السلام عليكم ورحمه الله وبركاته
أنا ناوي أقضي شهر العسل في أوروبا وتحديداً في على نهاية شهر فبراير وبدايه مارس
واستقريت على الجدول هذا ومحتاج رأيكم وخبرتكم
1) النزول في باريس لمده يومين
2) الذهاب إلى آنسي عن طريق القطار وإستأجار سياره هناك
3) قضاء 3 ليالي في آنسي
4) الذهاب إلى جنوب فرنسا والسكن في نيس لمده 4 ليالي
5) طبعاً التمشي بالسياره اللي مستأجرها والذهاب إلى مناطق جنوب فرنسا مثل
مينتون - كان- مونت كارلو
فيها مهرجانات في الوقت اللي بروح فيه
يعني راح أستقر في نيس وأطلع للمدن بالسياره اللي مستأجرها علشان امتر المناطق هذي تمتير
6) بعدين اروح لبرشلونه عن طريق نيس بالطياره واجلس فيها 4 ليالي
7) الرجوع لأرض الوطن من برشلونه أو مدريد على حسب خطوط الطيران المتوفره
طبعا هذا البرنامج حطيته لكم وهذي إستفساراتي لكم:
1) هل إختياري للمدن مناسب للوقت اللي راح أسافر فيه وهو شهر مارس؟
2) كيف خط سير الرحله هل بتعبني التنقلات وبالتالي ماأقدر استمتع بالرحله؟
3) عدد الليالي في المدن هل هو مناسب أو لا؟
4) أنا حاط ميزانيه قدرها 30 ألف للسفر هل المخطط مناسب للميزانيه شامل التذاكر والسكن (أربع أو ثلاث نجوم) ومصروف الجيب يعني من دون التسوق
ياليت إذا في تعديل أو رأي أخواني تفيدوني
بإنتظار آرائكم أحبتي