أهلا أختى بنت حواء ..
بخصوص شقق جدة أنصحك بالفنار العالمى أو نايس لاند خلف الدانوب فى مدخل جدة هى أقرب الشقق لمجمع العرب بس صار لهم مدة (راجعى موضوعى المثبت : المراجعة النهائية للأجازة الصيفية) أو فندق آفيل جراند (ونظامه أصلاً سويتات) وهو جديد جداً ويقع على طريق المدينة قرب تقاطع حراء ..

بالنسبه لجده انا قريت موضوعك وجمعت معلومات منه الله يجزاك كل خير واتصلت على الشقق اغلبها ماعندهم الاغرفتين..
نايس لاند -اونيكس- مون لايت ماعندهم الاغرفتين للاسف ..
افييل قالوا الجناح ثلاثه غرف بمبلغ 1400 ريال
سعرها غالي جدا..
ورود الصفوه قالوا لي شقه ثلاث غرف 850 ريال
بس لها ثلاث سنوات فاتحه اخاف يكون مستواها مش ولابد..
مرجان جده كملتهم قالوا لي شقه ثلاث غرف وبمبلغ 720 ريال
بس مااعرف كيف مستواها
منازل التحليه شقه اربع غرف قالوا السعر 1400 ريال
بس مااعرف كيف مستواها وسعرها غالي جدا
لاند مارك شقه ثلاث غرف السعر 1200 ريال
بس مااعرف كيف مستواها وسعرها غالي جدا
بحيره جده شقه ثلاث غرف بمبلغ 400 ريال
بس مااعرف كيف مستواها
القصر الكلاسيكي شقه ثلاث غرف بمبلغ 600 ريال
بس مااعرف كيف مستواها
ضيوف الوطن شقه ثلاث غرف بمبلغ 450 ريال
ومالها الاسنتين فاتحه بس موقعها في عز الزحمه
الفنار العالمي قالوا لي السعر لشقه ثلاث غرف 750 ريال
بس مااعرف كيف مستواها ....
.
.
هنالك فرق كبير بالاسعار بين اغلب الشقق وبصراحه ماني عارفه اي وحده الافضل والاقرب لمجمع العرب
لان احد اقاربنا يسكن في هذي المنطقه ونرغب ان نكون قريبين منهم..
ولكن نرغب في ان يكون السعر مابين 600- 700 فقط
ويهمني النظافه النظافه وليس الفخامه
وعلى فكره كلمت بودل فرع التحليه وذكروا لي انه في فرع جديد وراح يفتح بعد اسبوع وانه موقعها شارع حراء قرب طريق الملك ..
هل هذه المكان قريب من المنطقه الموجود فيها مجمع العرب ام لا؟
انا محتاره لاننا كنا قبل سنتين تقريبا نسكن في شقق اسمها كوالتي هاوس في طريق المدينه ولكن ارامكو استأجرت المبنى
وكانت مميزه وبالذات المبنى رقم 2 وهو الجديد وقتها
وياليت ماتنسوا شقق الطايف لاني تعبت وبحثت ومالقيت الا هالمجموعه : هاي مون 1-2-3
سن رايز
كاندل سويت
شقق b2
برج شبرا
طبعا ماكلمت ولاشفت الاسعار ولو اتصلت راح اكتب الاسعار هنا للفائده للجميع ..
ايهم افضل وياليت لو فيه شقق جديده وابغاها داخل البلد واتوقع انه شار ع شهار هو الافضل في الطايف ..
لاننا سنذهب لزياره بعض الاقارب ولانرغب في الهدا والشفا لبعدها عن مدينه الطايف

الشباب كفو و وفو بجدة
بالنسبة للطائف
رحت لها و فيها اجنحة فندقية ( كلمت فخمة قليلة في حقها )
اولها : B2 للاجنحة الفندقية : بعد كوبري الحلقة للي جاي من الرياض
انا سكنت فيها شيء على مستوى فخم بكل شيء
الاثاث كله من خارج المملكة (نبطي نجيب زيها )
هو الوحييد اللي رقمه معاي 7503333 طبعا بعد رمز المنطقه 02
قصر لازورد : شيء مميز ؛ جنب كوبري الصيانه
هاي مون : توة مفتتحينه و ممتاز ؛ جنب كوبري الصيانه
فندق اوالف شيرتون : هذا ما عليه كلام ؛ هذا اصلا برج طوله 33 دور و فيه هذا الفندق
في وسط الطائف
تحياتي ....................
هذي اللي لفيت عليها و اعجبتني

كلها زي الفل
بس انا سكنت في b2 و الله كلمت فخمة قليله في حقها
و الباقي حلوة و جديدة
بالتوفيق

أهلا ً أختى بنت حواء ..
ماشاء الله تبارك الله برافو عليكى سألتى وجمعتى معلومات فأفدت نفسك وباقى الأعضاء ممن لديهم نفس الاستفسار جزاكى الله خيرا
خلينا نرتب الأولويات ، أنا لاحظت أن الأولوية عندك (طبعاً بعد النظافة التى لاتنازل عنها) هى القرب من مجمع العرب ، وكما ذكرت لك نايس لاند والفنار (متجاورتين تقريباً) هما أقرب شقق إلى مجمع العرب (خمس دقائق بالسيارة) وتمتازان كذلك بأنهما خلف هايبر ماركت الدانوب (مشى) وكذلك قريبة جداً من سوق حراء الدولى والبيك (أيضاً مشى) ومحلات خطوات وسيتى ماكس اللذان يقعان فى مبنى آفييل جراند...
الفنار العالمى شكلها حلو من برة وكمان سعرها معقول لأن فى الصيف بتتضاعف الأسعار خلوه الخيار الأول ..وأجازة سعيدة فى جدة إن شاء الله

اهلا وسهلا اختي
في شقق اسمها برج العرب
خلف العرب مول
سكنت فيها قبل 3 سنين وكانت نظيفه وحلوه وكويسه
اما الحين مادري عنها
اهلا وسهلا فيكي بجده
وجزا الله خير كل من ساعدك

راح اقولكم وش سويت بالنسبة لشقق الطايف واللي صار معاي ومنها تستفيدوا انتوا كمان ..

• سن رايز قالوا لي شقه ثلاث غرف بمبلغ 1000 ريال
• كاندل سويتس قالوا لي شقه غرفتين 700 ريال
• فندق b2قالوا لي جناح ثلاث غرف بمبلغ 900 ريال
• الطايف احلى قالوا لي شقه غرفتين 350 ريال

شقه غرفه وصاله 250 ريال
شقه غرفه وبدون صاله 200 ريال
ولهم سنه ونص فاتحين ..
وفيه فرع جديد الطايف احلى 2 راح يفتح بعد 4 ايام ان شاء الله مقابل قصر شبره

• هاي مون 1و2قالوا لي ماعندهم الاغرفتين

وفقط هاي مون 3 عندهم شقه ثلاث غرف بس اللي استغربت منه انه كل الفروع الثلاثه فتحت بنفس الوقت وقبل اربع سنين( هذ كلام اللي رد علي) ..
هذا اللي حصلت عليه وبالاسعار واتوقع انه افضل شي راح نجرب السكن بالطايف احلى 2 وبالذات انها راح تكون جديده وسعرها مناسب حتى لو اخذنا شقه غرفتين وشقه غرفه واحده..

nmno-333
شكرا لك وكلمت فندق b2 وبصراحه سعرهم غالي 900 ريال بالنسبة لشقه ثلاث غرف واكيد بيكون نظيف لان ماله الا اسبوعين فاتح تقريبا ..
ياليت لو عندك صور له تنزلها عشان نشوفها ويستفيدون منها الاعضاء
قصر لازورد ياليت تعطيني رقمه لو عندك ..
هاي مون ايش الفرع الجديد لان الهندي اللي رد علي بشقق هاي مون 1 قال انه الفروع الثلاثه فتحت مع بعض..
تحياتي لك

شاعرى
شكرا لك اخوي شاعري وبصراحه نايس لاند ماعندهم شقه ثلاث غرف ولو بغينا ناخذ شقه غرفتين وشقه غرفه راح يطلع علينا السعر 950 ريال ...
فاتوقع اننا راح نشوف شقق الفنار العالمي لان مالقيت صور لها وحتى الموقع زي قلته مايفتح ولاشي
واذا ماعجبتنا مالنا الا بودل الجديده اللي راح تفتح بعد اسبوع ان شاء الله ...
واكيد الواحد ينبسط في جده