هلا براعي القريات
ابشر بسعدك , انت تأمر امر
بس ترى الدعوى سهالات أكثر مما تتصور
النصيحة المهمة كانت تبي توفر شوي أستأجر السيارة من بدري عن طريق النت عشان تلقى السيارة الي تناسبك والسعر المناسب
أختر شركة موثوقة لو زدت لك 20 ولا 30 ريال في اليوم
واذا وصلت المطار في اسطنبول ( حسب جدولك ووقت الوصول واي مطار - خطوط الطيران) نرتب لك متى تمشي ووين توقف
ووش البرنامج الامثل
بس انا اقولها لك من الان السفر من اسطنبول لطرابزون اسهل واريح 100 مرة من السفر من القريات للرياض

الله يسعدك يابن زامل حجز الطائرة خلصناه ابي اجلس يومين باسطنبول ابي نصيحتك بالسكن اريح وبعدها انطلق ان شاءالله
الله يطمنك يمكن طريق الشمال عندنا سوالنا عقدة
خصلت شركات تاحير سيارات واجد بس ابي نصحة منكم
الله لايحرمنا منك ومن امثالك

شف يا بعدي
اذا تبي شوري وتبي الراي الي صرنا نمشي عليه لنا كم سنه ووفر علينا التعب والفلوس والمشاوير وانقل عفشك لا تنقل عفشك خل ترييحتك في طرابزون يعني
احجز مباشرة من الان تذاكرك الى طرابزون على طول من مطار اسطنبول الى طرابزون رحلة داخلية واحرص ان الفارق بين الوصول والاقلاع ما لا يقل عن 3 ساعات
وخل استأجارك للسياره في مطار طرابزون ( تراها نفس التكاليف تقريباً )
لأن حق التذاكر يقابله انك وفرت حق التنقل من المطار لاسطنبول ووفرت حق العودة للمطار مرة ثانية ووفرت غثا فك الشناط وشيل
العفش مرتين وحق البنزين او الديزل الي بتحطة بالسيارة لين تاصل طرابزون ...الخ
أما اذا تقول لا والله انا وقت وصولي ما يناسب او غيرها من الاسباب وتبي تستاجر سيارة من اسطنبول فالنصيحة تستاجر من
موقع موثوق ( شخصياً افضل بدجت ) ويمكنك ايضاً استخدام الوسطاء ( مواضيع استأجار السيارات كثيرة وفيها عناوين )

السلام عليكم
انا مثلك كنت محتار بالنسبة للذهاب من اسطنبول الى اوزنجول فقررت استريح انا والعائلة من عناء السفر في اسطنبول يوم واحد وحجزت في فندق قريب من المطار وكذلك حجزت عن طريق النت رحلة داخلية على الخطوط التركية من مطار اتاتورك باسطنبول الى مطار طرابزون بعدين ابي استأجر سيارة من مطار طرابزون واروح فيها الى اوزنجول
بس محتار اي شركة تأجير احجز منها
من خلال البحث فيها (الشركات الموثوقه والمعروفه) هناك تباين في الاسعار لنفس نوع السياره والمدة
فأكتشفت إن هذا التباين يرجع لمسئلة التأمين فكل شركة لها طريقتها في احتساب التأمين ونوعيته (يعني وش يغطي التأمين) فهاذي اكبر نقطة يتلاعبون فيها في عرض الآسعار
لذلك يجب عليك قراءة بنود التأمين جيدا ، وهذا اللي يخليني محتار الى الأن اختار اي شركة

الله يعطيكم العافية اشوف المدة طويلة ودي اتمشى وازور مناطق كثيرة وبخلي رجعتي من طرابزون بالطائرة مازلت بحاجة مساعدتكم بترتيب الرحلة والاماكن اللي ازورها بالطريقوين رحتو يا عيال الخيرولا يزال الانتظار مستمرا

Qurayyat
هلا أخوي
عندي استفسارين
وأرد عليك أنشالله
أولا : كل المده بتقضيها في طرابزون والشمال غالبا
ثانيا : تقول بتروح بالسياره من أسطنبول وترجع بالطياره .... ؟؟؟؟؟

هلا بالقيصر لاعدمناك
ابي اقضي - ايام باسطنبول بالرجعة وباقي الوقت ابي اقضيه بالشمال احب الشمال واجد
ابي ارجع بالطائرة ان شاءالله

هلا أخوي
شف بالنسبه للشمال أنشالله أكتب لك في وقت لاحق عن أفضل طريقه للتمشيه أن كانك طرقي وراعي
خطوط وما عندك مشكله من المسافات وهي غالبا اذا وصلت طرابزون كل يومين الى ثلاثة ايام راحه في منطقه
بتقطع مسافة من 100 الى 150 كيلو للمنطقه اللي تليها وفي بعض الاحيان أقل من ذلك بكثير تصل الى 25 كيلو .
بالنسبه لقولتك بتروح بالسياره من أسطنبول وترجع بالطياره .. هل تواصلت مع أي شركه و أعطوك أذن أستلام من بلد وتسليم في بلد اخر
بمعنى تستلمها من مطار اسطنبول مثلا وتسلمها في مطار طرابزون
اللي أعرفه أنك تدفع للشركه أكثر من الضعف لليوم الواحد لمثل مدتك و بعض الشركات ترفض نهائيا
يعني لو قلنا بتدفع للسياره 5000 ريال بتدفع زيهم واكثر لتسليمها في مطار اخر أذا سلمنا جدلا بالموافقه .
أتواصل معك في وقت لاحق بخصوص الشمال .. لضيق الوقت لدي
نراكم على خير عبر المنتدى .

الله يجزاك خير حبيبنا قيصرما تواصلت مع اي شركة اشكرك من كل قلبي
اذا الموضوع كذا برجع بالسيارة بتواصل مع الشركات
انا بانتظارك الله لا يحرمنا منك