1. http://www.aboaziz.net/blog/?p=683

اذا وصلت منطقة روست (اليورب بارك وستراسبورغ وبادن بادن ) سلم السياره في ستراسبورغ وانطلق الى باريس بالقطار اقل من ساعتين ونصف وخلي رجعتك من باريس
وكانك ما بعد حجزت تذاكر ولا سويت شيء فهذا برنامج اعتمدته بعد تجارب وبحث وقرائه وحسايف على خساير مالها ستع وحسايف على اماكن لم ازرها المهم انه زبدة بحثي المتواصلوالجميع هنا مجتهد والخيارات والاقتراحات كثيره ومتعدده والسبب ان منطقة وسط اوروبا رائعه وكل مسافر زار منطقه معينه يراها الاجمل مما يجعل الباحث عن برنامج معين في حيره من امره والاجمل من ذلك ان نجمع بين الجمال والبساطه وسهولة التنقل وتوفير التكاليف بقدر الامكان لذلكاولا : اختيار محطة الوصول ويفضل ان تكون محطة تصل اليها الخطوط السعوديه لكي يكون طيرانكم مباشر وبدون ترانزيت والفتره التي سوف تسافر فيها تعتبر الاسعار فرصة ذهبيه على الخطوط السعوديه فسعر التذكره الرياض جنيف والعوده من باريس او العكس سعر التذكره 2135 ريال
ثانيا :محطة المغادره يفضل ان تكون محطه مختلفه عن محطة الوصول لكي لا تضطرون للعوده مره اخرى وفي نفس الطريق الى محطة الوصول
ثالثا: المحاوله بقدر الامكان ان يكون استلام السياره وتسليمها بنفس الدوله لكي لا تزيد التكلفه بسبب ضريبة اختلاف الدول وتكلفة السياره في هذا البرنامج لمدة 12 يوم استلام جنيف تسليم ستراسبورغ او العكس SAR 2463 شامل تامين اساسي ولكي تحصل على التأمين الشامل تدفع 1400 ريال
رابعا : ان يكون اختيار محطات المبيت مرتب بحيث لا تكون متباعده بشكل كبير ومرهق ولا تكون متقاربه بشكل لا يستفاد منه
خامسا: ان يكون توزيع المناطق بتنوع بحيث تشمل مناطق ريفيه واخرى ترفيهيه واخرى مدن عالميه متميزه واماكن تسوق
سادسا : اذا كان لكم رغبة بالتسوق فيفضل ان تكون هي محطتكم الاخيره لكي لا تضطرون الى حمل ما تم شرائه معكم بكل محطه تنتقلون اليها الا اذا كان معكم سياره واسعه
سابعا : الاطلاع بنفسك على خرائط قوقل ومعرفة المسافات بين المدن التي ترغب ان تكون لك محطات مبيت فيها اذا كان تنقلك بالسياره اما اذا كان بالقطار فتذهب الى مواقع رحلات القطار وتشوف هل الانتقال سهل مباشر وسريع ام صعب ومعقد ويحتاج اكثر من محطة لتغيير القطار
افضل مخطط والذي اراه متميز وغير مرهق ودائما انصح به هو كالتالي ويمكن ان تبدء بالعكس كما تحب ولكني افضل ان تكون باريس هي المحطه الاخيرهوهي مدينه صاخبه تصلح ان تكون اخر البرنامج حيث يتغيير برنامج الاستيقاظ فيها اجباريا لذلك من الصعب ان تبداء ببرنامج فيه سهر وصحيان متأخر الى برنامج تستيقظ من الساعه 7 او 8 صباحا
محطة اولى منطقة جنيف(جنيف -ديفون- لوزان -انسي ) حيث يتم استئجار سياره من مطار جنيف الفرنسيه وقضاء 2 الى 3 ليال حيث يمكن زيارة اماكن كثيره مع البحث ستتعرف عليها ومع وجود السياره يمكن السكن في مكان موجود بين الاقواس حسب السعر والعروض والفخامه
المحطه الثانيه انترلاكن وهي تبعد عن منطقة جنيف ساعتين ونصف حيث الطبيعه الساحره فهي جنة الله في ارضه ويمكن قضاء من 3 ليال فيها
المحطه الثالثه (اختياريه )منطقة زيورخ (زيورخ-كونستانس الالمانيه -بريقنز النمساويه-ريف هايدي -شلال الراين -الغابات السوداء) وهي تبعد اقل من ساعتين ونصف عن انترلاكن حيث يمكن قضاء ليلتين
المحطه الرابعه منطقة روست الالمانيه (بادن بادن الالمانيه -ستراسبورغ الفرنسيه -ملاهي اليورب بارك-الغابات السوداء) وهي تبعد ساعتين عن منطقه زيورخ وللعلم فأن ملاهي اليورب بارك افضل من الديزني باريس خصوصا للكبار ويمكنك القراءه عنها والقناعه تعود لك ويمكن الجمع بين الثنتين اذا احببت
وبوجود السياره يمكن السكن في اي منطقة بين الاقواس حسب العروض والمميزات ...الخ
هالتقارير للخبير ابو عزيز
بادن بادن
http://www.aboaziz.net/blog/?p=746
ستراسبورغ
http://www.aboaziz.net/blog/?p=717
اليورب بارك
http://www.aboaziz.net/blog/?p=691
الغابات السوداء

http://www.aboaziz.net/blog/?p=683

وفي حالة تم الغاء المحطه الثالثه الاختياريه فيمكن الانتقال مباشره من المحطه الثانيه انترلاكن حيث تبعد عنها اقل من 3 ساعات حيث يمكن قضاء 2او3 ليال فيها
وفي ستراسبورغ الفرنسيه يتم تسليم السياره وبما انكم استلمتموها من جنيف الفرنسيه فلن يكون هناك ضريبه والتي عادة لا تقل عن 1700 ريال حسب الدوله المستلم منها والمسلم اليها فبعض الدول تصل الى 3000 ريال كما بين فينا وروما
المحطه الخامسه الانتقال بالقطار السريع المباشر الى باريس والمسافه اقل من ساعتين ونصف لانه قطار سريع حيث قضاء 3 ليالي في باريس ثم المغادره بالطيران المباشر الى ارض الوطن طبعا
وفي حالة رغبتك الوصول الى باريس كمحطه اولى يتم عكس الاتجاه فقط يعني باريس ستراسبورغ حيث يتم استلام السياره واخيرا جنيف
معلومه اخيره اختم بها برنامجك الانتقال من باريس الى ستراسبورق بالسياره يستغرق 4:20 يعني بالامكان الانتقال بالسياره اذا كانت تكلفة القطار مرتفعه او مرهقه
البعض يرتكب خطاء كبير وشائع وهو الجمع بين انترلاكن وزل امسي والذي لا انصح به خصوصا لمن رحلتهم مدتها قصيرهكما يمكنك اذا كنت ترغب بشده في ايطاليا واذا كان برنامجك ووقتك يسمح اضافه محطة لوقانو على حدود ايطاليا ساعه من ميلان الايطاليه
بحيث تصبح هذه المحطه بين ممنطقتي انترلاكن وكونستانس فهي تبعد عن انترلاكن ساعتين ونصف وعن كونستانس 3 ساعات

ياسلام عليك اخوي daayem1
برنامجك رائع واحس انه مناسب وراح افكر بموضوع باريس وفكرة زيارتها من عدمها
ممكن اخوي تساعدني باختيار سكن يكون نظيف وبسعر مناسب
واخيرا كم ممكن تكون التكلفه لشخصين من غير التذاكر والسكن والهدايا
اقصد المصروف اليومي بحدود كم من تمشيات واكل ...
واخيرا وين افضل الأسواق اللي اسعارها مناسبه للهدايا وبعض المشتروات الخاصه
ولك الشكر والتقدير اخوي

بالنسبه للمصاريف انت عارف الناس تختلف وخصوا بالسكن والاكل بعضهم ياكل باي مكان والبعض لازم مطعم راقي وايضا الكميات بعضهم يشبع من لقمه وبعضهم كل ما مشى خطوتين يبي ياكل ههه والاكل غالي وبعدين فيه ناس يحب يجلس بالكوفيات ومحلات الايسكريم ..الخ وايضا البرامج البعض برنامجه مزحوم كنه رايح بمهمه يبي يدخل كل مكان والبعض روقان يعجبه منظر الطبيعه وبحيره وشلال وهذي ببلاش ههه باختصار المصروف يعتمد على الشخص اذا انت شخص عادي مصاريف غير السكن لن تزيد عن 1500 ريال
واذا انت تبي سوق اضف محطة لوقانو فهي قريبه من الاوت لت فوكس تاون واوت لت ميلان ربما تكون ارخص من باريس يعني ممكن تعكس المسار بدل ما تشيل مشترياتك بالقطار اذا كنت ناوي تشتري شيء كثير

يعني اخوي لو وضعت ميزانيه يوميه 1000 ريال للتمشيه والأكل تعتقد تكفي والا احتاج ازودها
لأني مافهمت كيف للشخص العادي 1500 !!!
انا شخص ابي اطلع من الصباح اتمشى وعندي مصاريف وجبات الغدا والعشا واكيد في كوفي شوب بوسط الطلعه لزوم الراحه
وياليت تساعدني بفكرة الفنادق وتعطيني خيارات لفنادق نظيفه وسعرها مناسب
ولو اضفت لوقانو كيف بيصر مسار الرحله

1000 ريال ممكن تكفيكم ولكن احتياطا اعتبرها 1500 يعني المصروف لمده 14 ليله تقريبا 20 الف شامل بنزين السياره
السكن ب500 ريال ممكن تحصل
لوقانوا اذا ادخلتها بالبرنامج راح يكون كذا جنيف ثم انترلاكن ساعتين ونصف ثم لوقانوا ساعتين ونصف ثم منطقة بحيرة كونستانس ساعتين ونصف ثم ستراسبورق ساعتين ونصف واحيرا باريس بالقطار ساعتين ونصف
اذا ما تبي سياره لازم تلغي لوقانوا الانتقال لها ومنها صعب بالقطار

كذا مشاوير كثير
شرايك اكتفي بجنيف و انترلاكن وبادن بادن ( اليوروب بارك )
كذا صح والا تنصحني بباريس اخر ثلاث ليالي ؟؟
او الغيها واكتفي بزيارة سويسرا
ومازلت انتظر مساعدتك باسماء فنادق نظيفه وسعرها مناسب

الفنادق لا حقين عليها بس اهم شيء ترتيب المحطات الرئيسيه واختيارها ما تم عبق انا سويت المسار لان بعضها مرتبط ببعض وتفاصيل اخرى مثل استلام وتسليم السياره ولعلمك انا اراعي ظروف المسافرين مثلا عددهم هل معهم اطفال ...الخ واهم شيء عندي المسافات بين المدن وتنوع المحطات والسكن في افضلها ابعطيك امثله حيه وموجوده على وقوع الكثير من الاعضاء في اخطاء فادحه رغم نصائحنا وتوصياتنا احد الاعضاء استشارني بخط السير حقه وبعد اخذ ورد ونصائحي له وصل الموضوع 9 صفحات
بالاخير امس حصلته بالصدف يسأل في احد المواضيع ويشتكي من غلاء السياره مع اني مخطط اني اوفرها له والله اكثر من النص والرجال غير نكه لاسباب خاصه ودخل بموضوع ثاني امس وسئل سؤال واستفسرت منه على السريع عن برنامجه ويوم مارد قلت خلني اشوف مواضيعه السابقه يمكن اعرف برنامجه لعل وعسى اقدر اعدل شيء وانصدمت يوم شفت له موضوع وصل النقاش معه الى 9 صفحات
https://artravelers.com/p/re/826147
وهذا الموضوع اللي دخل علينا يسأل فيه ولاحظ من سؤاله عرفت برنامجه بدون ما اعرفه
https://artravelers.com/p/re/836415
ووحده من الاخوات اليوم الفجر حصلت لها سؤال ويوم طلبت البرنامج انصعقت وانقهرت بنفس الوقت تخيل وصولهم الى جنيف والانتقال مباشره الى انترلاكن نقول الخطوه هذي مقبوله لانه من المطار ساعتين ونصف وخصوصا ان رجعتهم من جنيف يعني لاحقين عليها المشكله انها مخصصه لهذه المنطقة الجميله يومين فقط ثم ناطه الى زل امسي 6 ساعات بالسياره ليس مدري وبعدها سالزبيرق وبعدين ترجع لزيورخ 4 ليالي وبالاخير منطقة جنيف ليله ؟؟!!!
وبعضهم ترسم له برنامج وتكون دقيق بتنسيقه وبالاخير يفتر الى محطه تلخبط ام البرنامج والقطار ما يوصل لها الا بصعوبه طبعا اغلبهم بسبب التسوق وما فقع مرارتي الا اسواق الرياض وانا لست ضد التسوق ولكن ليس على حساب برنامجي فان كان الاوت لت قريب من منطقتي او استطيع ان اضيف له محطه بدون لخبطة البرنامج فاهلا وسهلا اما ان كان سيقلب برنامجي ويلخبطه ولو جزء بسيط فبقعلته خصوصا اني مستحقر الاوت لت حقهم عقب الاوت لت حق امريكا
معليش طولت عليك بالكلام ولكن ابيك تكون دقيق باختياراتك ولا تنساق وراء اي اقتراح تشوفه والناس مجتهده وهم فعلا على صواب لان قلب اوروبا والمربع الذهبي سويسرا النمساء المانيا وفرنسا وشمال ايطاليا كلها جميله وكل واحد سافر يعتقد انه شاف افضل شيء ويوصي الناس عليه ولم يراعي ظروفهم فهو سافر بسياره ويمكن خفيف عادي يضرب مشوار 6 ساعات ما فكر فيه ناس معتمدين على القطار وبعض المناطق صعب الوصول لها بالقطار وبعضهم معه اطفال والبعض الاخر عائله كبيره
جنيف 3 ليال انترلاكن 4 ليال منطقة كونستانس 3 ليال منطقة روست ليلتين باريس 3 برنامج ولا اروع سلس وسهل وانتم شخصين خفيفين وللعلم يمكن تطبيقه بالقطار بدون مشاكل ولكن بالسياره اكثر متعه بل تزيد المتعه بنسبة 80 %
وحاول تحصل على سعر التذاكر المخفضه

الله يعطيك العافيه اخوي وادري تعبتك معي
وقصص الأخوان فوق خلتني انحرج منك
بس تحملني شوي لجهلي ببعض المدن وودي اكون على بيه
شفتك اخوي اضفت مدينة كونستانس على مسار الرحله ..
ودي بس تعطيني كم تبعد عن انترلاكن؟؟
ووش المميز بهالمدينه؟؟
واذا تشوف اني اضيف لياليها لروست وباريس مايكون احسن
يعني يصير ترتيب الرحله
جنيف 3 ليال انترلاكن 4 ليال منطقة روست 3 ليالي باريس 3 ليالي
الله لايحرمك اجر مساعدتنا ويوفقك يارب

ملا حظتك بمحلها انا اضفتها لثلاثة اسباب الاول انكم شخصين وتنقلاتكم سهله الثاني لانها جميله وقريب منها شلال الراين والذي اعتبره ثالث اهم اماكن احرص عليها مع القمه الثلجيه واليورب بارك السبب الثالث معك سياره والطريق منها الى اليورب بارك عبر الغابات السوداء روعه خصوصا اذا توقفت عند بحيرة تيتسي بقلب الغابات السوداء ويبدو انك من عشاق الطبيعه مثلي واماكن تسجل بالذاكره
يمكنك الغائها والانتقال مباشره من انترلاكن الى