هلا بج اختي
وحياكم الله ببلدكم الثاني الإمارات
وبالنسبه لإستفساراتج
العربية للطيران تعتبر أول وأكبر شركة طيران إقتصادي في الشرق الأوسط وشمال أفريقيا
وأيضا أفضل شركة طيران إقتصادي (حسب week aviation)
وانا لي معاهم اكثر من سفرة والحمدلله كلهم كانو ممتازات
وهذا تقرير رحلتي إلى العمره واللي كانت على العربية للطيران
https://artravelers.com/p/re/249168
اما بالنسبه للكراون فيستيفال ستر فما عليه كلام
مستواه ممتاز
طبعا الإنتر افضل منه ولكنه ممتاز
وهذا تقرير الأخ ترافلر إلى دبي وكان حاجز في الكراون بلازا الفيستيفال
https://artravelers.com/p/re/242322
اما بالنسبه لرحلات السفاري
فإمكانك التواصل مع الإخوان في عرب لنك وان شا الله ما بيقصرون
لأن عندهم رحلات سفاري
واي استفسار انا حاضر

شكرا اخوي الله يعطيك العافيه
بالنسبه للاماكن انا عملت برنامجي من خلال هالمنتدى الرائع
وودي اسال بالنسبه للتنقل
زوجي تقريبا ما يعرف الامارات زين هل يستاجر سياره افضل
وهل استخدام الجهاز تحديد المواقع(نسيت اسمه ) اللي بالسيارت سهل على شخص يستخدمه اول مرره
شكرا لك

والله انا اشوف تستأجرون سيارة افضل لكم
منها بتوفرون وايد لأن التكاسي غاليه شوي ومنها ترتاحرون من عذاب طوابير التكاسي
واذا كانت زيارتكم بعد 09/09/09
اقترح استخدام المترو للأماكن اللي يمر عليها وبعدها تستخدمون التكاسي
وبإمكانكم ايضا اذا ما حبيتوا استخدام التكاسي العادية
استئجار سيارة مع سائق من هيئة الطرق والمواصلات
هي تاكسي بس ما يحسب عليكم كل مشوار بالكيلو
بل يحسب عليكم تعرفة باليوم وموجود تحت ايدكم بأي وقت
اتمنى هالموقع والخاص بهيئة الطرق والمواصلات يفيدك
http://www.rta.ae
ومن بعدها إلىتاكسي دبي ومنها إلى الخدمات وإلى خدمة العائلات
وبالنسبه لسيارات الإيجار
فإذا استخدمتو الجارمن او الجي بي اس
ان شا الله اموركم بتكون سهلة
يمكن تضيعون شوي لكن بدونه بتخبصون الدنيا
لكن هالخيار افضل من التكاسي
واي استفسار انا حاضر

حياك الله اختي
بالنسبه لطيران العربيه تعتبر من افضل خطوط الطيران الاقتصاديه بالخليج العربيه وسبق لي تجربتها العام الماضي
وكانت رائعه بالفعل من حيث انضباط المواعيد والبشاشه في الخدمه داخل الطائره
وبالنسبه لكراون بلازا فيستيفال دبي حلو ولايفوتك وعن تجربه ايضا
ويعتبر من احدث الفنادق في دبي
تقبلي مروري

ول زايد د
والله انا خجلانه منك اقلقتك بالاسئله
وانت ما قصرت ..
بس اذا ممكن تقولي عن الافضل الاماكن لاستئجار السيارات وانا رحلتي نازله عالشارقه هل استاجر من المطار افضل
وبالنسبه لهيئه الطرق والمواصلات هل السائق نظامه 8 ساعات فقط وكيف اقدر اتواصل معاهم
اما رحلتنا ان شاء الله راح تكون 23/9 يعني راح نلحق على المترو لكن ما اعرف اذا بيناسبني انا ابي اطلع كل اليوم لاني ماراح اجلس الا خمس ايام
رغم اني اشوف سياره خاصه افضلي
شاكره ومقدره

الكوكب الازرق
يعطيكم الف عافيه
الحمدالله ارتحت الحين لاني اهتم كثير باللطيران والامان بعد
وبالنسبه للاوتيل كمان ارتحت
ان شاء الله اقدر اعمل تقرير تشابه تقارير الاعضاء الرائعه((يمكن اقدر))
شكرا لك

هلا اخوي
طيران العربيه ممتازه وهي ارقى عن طيران ناس ولها سمعتها الصراحه الكل يمدحها
بالنسبه للكراون بلازا فيستيفال سيتي حلو و راقي و هو ملاصق للفيستيفال سيتي
الرحلات البريه الحين!!! في هالحر ما انصح بها الصراحه
طبيعة الرحلات ان يركبون السياح سيارات لاند كروزر ويودونهم المناطق البريه مثل منطقة العوير ويتلاقون القروب كلهم في منطقة التجمع عند محطة بترول الامارات وعقب يودونهم ويصعدون بهم العراقيب (الطعوس) لين بعد المغرب وعقب يودونهم المخيم المخصص لهم فيه برامج وعشا
بس الحر يخرب الطلعه الصراحه

يعينك الله
لا بالعكس اختي
هذا واجبنا ونحن نحب خدمة زوار بلدنا
بالنسبه لتأجير السيارات فأفضل لكم تستأجرون من المطار
عساس تستلمونها في المطار واتسلمونها لهم عند انتهاء الرحلة في المطار
وفي مكاتب عديدة لتأجير السيارت في مطار الشارقة
وموقعها بعد استلام الشنط في الطريق إلى الخرج
واشهر المكاتب وافضلها بدجت وثريفتي كلهم ممتازات
ولكن الأفضل بدجت وهي شركة عالمية
وبإمكانكم ان لم تكونوا ترديون الإنتظار كثيرا امام المكتب حتى وصول السياره
الحجز عن طريق الإنترنت بس لازم يكون وياكم كردت كارد
ثريفتي لتأجير السيارات
http://www.thrifty.com/Locations/SearchResults.aspx?searchString=SHJ&searchRadius=50
رقم مكتب المطار
6(6) 00971
بدجت لتأجير السيارات
http://www.budget.com
رقم مكتب المطار
6(6) 00971
ولا تنسون تسألون المكاتب اذا كان عندهم اجهزة الجارمن او الجي بي اس لأن اغلبهم عندهم ويوفرونها
اما بالنسبه لتاكسي دبي واستئجاره بنظام التعرفة اليومية
في نوعين من الأسعار اليومية
استئجار لمدة 6 ساعات ويكلف 300 درهم
استئجار لمدة 12 ساعة ويكلف 500 درهم
وللتواصل معهم هذا رقم مركز الحجز الخاص بالتكاسي
8(4) 00971
وبالنسبه للمترو ففي تذاكر تعرفة تسمى نول
وهي اربع انواع
البطافة الذهبية وهي مخصصة للدرجة الذهبية
البطاقة الفضية ويمكن استخدامها في جميع وسائل المواصلات العامة في دبي
من مترو وباصات عامة والباص المائي وتقتصر على الدرجة العادية
والبطاقة الزرقاء وهي بمثابة العضوية ومخصصة للدرجة العادية
وجميع ما سبق يمكن اعادة شحنه
والنوع الأخير وهو البطاقة الحمراء
وهي مناسبة للمسافرين وزوار دبي
ويمكن شحنها بعدد الرحلات المرغوب به او عدد الأيام
وصلاحيتها 90 يوم فقط
وهذا موقع هيئة الطرق والمواصلات للمزيد من المعلومات
http://www.rta.ae
ويحتوي المترو على مقطورة خاصة للنساء والأطفال
والخط الأحمر فيه محطات تمر على اغلب الأماكن المهمة في دبي
منها:
مطار دبي المبنى 3 ومطار دبي المبنى 1
وديره ستي سنتر
وبرجمان
أبراج الإمارات
دبي مول (برج دبي وسوق البحار)
نخلة ديره وهي بعيده شوي عن النخلة ويجب اخذ تاكسي لقطار النخلة او للوجهة المطلوبه في النخلة
مول الإمارات وابن بطوطة سنتر
وهذا موضوع عن المترو في المنتدى
https://artravelers.com/p/re/316282
والله انا اشوف المترو تجربة حلوه
وانتو ورايكم
واي استفسار انا حاضر

السلام عليكم
اختي انا بعطيج نصيحة اخو وانتي وكيفج طعا
ابتعدي عن التكاسي قدر الامكان
القياده في دبي سهله جدا وخلال يومين حتى النفيغيشن ماراح تحتاجونه صدقيني
التكاسي اسعارها نار فوق الخيال
انا دايما اجي من الكويت بالسياره واذا كانت الرحله قصيره اجي بطياره لكن أأجر سياره اول ما انزل المطار
راح تلقون شركات تأجير السياراه موجوده كلها جنب بعض
وعلى فكره انا الحين اكلمج من دبي لاني حاليا مقيم فيها للعلاج مع الاهخل
اخوي في البدايه كانم مأجر سياره لغاية ما وصلت لهم بالسياره من الكويت
وكان الاجار 80 درهم باليوم سياره هوندا
طبعا مع مشاوير التكاسي راح يكون المبلغ اضعاف
وتقبلي مرري