1. او يكون كالشكل التالي

عندي اقتراح وطرحته من يومين واخذ مني وقت طويل وانا اكتب فيه والله يشهد ان تقريبا اكثر من ساعه ونصف كنت اعدل فيه واحيانا تطرء عليه بعض التحسينات فاقوم بالتعديل واضرب امثله المهم بنهاية الموضوع بغيت اعدل في النص وتصفيفه وبالخطأ مسحته والله احسست ان للغصه طعم ذاك اليوم:112:
اقتراحي ياخوان ليس لبوابة النمسا بل لجميع بوابات المنتدى فياليت يكون هناك تبويب للموضوعات او فهرس يكون اسهل للتصفح والبحث عن المعلومه ، اللي صاير الحين ان الواحد يسئل عن شي فيرد عليه المشرف او احد الاخوان الخبره الافاضل بطرح رابط معين يفيد السائل وهذا مجهود طيب ويشكرون عليه
لكن من باب التطوير والتحديث ليش مايكون هناك فهرس يكون بالصفحه ( لاتقولولي خاصية البحث - فانا لو بطلب معلومات عن كيفية استئجار سيارة واسهل واضمن ومن واقع تجربه كيف بيفيدني موقع البحث )
الفهرس يكون كالتالي مزارات سياحيه واسماء الفعاليات واراء من ارتادوها - قيادة سيارة واراء وتجارب كل من مر بها التجربه وافضل طريقه والسلبيات والايجابيات

او يكون كالشكل التالي

بجميع المواقع السياحيه الموجوده بالنت هناك مايسمى الفعاليات والانشطه ولها باب مخصص
مثلا يكون عن فيينا والمزارات فيها واراء الاخوان فيها مثلا عسبيل المثال انا قبل فترة سئلت عن المغاره اليوميه وجاء الرد من غالينا اخر الفرسان وعطاني رابط معين اقدر استفيد منه لكن انا اقول ليش مافي باب او قسم يفيد كل الاستفسارت عن الانشطه .
الموضوع جدا بسيط ويغني عن المرور عن مواضيع كثيره قد لاتجد ضالتك فيها يعني مثلا لو انا بحثت عن المغاره المائيه في موضوع شاب عازب كان بيمدح الرحله كونه عازب وماشاف فيها مشقه وهذا الشي مابيفيدني بل بلعكس يمكن يضرني اذا كنت رب عائله وياي اطفال وعربانه وغيره
اما اذا رحت للفهرس او قسم الانشطه او الفعاليه وبحثت عن المغاره المائيه ساجد من كل الاراء ومن بينهم رب العائله اللي رايه يفيدني اكثر
او بدون اراء فقط معلومة بسيطه من ادارة المنتدى كتعريف للنشاط وانه متعب لذوي الاحتياجات الخاصه (الموقعين) والاطفال وهذه خاصيه مفيده يستفيد منها كل الزوار ويدركون سهولة او صعوبة ومشقة النزهه ومدة الرحلة وتكلفتها
باختصار شديد انا حاليا يشغل بالي مثلا موضوع استئجار السيارة وعندي التباس المواقع الالكتورنيه هي من تحدد لك اختيار السيارة وهذه اشكالية لي ولكن اذا هناك تبويب او فهرس لموضوع استئجار السيارة في اوروبا مثلا استطيع الوصول للمعلومه وبسرعه فكثير من الاخوان قد استئجروا ولكن لم يوضحوا هل الحجز كان عن طرق النت ام من المطار نفسه بنفس الوقت وكم كلف تاجير السيارة ورايهم الشخصي بتكلفة السيارة هل مبالغ فيه كثير من المطار مثلا وهل هناك شروط معينة (الملصقات التي توضع على السيارة)
يعني موضوع بسيط وهو استئجار سيارة ولكن له تشعبات كثيره وهذه التشعبات قد تكون صميم مايحتاجه البعض ولكن اين تجدها فالملصق مثلا قد تحث مسافر معين ولكن من هو؟ ومتى؟ وهل لابد ان امر على هل مواضيع الاخوان حتى اعرف من تكلم عن موضوع الملصق !
بتلقون شخص سئل عن الافضليه هل استئجار سيارة او استعمال المواصلات العامه وفي اخ رد عليه بان استئجار سيارة هي الافضل ولكن هل الشخص بيخوض تجربة استئجار سيارة بدون اي معلومات عنها طبعا بيرجع بيسئل عن افضل طريقه وبيهمه ايمر على كل تجارب من سبقوه فليش مايكون هناك مواضيع مبوبه مثل الانشطه السياحيه ومنها مثلا تجربة استئجار سيارة وكل المعومات مقيده فيها
هذا اقتراح وقد يحتاج تعديلات وتحسينات من ذوي الخبره الاخوان الافاضل ولكن اتمنى ان يطرح هذا الموضوع والاقتراح للنقاش وابداء الراي شاكر لحسن اصغائكم قصدي متابعتكم ولكم مني جزيل الشكر