توزيع الايام :
بوكيت 7 ايام
شانقماي 3 ايام
بتايا 5 ايام
بانكوك 4 ايام
يبقى يوم واحد ويصيرون 20 تقدر تخليها في بتايا ،،
بالنسبة للفنادق اذا تبي تختصر الوقت وتضمن الحجز فالنت ممتاز جدا ،، اما لانكم شباب فاعادي تلفون وتختارون فندق يعجبكم وحسب ميزانيتكم ،،
واذا تبي نرشح لكم فنادق حدد لنا كم الميزانية لليلة الوحدة ونشوف لك شي حلو ومميز ،،

هلا والله حيالله ولد البحرين ، ولد ديرتي
مشكور اخوي على الرد السريع، بس عندي جمن سؤال سريع:-

• ميزانية الفندق في حدود - دينار، اي أحسن احجز من الفندق نفسه او من مكتب سياحي؟ و اذا تشور علي جمن فندق تسوي فيني خير، اهم شي يكون في منطقة العرب و حوله مطاعم و قهاوي
• اول ماوصل بانكوك، اي احسن اخلي بتايا اول محطة والله بوكيت؟
• ناس يقولون كوسموي احسن من شنقماي حق شباب، شرايك انت تسوى اروحها؟

و مشكور مقدماً

hash3300
وعليكم السلام اخي العزيز
جدول الرحلة
4 ايام شنغ ماي
7 ايام بوكت فندق بان لاماي بيتش
6 ايام بتايا فندق مارينا ينسباي منشن
3 ايام بانكوك فندق قريس
الحجز عن طريق النت ارخص واحسن لك
اخوك : عبدالله الكويتي

bigbin609
هلا اخوي بو عبدالله
مشكور على المرور يالغالي و نورت الموضوع، ممكن لاهنت رابط الفندق مال بتايا؟ و هل مكانه في منطقة العرب؟

راجع لك اخوي بعدين وبعطيك كذا خيار لفنادق في كل منطقة ،،
وبالنسبة لكوه ساموي حلوة وايد وهي جزيرة عكس شانقماي اللي هي منطقة جبلية وما في حواليها بحر يعني انتوا بتروحون بوكيت وبتايا وبوكيت شبه جزيرة وبتايا مطلة على البحر فحلو انكم تغيرون جو في منطقة جبلية مثل شانقماي وكوه ساموي خلوها لسفرة ثانية لان انا اضمن لك انك بترجع تايلند مليون بالمئة !!
اما شنو تروح قبل انا خليت لك جدول الايام وهو مرتب لك اول شي بوكيت بعدين شانقماي وثم بتايا واخيرا بانكوك ،، دايما بالسفر ابدأ بالغالي لان بوكيت اغلى منطقة سياحية في تايلند وارخصها بتايا ،، اما بانكوك في للسوق والمجمعات وبعد فيها رحلات حلوة وحدايق وملاهي تسوه تروحها ،،
الفنادق برشح لك اشيا حلوة اذا شفتني نسيت ارد عليك دز لي رسالة خاصة تذكيرية وما يصير خاطرك الا طيب ،،

hash3300
لا شكرا علي واجب اخي العزيز
بس هالفندق ماله رابط علي الانترنت هو في منطقة العرب
اخوك :- عبدالله الكويتي - خبير تايلند

مشكورين اخواني ولد البحرين و عبدالله الكويتي
اخوي ولد البحرين شترشح من فنادق لي في بوكيت(باتونق بيج) و بتايا(شارع العرب) و بانكوك(شارع العرب نانا) و الميزانية دينار غير اللي رشحهم عبدالله؟
في بوكيت ناوي ااجر موترسيكل سكوتر بغيت محل مجرب و ثقة اذا ممكن و مشكورين.

لا شكرا علي واجب يا اخي العزيز

1. وهذي فنادق حلوة ارشحها لك :


2. بانكوك:

اخوي ولد البحرين شترشح من فنادق لي في بوكيت(باتونق بيج) و بتايا(شارع العرب) و بانكوك(شارع العرب نانا) و الميزانية دينار غير اللي رشحهم عبدالله؟
بوكيت الباتونق بيتش:

• فندق c&n
• فندق توني ريسورت
• فندق اماتا ريسورت
• فندق جانق ريسورت
• فندق بومانبوري (غرفة ديلوكس ولا تاخذ سوبيريور)
• بوبا بالاس

بتايا :
نصيحة لا تسكن بمنطقة العرب ما تسوه كلش خلك مكان ثاني وروح لمنطقة العرب للقهاوي او لتناول الوجبات بس،،
اما فنادق شارع العرب المشهورة عندك :

• في سي
• مارين ينسباي
• مون لايت

بس الحجز يكون من الفندق وغير ذي دايما يبون بخشيش! يعني اسكن فندق محترم ونظيف بعيد عن شارع العرب احسن ،،

وهذي فنادق حلوة ارشحها لك :

• Baywalk Residence (فندق ممتازقريب من منطقة العرب و قريب من البحر بس سعره اكثر من 20 بجم دينار )
• Sabai Wing
• Sabai Empress Hotel
• Areca Lodge Hotel
• April Suites Pattaya
• Sabai Lodge Hotel
• Sabai Resort
• Pattaya Bay Resort
• Nova Park Hotel

بانكوك:

• جراند ان (في شارع العرب)
• ايبيز نانا
• سولو 2
• Omni Tower Serviced Residences
• Boss Suites
• Heaven@4 Hotel
• Unico Express (في شارع العرب)

في بوكيت ناوي ااجر موترسيكل سكوتر بغيت محل مجرب و ثقة اذا ممكن و مشكورين.

• اغلب المحلات مضمومنة اخوي وفي فنادق وايد تأجر بعد ،، انا ما اجرت من قبل حتى افيدك لكن اعرف وايد من الربع يأجرون بدون مشاكل ومو من محل معين ،،