للتنويه قبل قليل قمت بالحجز في فندق DO&CO Hotel Vienna
لمدة 3 ليالي
غرفه مطلة على المدينة بتكلفة SAR 4405.44
والإلغاء مجاني
أحتاج نصايحكم

الله يوفقك ..وان شاء الله يساعدونك اهل الخبره

هلا ابو نايف
أنا مثلك شهر عسل في نفس الوقت اكتوبر ونفس حجزك الوصول فيينا والمغادرة ميونخ وسويت حجوزات الفنادق
فيينا 4 ليالي فندق لي مريديان
سالزبورغ 2 ليالي فندق شيرتون
زيلاممسي 6 ليالي فندق مفادا
ميونخ 4 ليالي فندق سوفتيل
باقي السيارة مدوخه راسي أبيها من فينا والتسليم في ميونخ

ميرانو حبيب قلبي أنت ههه أبشرك أني توي غيرت موعد الرحلة وكنسلت حجز الفندق
خليت الإقلاع بتاريخ 3 أكتوبر والرجعه بتاريخ 19 أكتوبر
مدري ليش مسكت غلط على التغيير
ثاني شي أبي اسألك زيلامسي 6 ليالي مو كثيرة شوي ؟
والا فيه أماكن تستاهل
وبالنسبه للسياره بقولك طريقه حلوه ورخيصه تطلع من فينا لسالزبورغ بالقطار وبعد ما توصل الفندق وتحط غراضك تطلع لديره قريبه 10 دقايق بالتاكسي تاخذ السياره منها وترجع وتعتبر اخذها من ألمانيا وتسلمها في ميونخ وتطيح عليك الضرايب

أبو نايف99
يعني انت قبلي تمشي أنا الذهاب في تاريخ 7 والعودة 23
والله تبي الصدق أنا مسافر شهر عسل وأبي ارتاح يعني اذا فيه فعاليات الخير واهله واذا ما فيه عادي يكفي لو اتمشى في السيارة في الأرياف ومطاعم وفله وكوفيات ومولات يعني بخليها مفتوحه حتا لو أشوف جو الفندق أوكيه مو لازم اطلع أنا ما احب اذا سافرت اتقيد برنامج معين السيارة فيه بإذن الله والقارمن موجود والحداثيات مو جوده أنا اهم شي عندي السكن اذا نظيف وفخم أوكيه اهم شي اما الجدول وتقيد ما ينفع لشهر عسل يعني ودك تركز على اشياء تعطي جو بطل وبنسبة لسيارة ودي أخذها من فيينا واسلمها في ميونخ ما ودي اركب قطار ودي أخذ راحتي وتفرج على المناظر وانا مرتاح وبعدين السيارة متعه هناك

كلامك صحيح لكن انا قبل زرت لندن وجربت المتعه بالأندر جراوند
وزي فينا راح تحصلها زحمه وغير كذا مواقف قلق ومو كل مكان تقدر توقف وكل موقف عليه ضريبه
بالنسبه لي أفضل أني أكون بدون سياره وعيش جو اوروبا وجرب الاندر جراوند انت والمدام لحظات لا تنسى
لكن انا مادري عن الفنادق ياخي احترت من اليوم اقرى كادري علي ايش احجز

السيارة بأخذها اخر يوم في فيينا وامشي ع طول لسازبوغ
شوف الفنادق الي أنا ماخذها حلوه مرة

أقول ميرانو توني حصلت عرض مغري على قولتهم في بوكينق
فندق
Radisson BLU Palais Hotel, Vienna
أخذت فيه غرفه النادي الملكي مادري عنه زين والا لأ