1. وعليكم السلام ورحمة الله وبركاته


2. مراحب أختي وحياج الله بينا وتوا مانور المنتدى ..


3. أما أخر عنوان يختلف عن كل الي ذكرته ..

Little Lady

وعليكم السلام ورحمة الله وبركاته

مراحب أختي وحياج الله بينا وتوا مانور المنتدى ..

كامبرلاند حلو وخصوصاً انه مجدد واللوبي حقه حلو ..بالنسبه للشخص الثالث لازم تذكرونه عند طلب الحجز او تحجزون الغرفه حق اثنين والثالث يحشر نفسه معكم من غير ماأتبلغون الفندق ..بس افضل اتبلغون الفندق وراح ياخذون عليكم مبلغ بسيط زياده للسرير الثالث الي راح ايوفرونه لكم..
أما بالنسبه لفندق أرخص فعندج فندق ثيستل ماربل أرتش أرخص وقريب من كامبرلاند واجد..يعني دقيقه بينهم مشي ..وفيه فندق هيلتون متروبولي على شارع ادجول رود أرخص ..
بالنسبه للتسوق عندج أكسفورد بطوله ( ولاتنسين تدهنين ارجيلج بعد السوق اعزكم الله لأنها راح تنهد من المشي ) ..وراح اضيف لج بعض اسامي المحلات الغير موجوده على اكسفورد ..
محلات باركر barker of kensington
العنوان 63kensington high street,london w8
جون لويس john lewis
العنوان ..على شارع اكسفورد ..
مجمع هارفي نيكولز harvey nichols وهذا عنوانه knightsbridge,london sw1
مجمع حلو وقريب من هارودز ..يعني إذا مريتي على هارودز فتقدرين مره وحده اتمرين على هالمجمع ..
اول ماتطلعين من الباب الرئيسي لهارودز لفي أيمين وامشي سيدا لين ايكون على أيدج اليمين ..
ليبرتي liberty
العنوان.. regent street,london 220-210
مجمع وايت ليز whiteleys shopping center
العنوان..queensway,london w2
آرمي & نيفي army & navy
العنوان.. 101victoria street, london sw1

أما أخر عنوان يختلف عن كل الي ذكرته ..

وهي عباره عن قرية تسوق..البعض يعرفها والبعض لايعرفها ..وتعتبر هذي طريقه مبتكره لتسويق الملابس..
( يقال ) أن اسعارها تقل عن سعر المحلات في لندن بين60%إلى25%..لكن الحقيقه ان هذي الملابس لاتعتبر نفس الملابس المعروضه في نفس الوقت في أسواق لندن..تعتبر البضاعه القديمه الي كانت في لندن ايودونها هذي القريه هناك ..مثلاً..إلى بيروح سنة 2007 راح ايلاقي بضاعه 2006 في هذي القريه وأسعارها حلوه وتستحق الزياره..قد تكون هناك بعض الموديلات الجديده لبعض المصممين ..
وأنا عن نفسي أنصحكم بزيارتها ..
أسم القريه بسيستر فلج shopping villages - bicester village
وطريق الوصل أليها كالتالي :
1- بالسياره ..تاخذ طريق m40 من لندن بأتجاه مدينة اكسفورد إلى ان تصل مخرج رقم 9 بعدها تأخذ A41 بأتجاه بسيستر BICESTER وعند وصولك لأول دوار عليك باتباع أشارة VILLAGE RETAIL PARK
2-القطار ..تقدر تاخذ القطار من محطة ميريلبورن MARYLBONE القريبه من شارع ادجول رود إلى محطة بسيستر نورث BICESTER NORTH STATION ..
ولي يبي يستفسر زياده عن هذي القريه يقدر يتصل على 0990165165
وأي شي احنا تحت أمرج ..

الف الف الف شكر الخوي القطري
الله يجزاك الجنةيارب ..من جد وسعت علي
طيب اخوي بسألك؟؟
المواصلات وش تنصحين فيه احنا نحب التاكسي وقالوا لنا مكلف
والاندر قراوند مانحب نركب فيه ...ف..وش الحل؟
وبغيت اسأل عن المناطق الريفية اللي تنصحوني بزيارتها..انا رحلتي شهر تقريبا وماراح اقضيها كلها في لندن ف أبي ازرو المدن للي حولها...
فعندج فندق ثيستل ماربل أرتش أرخص وقريب من كامبرلاند واجد..يعني دقيقه بينهم مشي ..وفيه فندق هيلتون متروبولي على شارع ادجول رود أرخص ..
>>>هل هالفندقين حلوين من الداخل ولا لا ..لأنه أهم شي عندي السكن ..
وبانسبة للقريه كم تبعد عن لندن..
ووين محلات (فندي وديور ولوي فيتون ) هناك ..والاوت لت حقها برضو وين؟؟؟
مشكوراخوي مره ثانيه..الله يعطيك العافيه ..

Little Lady
الله يجزينا ويجزيج الجنه ان شاءالله ..
شوفي طال عمرج ..
بالنسبه للقرى الريفيه فأنا وياج ..لازم الواحد يطلع من جو الصخب ويحتاج إلى هدوء..وخصوصاً طبيعة بريطانيا اتخلي الواحد غصب ايحبها ..خضره وبرد وجبال واللون الأخضر ( الحشيش ) منتشر على مد البصر ..فيه موضوع امثبت عن القرى الريفيه فوق ..
هذا عنوانه..
https://artravelers.com/p/re/73206
بالنسبه للمواصلات..التكاسي مكلفه كثير ..والأندر قراوند ماأتحبينه..فمالج إلا الباصات ..أخذي تذاكر اسبوعيه قيمتها حوالي 11 او 12 باوند لمدة أسبوع ..مفيده وأرخيصه ..وخصوصاً الباصات حلوه عندهم وأنصحج تقعدين في الدور الثاني واول كرسي قدام عشان تتفرجين طول الطريق
فندق ثيستل ماربل أرتش حلو من داخل واغرفه اوساع..سكنته الصيف ألي فات..والفندق نظيف ..
بالنسبه للسوق ..المحلات الي ذكرتيها مش موجوده فوق ؟؟
إذا مش موجوده راح اوفرها لج ان شاءالله بكرا إذا كنا من الحيين ..
وأي استفسار أو سؤال راح اتلاقينا تحت أمرج ..
ولاأتحاتين ولاأتشيلين هم ان شاءالله ..

السلام عليكم .. أختي الكريمة..الأخ القطري ما قصر كفى ووفى ما شاء الله.
بالنسبة لداخل لندن..ممكن اتروحين لشارع كارنبي وهو متفرع من شارع ريجنت..حلو وفيه قهاوي وقعدات جميلة..
وممكن يوم السبت اتروحين بورتبيلو رود..وهو شارع لبيع التحف والأنتيكات وحتى لو ما تبين تشترين منه شي..التمشي فيه حلو
Blue Water Mall وهو مجمع تسوق كبير خارج لندن في منطقة كنت
وممكن بعد بالقطار اتروحون منطقة Bath
أما بالنسبة لخارج لندن..فأنصح بمنطقة البحيرات (Lake District) وبالأخص بحيرة windermere lake حلوة جدا والبحيرة فيها تأجير قوارب بخارية
أتمنى لكم السلامة في الحل والترحال..ودمتم سالمين

أخوي القطري الله يعطيك العافيه ماقصرت والله
أدري اسئلتي بايخه شوي بس تحملني
تذاكرالباصات اخذها من وين من اللوبي ولا فيه محطة للباصات لأنه في جنيف كان لوبي الفندق يوفرها لنا..
واذا فيه متاحف ومدن ترفيهيه حلوة ياليت تقدر تفيدني فيها..
جزك الله كل خير ..الله يعطيك العافية..

egghead
الف شكر الله يجزاك خير ماقصرتوا كلكم
بس بغيت اسأل عن منطقة البحيرات ..تستاهل اسكن فيها كم يوم ولا لا؟
وممك نخريطة المكان اذا ماعليك مر
شكرا جزيلا

أخوي القطري بغيت اسأل عن الكمبرلاند سألت شركة سياحية وقالوا الثيستل ماربل اغلا منّه
وقالو لي الهلتون مو مره مرتب وقال لي المسؤل شوفي السيلفرج ..هل هو حلو ولا ولا؟
انا راية اليوم المكت السياحي عشان احجز فيالت اخوي تفيدني؟
والف الف شكر

Little Lady
لاأتقولين كذا , وبالعكس الواحد كل ماسأل كل ماأكتشف اشياء جديده والصوره توضح له أكثر ,
التذاكر بتلاقينها عند مواقف الباصات ,إذا وقفتي عند مواقف الباصات راح اتلاقين مكاين لونها أصفر إذا ماخانتني الذاكره , راح اتلاقين عليها الشرح كامل , والمكاين منتشره بكثره في مواقف الباصات
لاأتشيلين همها ولاأتحاتينها ,وتقدرين بعد تاخذينها من الفندق
أما المتاحف فراح احطها لج الليله ان شاءالله ,
ولاأيصير خاطرج إلا طيب

Little Lady
ثيستل أغلى من الكامبرلاند !!!!!!!!!!!
الهيلتون يمكن أيكون مش مرتب بس سعره حلو ومكانه حلو على أدجول رود
شيكت على سعر ثيستل الحين على النت حوالي 815 ريال قطري, يعني 223 دولار أمريكي فلليله ,,
كم قالج الكامبرلاند وبكم ثيستل؟؟
والحين صار عندج خلفيه عن سعر ثيستل فقارني بينه وبين الكامبرلاتند في محل السفريات