midoooo
20-09-2022 - 12:32 pm
السلام عليكم..
بداية كده انا متابع الموقع ده من زمان في اي حاجه بحتاجلها ودايما شايفكم متعاونين مع بعض وبتدلو بعض على اللي بيجهله الاخر.
وانا محتاجلكم بجد في مساعده بسيطه اوي ..بعد ازنكم يعني.
ان شاء الله انا نازل يوم واحد اسكندرية عشان اشوف مدام المستقبل وحاليا هي خطيبتي.
وعايز اقعد معاها في مكان يكون هادي ورومانسي وعلى البحر علطول..ويكون نظام القعدات فيه مستقله او مش قريبه اوي من بعض عشان الواحد يقدر ياخد راحته ويحس انه لوحده.
ده هو يوم ياجماعه..ياريت بجد تساعدوني واكون شاكر ليكم اوي..
مستني ردودكم على احر من الجمر.
بس ياريت اللي يقولي المكان يوصفهولي عشان انا هيبقى معايا سواق لاني ماعرفش حاجه في اسكندرية.
شكرا تاني مره..
هل في اسكندرية اقدر مثلا اجر مركب او حاجه وياخد جول ساعتين مثلا في البحر او مركب كبير في ناس وكده بس يكون فخم عشان يبقى هادي وواتمشى فيه كده على السطح مثلا..
ساعدوني ياجماعه انا نفسي اليوم ده يبقى احسن يوم..ومش هيبقى كده من غيركم..