السلام عليكم ورحمة الله وبركاته
هلا وغلا اختي كو كو 11
وحياج الله بين اخوانج وخواتج وان شاءالله اتفيدين وتستفيدين ..
وان شاءالله ماتتوهفين وفالج المليون قصدي طيب
هل الرحله اتحبينها بالقطار !!
وكم عددكم !!

مشكور اخوي القطري ان شالله بالقطار وانا وزوجي فقط

السلام عليكم
هلا وغلا أختي كوكو
يلا جهزي عمرج للطباعه :8888:
شوفي طال عمرج ..
اول شي تحجزون سياره عن طريق هالموقع
http://www.exclusiveairports.com/index.php
راح تستقبلكم في المطار واتوديكم لين المحطه الي بتروحون منها إلى مانشستر وأسمها London Euston ..من هالمحطه راح تطلعون من لندن إلى مانشستر واسم المحطه الي بتزلون فيها في مانشستر Manchester Pocadilly ..ومن نفس المحطه راح ترجعون على لندن ..
إذا حبيتوا اتروحون فرنسا فراح اتروحون عن طريق محطة St. Pancras ..من خلال هالمحطه اتروحون على فرنسا ان شاءالله ..
وكل ماحجزتوا بدري راح اتلاقون اسعار رخيصه ..
واي خدمه احنا تحت امركم

مشكور اخوي القطري ماقصرت وادري بمصخها انا دشيت الموقع والمدن فيها كود ياريت لو توضحلي شلون طريقة الكود وانا سمعت انا محطات القطار بالمطار نفسه صح او معلومتي غلط وكم ساعه من المطار الى مانشستر ومن مانشستر الى لندن وكم الاسعار تقريبا
ويعطيك الف عافيه

السلام عليكم
صباح الخير اختي كوكو
كود لندن هو w2
بس سؤال !! ليش مااتروحون من بلادكم على مانشستر على طول بالطياره ؟؟
كل الخطوط تنزل في مانشستر ..القطريه والأماراتيه والسعوديه ..
والعوده اتكون من لندن ..

مساء الخير اخوي القطري اول شي مشكور على تفسير الكود بعدين زوجي مايحب ينزل من طياره ويركب طياره ثانية هذي المشكلة .
انا دشيت على موضوعك برنامج سياحي في لندن وايد عجبني ياريت لو توضحلي اسماء المناطق الي فيها الاماكن والباصات الي يودونها لها ادري وايد اسئل واشاالله اتحملني تدري متوهقه

السلام عليكم
هلا وغلا أختي ..
انا قصدي ليش ماتطلعون من ديرتكم دايركت على مانشستر !!
بدل ماأتروحون هيثرو ومن هيثرو على مانشستر ..
والمده طال اعماركم من لندن لين مانشستر ساعتين وربع تقريباً ..
والأسعار تبدا من 28 باوند على شرط إذا حجزتوا قبل السفر بكم يوم وبعدها ايجي السعر 54 واغلى سعر 123 باوند ..
والاماكن السياحيه أغلبها في زون 1 ..يعني لوا اتحبون المشي تقدرون اتروحون لأغلب الأماكن مشي بس يبيلها وقت وجهد ..
واي خدمه احنا في الخدمه

ما قصرت يا القطري بس مافهمت شنو يعني زون 1 واشلون احجز بالقطار بالنت وياريت تقولي حل بالقطار دايركت من المطار حق مانشستر
ويعطيك الف عافية

مشكورين انا استفدت كثير من الموقع جد ماقصرتوا