4 ليالي ومعك عائله
اولا اكيد يبون ديزني لاند
وخلك على المترو رقم 1 .. اللوفر - الشانز - قوس النصر - ساحة الكونكورد
تزور البرج ونهر السين من محطة شارل دو قول تاخذ مترو 6 وتنزل في بير حيكم

فندقك ايش
يحتاج انك تقرأ مواضيع المترو تفيدك
ما حددت الايام تواريخ يصادف ويكند ام لا
اهم شيء اللوفر لا تروح له يوم الثلاثاء مغلق
الاسواق مغلق اغلبها يوم الاحد الا الاوت لوت يفتح مرات وكذلك الفصول الاربعه يفتح
ديزني لاند ما تصلح في الويكند

شكرا لكم اخواني على تفضلكم بالرد ساصل بإذن الله باريس عصرا يوم الاحد 24/6
وموعد السفر منها صباحا يوم الخميس 28/6
وهذا فندقنا شرايكم فيه ؟؟
Fraser Suites Harmonie Paris La Défense
طبعا من المهم زيارة ديزني والاوت لت
فالله يرضا عليكم .... سوولي جدول امشي عليه .

ازيد على كلام اخوي باريس وبس
في باص سياحي ينطلق من الشانزلزيه يلف فيك على برج ايفل والابرا وايظا متحف اللوفر وقوس النصر
يعني هذا بيوم واحد تخلص كل هالاشياء ..
وبعدين روح لديزني لاند انا من وجهة نظري مافضل السكن داخل دينزي يعني تروح لها من الصباح وترجع بالليل كفايه عليها وصدقني بهذا اليوم راح ترجع دايخ وتبي تنام
ولا انسى طبعا الحي اللاتيني فييه عروض ومهرجين وايظا رسم لوحات
وغالب الناس هناك وراح تلاحظ هالشى انو اخر الليل يعني لما ينتهون من رحلاتهم السياحيه يروحون يجلسون في الشانزلزيه بين الفوكيت الى مقهى المونت كريستو عند فندق الماريوت تحديدا سيفورا الى الساعه 2
يعني الشانزلزيه اقدر اسميه شارع كل يوم

فندقك رائع
ثلاث ايام ونص
الاحد العصر تمشيه في لاديفانس ثم ذهاب للشانز
الاثنين ديزني لاند
الثلاثاء الاوت لوت وبعدها نوتردام والحي اللاتيني
الاربعاء مونمارت اللوفر جالري لافييت ايفل والقارب
وضعت الاوت بيوم وديزني لانك تقول مهمين
وش يجي بالاهميه بعدهم

الحي الاتيني متي افضل وقت له

اي وقت يا غالي كويس بس خله العصريه بعد 9 عادي