- ثانيا : القهوه الحساوية القديمة
بسم الله الرحمن الرحيم
السلام عليكم ورحمة الله وبركاته
وهي ملتقى يومي بين سكان المدينه والباديه حيث يتم بيع البضائع التي يتم احضارها من ألفرضه ويرى
اليقط و الإبل و البقر و الخرفان و التيوس و الحليب و اللبن التمر وغيره من البضائع
خلونا الحين نروح وندش السوق القديم
السلاح
بشوت الأحساء من ارقى أنواع البشوت في العالم
البقال
اياباه على بطول النامليت (( غرشة )) المعروضة في البقالة
بضاعة البقال
الخراز صانع الأحذية
الحوّاج (( يبيع البهارات و القهوة والشاي ))
تعالو الحين ندش بالفريج الحساوي القديم ونشوف
سكة فريج قديم
تلاقي على صوب مناك الخباز
وتشوف الناس اللي رايح واللي توهم جايين من السوق
وهناك تشوف اللي قاعدين على الدجّه (( العتبة الدرجة )) مالهم شغل في أحد طايحين سوالف
يالله الحين تعالوا نروح نشوف المطوع في الفريج شلون كان يدرس
هذا اهو المطوع .. يعني المدرس في الوقت الحالي
والعده يمه .. الخيزرانه .. ولوح خشبي للكتابه عليه
الصبيان يدرسون والمطوع جبالهم يدرسهم ومناك بالزاويه طالب مشاغب معاقب
خلصنا الحين من الفريج نروح نشوف طريقة البيت الحساوي القديم
وهي كالتالي منه ونشوف شنو يتكون
القعدة اليومية في الديوانية أو المجلس غرفة النوم الرئيسيه .. الحوش ولازم تكون فيه سدره مزروعه دار.. المطبخ .. دار الجيل .. يعني المخزن
هالبنيه اتوكّل الطيور والصخله مالت البيت
وشوفوا العتوي اللي يتربص بالحمام يبي يهجم عليهم في طرف الصوره على اليسار ههه
الحوش الحساوي
قعده الأهل في حوش يشوفون لهم زاوية فيها ظل هالسدره ويقعدون تحتها
الجليب (( البئر )) وعادة في كل البيوت القديمه تلاقون جليب بوسط البيت يطلعون منه الماء
غرفة القعده اليوميه ... وفيها تنحط هالدّوه بوسط الغرفه والشاي المخدر الشغل عدل ... وخدري الشاي خدريه
غرفة النوم الرئيسيه الزوجة تبي تبخر زوجها الظاهر معزوم وأحلى شيء غرفة النوم
السرير في غرفة النوم الصراحة عجيب و حلو
المجلس أو الديوانية سوالف واستكانات الشاي تدور بينهم وأهم ما في الموضوع المهفّه عشان تبرد عليهم
يلعبون لعبة (( الدامة )) ولازم فيهم واحد يكسر رأس الثاني
الدرج حيث الصعود إلى الصطح
والحين نشوف بعض من سوق الحرف اليدوية
سوق الحرف اليدويه
كشك الشيخ مبارك
الحايك (( المنجد ))
السدو يا بدو
الصايغ
الحداد
صناعة السفن
ثانيا : القهوه الحساوية القديمة
وهي من الضروريات لدى أهل الأحساء سابقا عشان يريحون شوي فيها ويطيحون له لعب دومنه ودامه وشرب استكانات الشاي الحلوة ويسمعون غناء المطربين القدامى وخلونا نشوف بعض من سوالفهم الحلوه لما يدور بينهم من أحاديث
مهدلي شاي
يقولون مركب بن عيدان طبع صج ؟
شوف يافلان اما انك تجيبلي من هالجندل الزين والا لاشوف وجهك مره ثانيه
وليه يبا لا تتهاوشون خلاص راح اييبون لك جندل فلّه افا عليك بس
انزين عمي أنا شلون اقعد في الدكان طول اليوم أبي اقعد شويه بالقهوه هني أتعب رأس قدو اعدل هالميتر واروح ارجع الدكان
وين الشاي يا مهدلي
انشالله يكون عجبكم الموضوع
وإلى اللقاء في موضوع آخر
تصوير حلو والمتحف ماشاء الله حلو
ماقصرت