بالنسبه لي اهم شئ في السفر السكن عندي استعداد ادفع نصف الميزانيه للسكن وطالما انتي من كلام الاعضاء غير مقتنعه وعاجبك الموقع فما يمنع تسكني اسبوع واذا عجبك كملتي .

بصراحة وانا اتصفح الجريدة اليوم لقيت عرض لمكتب سياحي بخصوص فندق اطلس والعرض أهو :
أقامة : في فندق أطلس
لمدة : 21 يوم
بسعر : 340 دينار كويتي لشخصين
يعني تقريبا 1020 دولار على ما أعتقد
فما أدري هذا العرض والسعر حلو ولا لأ ؟؟
وخصوصا اني مو مقتنعة في فندق اطلس من كلام الاعضاء بس عاجبني فيه موقعة
ياليت اللي عنده خبره بأسعار الفندق يفيدني العرض اللي نازل زين ولا لا ... لاني مترددة بصراحة
صباح الخير ياأختى بالنسبه للعرض اللى حصلتى عليه ممتاز جدا جدا ياعنى يطلع عليك سعر الليله بمبلغ 226 ريال سعودى مايعادل مبلغ 16 دينار كويتى 0
اما بالنسبه للفندق فهو جيدجدا من ناحيته النظافة وكذلك يوجد فى اللوبى الخاص بالفندق قهوة كوستا كوفى وكذلك محل صغير لبيع الهدايا وكذلك محل صرافة والميزة المهمه انه يقع على شارع جامعه الدول العربيه وجيع المطاعم العالمية تجدينها امامك مباشرة وعلى يسار الفندق يقع السوبر ماركت الشهير مترو وهذى عن تجربه شخصية لى لانى سكنت فيه مدة عشرة أيام فى شهر مايو الماضى ،،،،،،،،
تحياتى لك وتقديرى 000000

بالنسبة لي سكنت فيه في أحدى زياراتي منذ سبع سنوات تقريبا ولم يكن بالمستوى المطلوب أصنفه من فئة الثلاث نجوم ..ولكن موقعه جميل جدا بامكانكم السؤال عن فندق النبيلة فهو على الألقل أفضل منه وفي نفس الشارع ...
ولكنك ان كنت لاتشترط السكن الفخم فو عادي جدا ....

انا حجزت فيه وكانت قيمه الليله 215 ريال للغرفة مزدوجة
انا رايحه بعد اسبوع ان شاء الله
اشوف الفندق او السكن بشكل عاام للنوم فقط وباقي اليوم تمشاايه
دعواتي للك

اختي calm mood ممكن تذكرين لنا من وين حصلتي العرض ولك التحية

أشكر كل الاخوان اللي شاركوا بالموضوع ونصحوني : )
المسافر2
أشكرك أخوي العزيز على النصيحه بس المشكله انه لازم نحجز من هني لانه عرض .. وبصراحة مانبي نروح هناك واحنا مو حاجزين ومانلقى حجوزات بالفنادق ونتبهدل : )
أبن السعودية
مشكور وماتقصر وبصراحة انا يهمني راي الاشخاص اللي جربوا الفندق تجربة شخصية وبصراحة الموقع عجييب .. ومشكور على النصيحة بخصوص السعر : )
نفحات روحانية
مشكور اخوي العزيز على مشاركتك ورايك وبخصوص فندق النبيلة بصراحة نظيف ومرتب لاني مجربته من قبل ويعطيك العافية : )
مسك ابيض
أختي الغالية مسك أبيض والله حلو السعر اللي كنتي حاجزته من قبل .. أرخص من السعر اللي نازل الحين
على العموم تروحين وتردين بالسلامة انشالله والله يوفقج ويوفق الجمييع : )
كريم سبله
هلا فيك أخوي العزيز وممكن ليش مو ممكن .. والمكتب السياحي اللي منزل العرض أسمة موناكو إذا تبي أكتب لك عنوانهم ورقمهم بس مادري ممنوع ولا لا : )

هلا فيك أخوي العزيز وممكن ليش مو ممكن .. والمكتب السياحي اللي منزل العرض أسمة موناكو إذا تبي أكتب لك عنوانهم ورقمهم بس مادري ممنوع ولا لا : )
:36_1_38:
طبعاً ممنوع يا calm mood