اول شي اخوي
انت لازم تحدد ميزانيك وتحدد كم يوم تجلس و لازم تاخذ في بالك مصاريف التنقل والاكل والمشتريات وغيره
من كلامك شكلك ما رحت لكامبريدج ابد صح؟
طيب يالطيب عشان لا تضيع هناك وخصوصا انك بتسويها مفاجأه لازم يكون معاك عنوان خويك
ومن ناحية العائلة صراحه ما ادري اذا عادي تسكن عندهم لانك مو طالب
في الاستوديو هذي غرف صغيره و رخيصه اتوقع هي اللي تنفع لك اذا كان عادي عندك
لاني انا بصراحه افضل الفنادق والشقق عليها بكثير
واذا ميزانيتك تسمح خذ لك فندق ثلاث نجوم غرفه و حاول يكون قريب من سكن خويك عشان تكون مواصلاتك معاه بسيارته وبكذا تكون افتكيت من هم المواصلات
بالنسبه لمصروفك اليومي
كل واحد وحسب اللي يصرفه
خذ معاك مبلغ معقول وشف انت كيف راح تصرف بأقل طريقة وبكذا تكون تعرف كم المبلغ اللي تاخذه معك كل يوم
حاول انك ماتروح المطاعم الايطاليه لانها هي الاغلى
يعني خلك على الوجبات السريعة او خبز وجبن من السوبر ماركت خ

شكرا يا ارياف على الرد الحلو
بيني وبينك انا ما رحت الا شرق اسيا ومتعود على صرفهم هناك ... فديت ديرتهم ورخصها
ومصر ... يعني ماشي الحال
وانا عندي قاعده للصرف هي 100 دولار يوميا ...
وراح اجلس عشره ايام ...
وبالنسبه للفنادق انا افضلها بعد ... بس الاسعار مولعه نار
طبعا انا دخلت على الموقع هذا http://www.priceline-europe.com
وشفت بعض الفنادق ... طبعا اقل فندق حصلته بحوالي 450 ريال ومو مصنف ولا نجمه اصلا ..
وانا بصراحه ما ودي اتكلف كثير لأني ما كنت متوقع اني ابهبق وبتمسك معاي زي كذا على السفر ...
على العموم اللي عنده معلومات لا يبخل علينا ...
وشكرا لك يا أرياف مره ثانيه ... واذا عندك شي زياده انا بانتظارك ...
وش رايكم ... احد وده يخاويني ... ؟

وعليكم السلام ورحمة الله وبركاته
والله يالغالي شرف كبير لنا على الكلام الذي قلته بحقنا
يالغالي السكن في كامبرديج جداً غالي بحكم وضع المدينة وقلة السكن فيها ولو تبغاني اعطيئك مواقع السكن في كامبرديج وانت تشيك عليها فأنا ما عندي مانع
يالغالي بخصوص العوائل راح تلاقي ولكن بعجوبة واسهل لك لما تروح هناك تلاقي اعلاناتهم وياخذون حوالي 115 باوند في الأسبوع
بخصوص السكن الرخيص فنعم موجود فشرائيك اعطيئك كل انواع السكن اللى في كامبرديج وانت تشيك على مهلك بما انه سفرك في اغسطس
يالغالي بخصوص مصروفك فهذا يعود لك ولكن المدينة من اغلى مدن بريطانيا :112:
على فكرة انا نفس طريقتك زرت أصحابي فجاءة في كامبرديج ولما وصلت كامبرديج اخذت غرفة في فندق عادي وبعدين رحت لمعهدهم ولما قابلتهم وعرفوا اني اخذت فندق زعلوا وخلوني اسحب فلوسي واسكن معاهم وبالفعل سكنت معاهم حوالي 8 أيام وبعدين رجعت لهم مره ثانية وسكنت عندهم 7 أيام
مع خالص حبي

يا هلا فيك أخي الغالي mnl2004
أنا آسف آسف آسف جداً جداً جداً
صدقني كنت مشغول الأيام اللي فاتت
ولا ذكرت إلا يوم شفت سؤالك هنا
أرجو إنك تعذرني وتسامحني وخذ هذي مني على راسك :36_3_16:
هذا يا عزيزي رابط لموقع لحجوزات الفنادق بكامبرديج بمختلف مستوياتها
http://www.city-visitor.com/cambridge/hotels.html
راح يفيدك كثير بإذن الله بس يحتاج منك شوية وقت للبحث
وراح تلقى اللي تبيه إن شاء الله
وأنا تحت أمرك يا غالي بأي سؤال أو إستفسار
مع خالص تحياتي وتقديري لك

الصراحة جاني شوية احباط يوم تأخرتوا .... بس كنت واثق من انكم ما راح تقصرورن بشي ...
ملبورن ... انت ونعم المشرف بصراحة ... وياليت تدلني على كل مواقع السكن ... وانا شاكر لك جدا جدا
sat111 مسافر متميز بالاخلاق الحلوه ... مايحتاج اسف .. وشكرا على اهتمامك ... وجاري البحث

تحية من الأعماق
أخوي ملبورن وأخوي منل
أعتقد أن السكن مع عائلة أوفر بكثير لأخينا منل
أنت أحسبها صح
أسبوع واحد ب 115 باوند شامل الفطور والعشاء وخدمات اخرى ....
لكن الفندق أقل شيء 60 باوند باليوم مع الإفطار
نصحية أجلس مع عائلة أوفر وحتى بعد تعرف اطباعهم وبيئتهم ... إحساس حلو
هذا رأيي
أخوي منل
شوف الموقع هذا يقدم السكن في كامبريدج مع عائلة
الأسبوع الواحد 120 باوند
http://www.studiocambridge.co.uk/Adultcourse/frames/index.htm
وهذا معهد أخر
الأسبوع الواحد 119 باوند
http://www.ecenglish.com/en/english-courses-for-adults-in-Cambridge/accommodation/?l=1&id=1
ماعليك سوا أن تراسلهم وتستفسر عن السكن من دون دراسة هل هو مسموح به او لا.
مع خالص حبي واحترامي

يالغالي mnl2004 بالفعل كما قال الأخ smartman777 العوائل أرخص ولكن لا تستطيع ان تثق وتسجل عن طريقها الا لما تشوفها من نفسك لانه روابط العوائل في بريطانيا هي الأقل مصداقية
يالغالي الروابط اللى وضعها لك الأخ العزيز smartman777 يشترط دراسة ولكن انا عندي حل ثاني هو انك تحجز في فندق في كامبرديج يومين وبعدين لما تروح هناك صاحبك يضبطك بما انه خبير في كامبرديج
يالغالي هذي بعض مواقع السكن وأنواعها في كامبرديج =
http://www.carolinaguesthouse.co.uk/
يالغالي هذا سكن رخيص جداً = اضغط هنا http://www.cambridge-accommodation.com/
على فكرة يالغالي الأسعار الرخيصة في كامبرديج للسكن تكون مابين 30 باوند و 50 باوند لليوم
يالغالي هذا رقم مسجد ابوبكر الصديق في كامبرديج اتصل عليهم يمكن يفيدوك في توفير السكن اللى تبغاه وبأرخص الأسعار
Telephone Number: 01223 350 134
مع خالص حبي

يا ناس والله انكم خطيرين ... ماشا له عليكم ...
مدري شلون اقدر اشكركم ... بس اقدر اقول ... الله يوفقكم ويستر عليكم ...
انتم احسن مثال للتعاون ... مدري من غيركم كيف راح يكون السفر ...
تحية واحترام ... لكم

ملبورن
صحيح كلامك ملبورن ... أن العوائل ما يعرفها
لكن أعتقد وحسب تجربة هي ضربة حظ ... لكن ميزة المعاهد التي تقدم سكن من دون دراسة .. انها تحرص على أنهم يختارون العوائل الممتازة .. .لأنهم يخشون من السمعة.
أمر اخر
أن أخونا لن يمكث سوا عشرة أيام ... يعني حق نوم وفطور وعشاء .. فقط ... لو شهر أو شهرين أو أكثر فأقول له تحرى الأفضل.
عموماً ما قصرت ملبورن ... يعطيك العافية...ويبقى الإختيار لأخي منل
مع خالص حبي واحترامي