شراع الهوى
22-11-2022 - 01:50 pm
السلام عليكم جميعا
كثر ماكنت ازن على زوجي لازم اروح جنوب افريقيا واذيت مشرفنا بالاسئله واذيت مكاتب السفريات كل شوي اتصل المهم قلت اصير ذكيه واتشطر واحجز من الحين حق اخر شهر يونيو وفعلا حجزت انا وزوجي واولادي وراسلت شقق اشبي وحجزت وحتى الفيزا طلعناها من الحين وتنتهي الفيزا بعد رجوعنا بيوم يعني شطاره ويمكن لسهولة الحصول على الفيزا بالكويت وبدون رسوم وقلت الحق قبل لا يغير رايه
المهم الحين ولما سمعت ان في نهايه يونيو الى نص يوليو الجو مو حلو وبارد حيل عالاولاد ومطر غزير واحتمال تتغير كل خططي وبرامجي وانا احس بضيقه وكل ماتطري علي بالي السفره صدري يضيق واتشاءم وبما انكم اخواني بالمنتدى العزيز ابي شوركم
وعليكم السلام ورحمة الله وبركاته
لايوجد مايجعلك تتشائمين وتتضايقين
بما إنك عقدتي النيه وتوكلتي على الله
أنسي موضوع الجو نهائياً
خذي ماتحتاجينه من ملابس لك ِ ولأطفالكِ حفظهم الله وبعض الأدويه الخاصه بالحراره
وتوكلي على الله سبحانه
وبإذن الله لن تجدي مايعكر صفوكم
الجو صحيح أنه بيكون بارد والأمطار إحتمال تكون كثيره ,,,
لكن مو معناه أنه لازم كل يوم مطر وكل وقت مطر
لا العلم عند الله سبحانه
فقط توكلي على الله ولن تندمي بإذن الله
لكِ كل الود