نشر في فيينا

محتاج مساعدتكم

سعداباد

31-08-2022 - 06:05 am

الاحبه اعضاء المنتدى كل عام وانتم بخير وتقبل الله نا ومنكم صالح الاعمال
بإذن الله انا مسافر في 3 اكتوبر الى فينا وناوي ازور سلازبورج وزيلامسي وقارميش وميونخ والنهايه في فرانكفورت بتاريخ 18 اكتوبر
ارجو منكم مساعدتي في تحديد الفنادق لكل مدينه وعدد الايام لكل مدينه
مع تحياتي لكم

التعليقات (9)

no nick

31-08-2022 - 09:13 am

مرحبا اخوي
في زيلامسي سكنت في سي فيلا و عندك فندق قراند يمدحونه أغلب الاعضاء
و في ميونخ سكنت في لي ميريديان و بصراحة ما عليه كلام ... و قارمش ما انصحك تسكن فيها .. يكفيها يوم تروحلها من ميونخ (تقريبا ساعة و نص بالقطار)
اذا ودك تشوف تفاصيل و صور للمناطق و الفنادق (ميونخ قارميش زيلامسي) شوف الرابط الموجود في توقيعي
دمت بكل ود

سعداباد

31-08-2022 - 10:14 am

الله يعطيك العافيه
بس ايش رايك في الفنادف في سلازبورج وفيننا؟

ALI_Q8_77

31-08-2022 - 11:15 am

حياك الله اخوي .. وان شاء الله تستفيد معانا
اولا الرحله .... تحتاج الى تعديل اذا امكن ... مثل ان نلغي فرانكفورت من الرحله لبعدها عن ميونخ
الرحلة بالقطار من ميونيخ الي فرانكفورت تستغرق اربع ساعات
ثانيا المخطط المقترح
فينا 4 ايام
سالزبورخ يومين
زيلامسي 4 ايام
ميونخ 4 ايام ومنها يوم كامل الى غارمش الجميله
الفنادق كثيره ... انت حدد 4 او 5 نجوم
واترك الباقي علينا
وانا بالخدمه

سعداباد

31-08-2022 - 12:16 pm

الله يعافيك اخوي علي سرعة الاجابه
بس حبيت ابلغك اني مااقدر الغي فرانكفورت لاني مرتبط بعمل هناك بتاريخ 18
اما الفنادق فاني افضل 5 نجوم وماعندي مشكله اذا كان هناك فنادق 4 نجوم ونضيفه ومجربه وموقعها ممتاز
وياليت تفيدني عن التنقلات بين المدن هل تنصح بالقطار او السياره
تحياتي لك

جاليليو

31-08-2022 - 01:17 pm

اهلين اخوي
بالنسبه لفيينا انا سكنت بالمريديان جدا ممتاز ، بالنسبة لزلامسي سكنت بفندق الجراند وتوفقت ببنت بالرسبشن محترمه اعطتني غرفة موقعها رايق وعموما يعتبر الافضل بالمدينة ..

سعداباد

31-08-2022 - 02:18 pm

جاليليو
حياك اخوي
المشكله ان فندق الجراند مافيه حجز
الظاهر انهم مسوين صيانه للمبنى
شكرا لك

ALI_Q8_77

31-08-2022 - 03:19 pm

حياك الله اخوي .. بسم الله نبدا المخطط .. لكن قبل فرانكفورت راح توصل لها بتاريخ 18 وله قبل ؟؟
على العموم انا ابفترض ان 15 يوم مدة الرحله بدون فرانكفورت
فينا 4 ايام ... الماريوت .. الميرديان ... الكراند .. جميعهم 5 نجوم
سالزبورخ يومين.. افضل ان تسكن بالشيراتون 5 نجوم ... او ريسانس 4 نجوم مجرب وجيد وطبعا ساخير الاشهر
زيلامسي 4 ايام .. سي فيلا وسي هوتيل على البحيره مباشره .. وبزيلامسي فندق واحد 5 نجوم Salzburgerhof
ميونخ 4 ايام ومنها يوم كامل الى غارمش الحلوه.. انصحك وبشده بالميرديان لا ادور غيره ..او بيرشر هوف
وانا حاضر لجميع متطلبات الرحله ..
اما بخصوص التنقل يعتمد عليك اخوي الكريم .. اذا كنت تجيد السواقه وتعرف للقارمن فشي حلو وتاخذها من زيلامسي افضل

ALI_Q8_77

31-08-2022 - 04:20 pm

مره اخرى اخوي
حتى اتيح لك فرص اختيار اكثر سوف اكتب المزيد من الفنادق ..
فينا:
Do and Co hotel ، الميرديان , الماريوت , الانتر , الراديسون ساس , هيلتون شتاد بارك , اوروبا , ، NH Atterseehaus
سالزبورج:
, بريستول , الشيراتون , كراون بلازا , ريناسانس ماريوت ،NH
زيلامسي .. فنش منك او نيوبوست بالسنتر بس غرفهم ضيقه
ميونخ
فندق الكمبنسكي 5 نجوم بشارع الماركات
Sofitel Munich Bayerpost الفندق مقابل لمرديان و 400م عن المحطة الرئيسية . فخم وحلو
Novotel MünchenCity بجانب هوليدي ان
couryard by marriot munich city الفندق قريب من المحطة الرئيسية ومن المارين بلاتز مكيف
وبخصوص فرانكفورت اذا حاب فندق .. انا حاضر
ولك تحياتي

سعداباد

31-08-2022 - 05:21 pm

حياك اخوي علي
الله يعافيك على المجهود الحلو هذا
بالنسبه للفنادق افكر في فندقnh او الماريوت في فيننا
اما سلازبورج فاعتقد الشيراتون الافضل
وزيلامسي مافيه افضل من سي هوتل
وميونخ انت تقول مافيه منافس للميرديان
وحبيت اقولك اني انوي استأجر السياره من فينا واسلمها في ميونخ وافكر اني ازور قارميش بالطريق من زيلامسي الى ميونخ .
اذا ماعليك امر ابغاك تعطيني رايك بكل المخطط وتعدل عليه اللي تبي .
ولك كل الشكر

فيينا المسافرون العرب

محتاج مساعدتكم