1. سلام من حنايانآ ونسرينآ وريحنآ


2. معليش تحملوني شوي وتحملو اسألتي ؟؟؟


3. احتاج مساعدتكم ياحلى اعضى بخصوص رحلتي اذا ماعليكم امر.

سلام من حنايانآ ونسرينآ وريحنآ

قبل ما أقص التذاكر كثير ناس حذروني منها اللي يقول بلد الفيضانات والزلازل واللي يقول شغالات وعصابات واللي اندومي ومافيها شي يستاهل وكثير حاولو يغيرون وجهتي مصر اسبانيا مغرب...ولكن ابت نفسي العازمة الا ان تقابل العمة فلطالما قرأت عنها وسمعت الكثير مما شدني لخوض هذة التجربة والغوص في جزر العمة النظرة واتمنى اني اصبت الاختيار وان اوفق في رحلتي هذه

معليش تحملوني شوي وتحملو اسألتي ؟؟؟

احتاج مساعدتكم ياحلى اعضى بخصوص رحلتي اذا ماعليكم امر.

انا ان شاء الله مسافر يوم 7 سبتمبر والعودة بتكون 29 سبتمبر يعني مايقارب 13 يوم والرحلة بتكون دايركت من جدة لجاكرتا على طيران بتافيا الرحلة بتكون لشخصين شباب وان شاء الله بنقضيها بين بونشاق وانتشول وتمان مني وراقونان وباندوق وبوقر واخيرا بالي واذا عندكم اماكن بعد سهل الوصول لها وحلوة يريت ماتقصرون علي والهدف من الرحلة تغيير جو وفلة وضحك يعني جونا فلة ملاهي,شوبينق,العاب,غوص,برشوت, ركوب خيل, ملاهي مائية, العاب بحر بجميع انواعها فشوركم اش افضل الامكان بتكون موجودة فيها ذي الاشياء.
يعني وكمان شغلات عليها القيمة للتسوق مثلا ملابس ماركات,العاب الكترونية,تكنولوجيا,وافكر لو بشتري من هناك جت سكاي ودباب بر كيف الاسعار هناك والجودة ولا مثل هنا عندنا صلخ. ولو اشتريت كيف طريقة شحنها لهنا.
وبالنسبة للفلوس اش افضل تحويل العملة من هنا ولا من هناك ولازم اشيل معاية مبلغ كبير كاش ولا الماستر كارد كفاية.
وبخصوص السكن اذا كيف اسعار الفنادق بتكون ثابتة ولا اذا عرفو اني سعودي بيطمعون وبيغلون علي واش افضل استاجرها من هناك مباشر ولا عن طريق النت موقع بوكينق.
والسواقين هناك اش احسن طريقة تكسي ولا اتفق مع سواق طول الرحلة ولا كل يوم بيومة واذا رحت لبالي يكون سواق كمان ,اتفق معاهم من هنا ولا من هناك وكم اسعارهم تقريبا.
والاتصالات هناك كيف بتكون افضل اشتري لي شريحة اندنيسية ولا اخذ معي سوا من هنا والانترنت كونكت عالابتوب ولا اشتغل واير لس.
واذا في اجرأت لازم اسويها هنا قبل لاأمشي.
وكيف طيران بتافيا للي قد جربة كويس ولا زي السعودي؟
وجزاكم الله الف خير ويعطيكم العافية على تعبكم