السلام عليكم ورحمة الله وبركاته
كيف الحال الغالين
شخباركم اربكم طيبين ..
الحين بيتشققون العضوات على وصف السوق
وكأني بلسان حال الرجاجيل أيقول ياليتك ماحطيت الوصف وخليتنا ندفع :112:
ولكن هذولا أهلنا ويستاهلون كل خير
طيب ..
احنا رحنا المجمع الأسبوع الي فات والصراحه المجمع حلو وراقي ويستاهل الزياره ..
والحين نبدا بالوصف ..
مدة الرحله حوالي 40 او 45 دقيقه ..
في البدايه نتوجه إلى محطة واترلوو ..
وبعدها تاخذون القطار ألي يتوجه إلى DARTFORD ..
وبعد ماتوصلون هالمحطه راح أيوقف القطار وراح اتغيرون القطار وتتوجهون إلى محطة Greenhithe وراح اتكون على المسار 4
وترا العمليه بسيطه وراح اتشوف كل الي معاك نفس الحركه لأن أكثرهم ويمكن كلهم رايحين حق نفس المجمع ..
وإذا وصلتوا هناك بتلاقون موقفين للباصات واحد على اليمين وواحد على اليسار ..
أخذوا الموقف ألي على اليمين ووقفوا وأنتظروا الباص الي مكتوب عليه C ..
لأن الباصات فيه A.B.C ..أحنا بناخذ السي ..
وراح ايوصلكم لموقف الباصات الي عند المجمع مباشره ..
وبعد ماأتخلصون من المجمع ترجعون لنفس الموقف الي نزلتوا منه وأخذوا المسار 3 ..
وإذا الباص جا أركبوا وراح ايردكم على نفس المحطه Greenhithe ..
وبعدها أتغيرون القطار في DARTFORD وأتردون لندن ( واترلوو )
ملاحظه : حاولوا تاخذون تذكرة لمدة يوم كامل للقطار شامله الباص الي بيوديكم المجمع وسعرها 6.50 باوند ..
وأي استفسار احنا تحت أمركم