السلام عليكم و رحمه الله و بركاته
اشحالكم اخوانيه و اخواتيه ؟؟
عساكم بخير ؟؟
بصراحه انا من رديت من السفر وخاطري اشكركم على نصيحتي و مساعدتي في السفر لتركيأ
و استفدت بصراحه وايد و الحمد لله كانت سفره ناجحه ،،
والحين ناوين ان شاء الله انسير ألمانيا و فرنسا و النمسا ،،
ف عندي كم استفسار ،، اباكم اتساعدوني بصراحه مالي غيركم ,,
وانا ادري انكم بتفيدوني لان ما شاء الله عليكم ما اتقصرون ..
التفاصيل ::
عدد الأشخاص : 3 بالغين
الفتره : 1- 12 / سبتمبر
الطيران : طيران الإمارات
الإنطلاقه : من دبي - دايركت - ميونخ
اولا ::
كيف بيكون الجو في شهر سبتمبر 1-9 إلى 12-9 ؟؟ يعني بارد و الا حار ؟؟
لان بصراحه متنا حر و احترقنا في تركيا كان الجو وايد حر في أغسطس
و شو بالنسبه للملابس اتكون صيفيه والا شتويه ؟؟
ولازم مظله ؟؟ والا نو نيد ؟؟
اتمنى اتخبروني كيف بيكون الجوو في ميونخ و فرنسأ بالأخص ديزني لاند و النمسأ بالتحديد سالزبورغ و زالمسي
ثانيا ::
بالنسبه للسفر من ميونخ ل فرنسا و النمسا ،، كيف ؟؟ كله بالقطار ؟؟
انزين اقدر اسير بريطانيا من ميونخ ؟؟ والا ما يصير ؟؟
هذا شي وايد مهم أبا اعرف !!
و أقدر اسير ديزني لاند و أرجع في نفس اليوم ؟؟؟ علمًا اني بكون مستقره في ميونخ
ثالثا ::
و للخبيرين في الفنادق ..
ابا فندق قريب من محطه ميونخ الرئيسيه // اللي اتكون مقابل فندق السوفيتيل
انا بحط جويسيز و انتو اختارو لي الأحسن
Arthotel munich
Helvetia hotel munich city center
Eden hotel welff
leonardo hotel munichen city center
Nh munichen dectscher kaiser
و اذا فيه احسن عنهم بليز خبروني !!
..
وبغيت اسأل عن ال Arabella هل هيه بعيده
يعني فندق شيراتون أرابيلا بعيد عن المارين بلانز و محطه ميونخ الرئيسيه ؟؟؟
اتمنى انكم اتفيدوني و اتساعدوني لان ناوين نحجز الحين التذاكر و الفنادق و المواصلات
في انتظار ردودكم
اختكم
مزاين الإمارات