waleed099
ومشكورين مقدما....

ولا احد معبرني... تطنيش
كل هذا عجز!!!
شكلي دخلت بوابة السودان

ابشر بسعدك
اشوفك اون لاين في الموقع لا تطلع لين ارد عليك

1. بس حبيت انبهك لبعض الأمور :

اخوي وليد
شكلك متدوده مع هالعرس
ههه ( باقي شوي ويصف الحكم ) ههه
الله يرجك شكلك سعة صدر
عموما الله يبارك لك و يبارك عليك ويجمع بينكم على خير
بالنسبة لاستفساراتك
( الخطوط التركيه نسيت بعد وش طاعونها )
الخطوط التركية تمام بس عندهم مشاكل في الحجوزات يعني لا تتصل او تروح لمكاتب سفر وسياحة اطلع لهم مباشرة و ادفع قيمة التذاكر وتلقى الحجز بنسبه كبيرة جدا
( يصير اروح للاماراتيه واطلع من الرياض وما اكمل من دبي الى اسطنبول الا بعدها بيوم او يومين ؟؟؟ )
نعم تقدر تطلع على الاماراتية و تجلس ليلة او ليلتني ( على حسابك طبعا ) ثم تروح لتركيا وبالرجعة نفس الشي
( ناوي اجلس في اسطنبول يومين او ثلاثه وبعدها اروح لترابزون ولو اني ما ادري وش تطلع هالترابزون )
اسطنبول حلوة وتستاهل الجلسة بس اطلع لطرابزون مو من اجل طرابزون بل من اجل ما حولها لأن طرابزون مركز تجاري وبه مطار داخلي وما فيها شي يستحق البقاء يكفيها ليلة
( اشوفكم في المنتدى تمدحونها وبطلع بعدها لازنغول )
بترجع منها بالسلامة وبتجلس تبربر عنها سنة لين تفقع روؤس خوياك
( هل استطيع عمل حجوزات الطيران التركيه الداخليه من هنا ؟؟ )
اذا طلعت على الخطوط التركية تقدر و بتطلع عليك التذاكر رخيصة جدا لانهم راح يحسبون رحلة طرابزون بسعر رمزي جدا
أضرب لك مثال : انا مره طلعت على السعودية ثم لطرابوزن على التركية طلعت التذكرة من اسطنبول لطرابزون بحدود 700 ريال تقريبا ، و لما طلعت على الخطوط التركية زادو على سعر التذكرة حدود 170 تقريبا
( وابي اعرف افضل الفنادق في ازنغول مو مهم السعر (وش عليه فلوسه زايده) )
فيه فندق أنان كارد سلر ( 0090462566297 ) و فندق انصار( 00904626566423 ) وموتيل انجي ( 00904626566265 )
وفيه فنادق وموتيلات كثير حول البحيرة وبرضه فيه بيوت لأهل القرية يأجرونها باليوم في الصيفيات
والاسعار بحدود اربعين دولار للشخص مع وجبه الافطار تزيد شوي او تنقص شوي
( واخيرا وليس آخرا ابي استاجر سياره بسواق بس يكون شقردي ومحترم ياليت تدلوني عليه..
)
هذي هي المشكلة اللي يمكن تواجهك اذا رحت للشمال الشرقي من تركيا لان معضم الناس ما يتكلمون الا اللغة التركية وقليل يحسنون الانجليزي مع ان شكلك ما تعرف من الانجليزي الا ييس ونو وايام سوري
بس احتمال تلقى مكاتب في طرابزون يحلون لك المشكلة هذي ويدبرون احد يتكلم انجليزي بس اسعارهم غالية
( للمعلوميه مسافر انا وزوجتي فقط وتراكم معزومين على عرسي الاسبوع الجاي قولوا تم )
أسأل الله العضيم ان يسعدكم و يوفقكم وتكون رحلة من اجمل رحلات العمر تجلسون تهذرون بها لين تشيبون

بس حبيت انبهك لبعض الأمور :

مناطق شمال تركيا باردة نسبيا خذ معك ملابس ثقيلة او متوسطه و لا تنسى المضادات الحيوية عشان ما تطرحك الالفنونزا هناك
فيه قرية اسمها ( أيدر ) تتعب وانت تقول روعة فيها فندق خشبي على شلال رهيب وفيها غرفة للعرسان خيال اقسم بالله تتعب وانت تدعيلي وهذا رقم تلفونهم ( 00904646572037 ) مر الحلاق اللي تحلق عنده خله يكلمهم ويحجز لك غرفة العرسان
الشعب جدا جدا جدا لطيف و يحب السياح خصوصا الخليجيين
يكثر في شمال شرق تركيا السياح اليهود من اسرائيل و دول الاتحاد السوفيتي بس في حالهم مع ان شوفتهم تضيق الصدر
المدن شمال شرق تركيا روعة وتصلح للعرسان شرواك والجو فيها رومانسي بس لا تنسى تاخذ حب من باجه عشان تفصفص انت والمدام
خذ معك عزبه للشاي والقهوة لانك بتفقدها و الجو الحلو ما يكمل بدونها وخذ معك شاهي من السعودية لان شاهيهم لك عليه
الاكل عندهم لذيذ جدا جدا ولا تنتسى تحلي بالمهلبية بالأرز
هذا ما عندي واذا عندك استفسارات ثانية يسرني الرد عليه
ا

واذا ما حصلت حجز تذاكر طيران
انصحك بالسفر من دبي على
الخطوط السنغافوريه
سعر التذكره 1800درهم الى اسطنبول مباشرة دون توقف
وموعد الاقلاع الساعه 4 صباحا
تروح وترجع بالسلامه

طير شلوا اعطاك أفاده ممتازه
توكل على الله وربنا معاك
بارك الله لكما وبارك عليكما وجمع بينكم بالخير
على فكره
وين العزيمه عشان كل الي في البوابه يحضرون
الله يوفقك ولطريق الخير يرشدك
نمزح معاك اخي
أخوك
ابو عبدالرحمن

طير شلوى والله انك على اسمك
جزاك الله الف خير وماقصرت بيض الله وجهك...
ترى في جعبتي اسئله كثيره بس خلها لبكره ابي امخمخ شوي..
اخوي بصره والله ماهي شينه اروح لدبي ومنها على اسطنبول والسعر مغري 1800 درهم والخطوط السنغافوريه ماعليها كلام ممتازه..جزاك الله خير ..اجل بسوي بحث في النت عن رحلات الخطوط السنغافوريه
اخوي ابو عبدالرحمن يامرحبا ترحيبة المطر.. يشرفنا حضورك

وبعدين ياطير شلوى سلفوبلاي لاتغلط انا اعرف انجليزي ... اذا رحت لمطعم هارديز اقول له عطني ون شيز برغر وواحد بيبسي...

( ترى في جعبتي اسئله كثيره بس خلها لبكره ابي امخمخ شوي.. )
منتب عاقل يا ابو جعبة
هات اللي في جعبتك واحنا حاضرين و نتشرف بخدمتك