موقع الهوليدي ان افضل بكثير فهو قريب جدا من المطاعم العربية والأسواق كذلك قريب من الشاطئ
أما أماري فهو على على الشاطئ مباشرة وهذه ميزة ولكنه يبعد عن المطاعم والمحلات والأسواق قليل ويميزه شاطئ خاص
بخصوص المكاسرة فهي مهمه مهمه مهمه في البسطات والمحلات التيليسبها تسعيرة رسمية أو أجهزة وممكن تنزل في البسطات ثلاثة أرباع السعر بدون مبالغة وبين البايع والمشتري يفتح الله اسأل وكاسر
بالسلامه

العزيز سودير مان،
مشكور يا الغالي على الرد و التفاعل السريع، يا الغالي حبيت أسأل يعني لما أبي أستأجر جت سكي، توك توك، دباب، أو مثلا رحلات زي ركوب الفيل أو غيرها لازم أكاسر؟ يعني المكاسره عندهم في جميع الأماكن و لا في أماكن محدودة و معينة فقط؟

مثل ماقال اخوي سوديرمان
بالنسبه للفنادق و المكاسر
بس دير بالك اتكاسر احد او اتخلي اطلع اغراض وايد وماتاخذ منه شي عادي اطقون يعني لهل درجه
ولو عندك دفتر السياحه مال تايلند تلقاه في المطار اذا ماعندك كاتبين فيه انه لاتكاسر احد وماتشتري او اتكاسر بس جذي
و تلقا في مطار بوكت بروشورات وحده منها الخريطه اخذها تلقا فيها رقم شرطة الساحه خله معاك سبحان الله صار ماصار اتصل فيهم
وانشاله ماكو شي لانه الديره امان