السلام عليكم ورحمة الله وبركاته
تدرون انه بسبب هالمنتدى الميزانية راحت فيها
بين يوم وليلة انقلبت الوجهة من الشرقية والبحرين :112: إلى جزيرة موريشوس
عارفة إن الجو في البحرين والشرقية الآن زفت بس قلنا أهي سفرة نروح نشوف البحر ونمر جزيرة حوار ولا راح تكون مكلفة لأننا الصيف هذا شايلين فكرة السفر من بالنا ولا جهزنا الميزانية
وامس في الليل قلت خلني اشوف يمكن احد كاتب عن جزيرة حوار :27: وأشوف الكل يسأل ويتكلم عن موريشوس
ولما قريت عنها دخلت مخي وانقلب راسي قلت بلا الشرقيه بلاهم الواحد يخسر زيادة بس على شي يتذكرة طول عمرة ولا يدفع كم ألف على حر ورطوبة وزهق
وعلى طول في الصباح كلمنا طيران الامارات نسأل عن البكج واسعاره فاحترنا بين اثنين
الاول : 10 ليالي في الهيلتون مع الفطور والعشاء يكلف 16400 ريال (تقريبا)
الثاني: 10 ليالي في كوكو بيتش شامل الفطور والغداء والعشاء وجميع المشروبات يكلف 15700 ريال (تقريبا)
التكلفة الأن بينهم ما تفرق شي صحيح اني كنت اتمنى اسعار اقل من كذا بس قالوا لي هذي اقل شي!!
وش رايكم بين الاثنين وايهم احسن في الأكل... والشواطئ من أحلى و فيها نشاطات على الشاطئ أكثر علماً بأن هدفنا الأكبر من الزيارة الشاطئ والأماكن الثانية اللي فيها يمكن اغلبها ما نزورها لاني ما احب المتاحف وفي اماكن صعب على اللي معهم طفلة صغيرة عمرها سنة واربعة شهور
وعندي سؤال لأني أول مرة اسافر مع بنتى، في الغرفة كيف هل يوفرون سرير صغير لها ولا تنام معنا على السرير
واذا كان فيه فندق تنصحون به غير هالاثنين واسعاره معقولة دلوني
ومعليش تحملوني ،، انتم السبب كله منكم قلبتوا راسي بتقاريركم