شكرا أخوي جوال السفر .. وماقصرت وفعلا أخوي الماهري الله يعطيه العافيه دايما سباق للمساعده والنصيحه .. سفراتي كلها لدبي والبحرين .. وكرهتهم وخاصة دبي مااعجبتني ابدا .. ماليزيا اللي في بالي وعسى ربي يحقق لي أمنيتي ويكتب لنا السفره وننبسط ..
بس سؤال :: بالنسبة للعربيه مايحتاج نحطها في كرتون ؟؟ ماراح تنكسر مع العفش ؟؟
لأن زوجي فكر انه نشتري من هناك .. وش رايكم ؟؟
الشكر كل الشكر لكم ...

أبشري اختي .. واي استفسار لا يردك إلا لسانك .
ولكن قبل كل شيء ترى عشر ايام مرة قليلة .. وصدقيني ما تجيب حق تعب السفر وطوله .
( زودوا أقل شيء 3 ايام .. عشان تكون 13 يوم )
أمااذا انتي مصرة على عشر ايام فأعتقد ان الافضل ان تكون رحلتكم كالتالي بناء على قولتك انك تحبين اماكن الهدوء و .
اول ما توصلون مطار كوالالمبور .. تتجهون على طول للخطوط الداخلية وتسافرن على لنكاوي.
ولا تنسين تحجزين من هنا على رحلة لنكاوي في اليوم الي بتوصلون فيه على كوالالمبور .
لنكاوي 4 ايام ( متيارا ) رومانسية
بينانق 3 ايام ( فندق باي فيو بتش ) حدائق
جنتنق يوم واحد ( فندق جنتنق ) عشان البنت والجو البارد العليل
يومين كوالالمبور ( فندق ريديوس ) لازم تكون المحطة الاخيرة كوالا لمبور
بالنسبة لعربة البنت .. فاشحنيها بكرتونها طيران .. وما راح يصير لها شيء بإذن الله .

:smile106:
بارك الله فيك .. وجزاك عني كل خير .. ماقصرت أخوي ..