northly999
12-09-2022 - 06:28 pm
السلام عليكم ورحمة الله وبركاتة
احب ان اشير اول شي الى ان سمعه هذا القسم مرة كبيرة
بفضل الاعضاء ماجد الفهد زازاز وافي بزمن جاافي .. الاسفار متعتي
لدرجة ان امس بالديوانية كان يسولفلي اخوي عنكم ويقول اسئلتك عند المشرفين ذول
وهذا ان دل يدل على حب مساعدة الاخرين لديكم
ولا املك الا ان ادعيلكم جميعا بالتوفيق والصلاح على هذا الجهد التطوعي منكم
الان لدي اسئلة ارجو الاجابة عليها بالتفصيل نظرا لانني لم اسافر ابدا خارج السعوديه ولكن طلبتني المدام ووجدت نفسي مرغما على السفر لذا هاذا مافي جعبتي من اسئلة سوف تساعدني بشكل كبير بالسفر
1- بعد مقارانات مع بوكينق واقودا والشركة ؟؟؟؟؟ للسياحة تم اعتماد الاخير نظرا لسببين السبب الاول ان الطاقم سعودي معضمة عربي فقلنا يستفيد مننا اخواننا افضل من مواقع بوكينق والسبب الاخر اسعارهم مرة مناسبة
وهذا ماتم اعتمادة منهم وعن طريقهم
5 ايام كوالامبور فندق تريدرز
3 ايام لنكاوي فندق ويستن لنكاوي او برجايا صراحة محتار وش رايم باوانا لنكاوي الي تابع لفندق ذا داتاي ابغى اهم شي جمال الشاطئ
2 يومين بورت ديكسون فلل قراند ليكزس هل المسابح موحدة لجميع انواع الفلل اقصد المساحه ام تختلف باختلاف نوع الفيلا
وش رايكم بالتقسيم طبعا حطيت كوالا اول شي عشان سببين الاول ماحبيت سيلانجور والثاني عشان اتاقلم مع ماليزيا ومبانيها بعدين اتاقلم مع جمال شواطئها اخاف اطلع على طول لنكاوي وانا ماقد شفت الا الثمامة ويجيني بلا من الصدمة
هل تؤيدوني الراي وراح احجز تذاكر اير اسيا وازود بالكيلو تحسبا لو اشتريت شي من كوالامبور مايحسب علي الوزن
ايضا بالنسبة لكلام بعض الاعضاء عن مضايقات للعرب كما حصل مع العضو زازا بفندق تريدرز عندما سكن بكلوب وكانوا يبونة يفطر مع الديلوكس هل هالشي منتشر سواء بالمنتجعات والفنادق والاسواق
ايضا انسب وقت للحجز الفنادق والطيران قبل الرحلة بكم شهر يفضل الحجز
وايضا هل هناك اهتمام بالسياح كما في مصر ( الشرطة السياحية )
هل العباءة ممنوعه او محدد شكلها مثلا كما في فرنسا الان ام مسموحة
الي لغته دمار وش يسوي وكيف يقدر يتعامل مع الفنادق والتكاسي
هل مبلغ 7000 رنجت كافية لمدة 10 ايام تكاسي واكل وتمشيات ورسوم دخول منتزهات
هل التدخين ممنوع بمطار ماليزيا والفنادق والشوارع كما في اوروبا
مارايكم بسعر الصرف 1.29 هل هو جيد ام انتظر
ادري كثرت اسئلة بس والله ابي هالموضوعو يكون شامل لاسئلتي بحيث اني مارجع افتح موضوع مرة ثانية
اررجو الاجابة عن جميع الاسئله
حياك الله أخي الكريم والفضل اولا و اخيرا لله وحده سبحانه
والأخوان جميعا هنا مايقصرون سوا اللي ذكرت اسمائهم او لم تذكر
وبالنسبه للإستفسارات
1- احجز الأنسب لك سعرا واهم شي انك واصق من الشركه بغض النظر عن جنسيتهم
و مافيه أظمن من المواقع ولكن إذا الفرق يستاهل واحد مجربهم من قبل فأختر الأرخص
بس تأكد من شروطهم ومن شمول العرض للخدمه والضرائب والفطور والإطلاله
2- الجدول اشوف دائما كوالالمبور تكون في النهايه عشان التسوق
اما سيلانقور فلاهو بضروري تسكن فيه وممكن تزورها من كوالالمبور كلها نص ساعه
بس انا افضل انك تعكس الجدول وتصير بورت ديكسون بالبدايه ثم لنكاوي ثم كوالالمبور
و إن حبيت كوالالمبور اولا فشي راجع لك ممكن تكون ليلتين ثم لنكاوي ثم كوالالمبور ثلاث ليال ثم بورت ديكسون
ولو جلست علي تخطيطك ماشي إذا ماراح تتسوق لأنه ممكن العفش يبهذلك بروحتك للنكاوي ورجعتك منها
بالنسبه للمضايقات مافيه مضايقات واللي ذكرت انا في تقرير ماهي مضايقات بمعني المضايقات
بقدر ماهي تشويش او فلسفلة موظف حاقد فمافيه اي مضايقات ولكن الحرص واجب والإنتباه ضروري
في كل شي مو بس بالفنادق في الشوارع في كل مكان حرص زياده
انسب وقت لحجز الفنادق والطيران الداخلي قبل السفر بشهر او شهرين والأفضل متابعة
الأسعار وإذا حصلت اسعار مناسبه احجز علي طول مو لازم تنتظر شهر او شهرين
نعم يوجد إهتمام بالسائح وفيه شرطه سياحيه والكل يخاف منها
بالنسبه للعبايه مسموحه وماليزيا دوله مسلمه وابدا كأنك في السعوديه مافيه فرق
اقصد في التعامل مع من يلبس العبايه ولا فيه اي مشاكل او إستغراب
بالنسبه للغه عادي اهم شي تعرف بعض الكلمات يس ونو وقو وتمشي امورك مافيه خوف
مبلغ 7 الاف يكفي بمشيئة الله وكفايه اهم شي تخلي التسوق اخر الأيام ومعدل الصرف
اليومي تقريبا من 350 إلي 550 رنقت تقريبا مرات تزيد شوي و مرات تنقص
وسعر الصرف والله ماحد يظمن شي لو ناسبك اصرف الأيام هذي هي افضل ايام من شهور
واي اسئله حاظرين و مستعدين
والسلام