اهلا بك في أسطنبول و متابعين جديدكم بارك الله فيكم ورحله سعيده

الحمدالله على السلامه
جم وقت خذيت على ما طلعت الفيزا و ختمت الجواز
انا مسافره بعد اسبوعين
وطيارتي توصل اسطنبول الساعه 6 ونص المغرب

الحمدلله على السلامه مشرفنا
اعلوم البلاد عساها زينه
انا متخوف من معاملتهم لان الاغلب نصحني بتجنب الاتراك
لان طبعهم جاف بالتعامل ومايحبون يتعاملون مع العرب
هل هذا صحيح؟
متابع معاك

الحمدلله على سلامة الوصول مشرفنا..
وتمنياتي لكم برحلة سعيدة وموفقة.

1. شكرا فهد على المرور

شكرا العميد على المرور وانا استفت منك الكثير في هذه السفرة بارك الله فيكم
شعولا
الامور طيبة
خذنا في الفيزا 5 دقائق والجوازات تقريبا 35 دقيقة لان اكثر من طيارة في نفس الوقت
هلا استرنق مان - الرجل القوي
ياخي انته رجل قوي اشعليك منهم
الشعب طيب ولكن اصحاب التكاسي شوي جامدين ولكن انا ماسويلهم سالفة - امس ركبت مع واحد كان جدا محترم واليوم كذلك
لاتلومهم من الزحمة مضايجين - وبعدين خلك اسد لاتسوي سالفة لاحد في السفر - بيجونك ناس تبيع عطور و ملابس - التاجر الجوال طنش ولا ترد عليهم متعلم هاي الحركة في مصر حتى اسمع بعض اللحضات انته اطرش ههه

شكرا فهد على المرور

فطرنا اليوم في المطاعم اللي في بايزيد وجلسنا في الكوفي شربنا الشاي مع البغلاوى الشاي عندهم غير
وبعدها خذنا تكسي ب 20 ليرة الى اورتاكوي منطقة حلوة بالليل فيها مطاعم ومحلات. وكوفيات اطول الى 2 بالليل وحصلت فلبيني يتكلم عربي وانجليزي وتركي كان شغال في السعودية سالتة بكرا عيد قال لا اخر يوم في ارمضان جلسنا في استاربكس وبعدها تغشينا في احدى المطاعم التي تطل على البسفورد كفته مع شبس ورز ورجعنا بالتكسي مع واحد اسمة عبدالله من اصل مصري ولكن يتكلم العربية الفصحة وعينكم ماتشوف الا النور في الفصحة والعيال يضحكون علي وانا اسولف معاة. - نفس احسينوة في المحكة - فلم درب الزلق. ههه
ب 20 ليرة. اريح من الطرام اللي مليون واحد فية. اتوقع يشل في اليوم 10 مليون واحد
عديت على البقالة الساعة 3 فجرا اللي امام الفندق شغاله 24 ساعة اشتريت لبن وبصراحة مايتفوت اللبن عندهم مع حلويات حق السحور
نسيت اقولكم عن شريحت تركياسيل رحت اشتري شريحة قالو ب 40 ليرة وفيها 5 ليرات و سعر النت 20 ليرة 1 جيبي ولازم تسجل التيلفون ب 100 ليرة. - تخلف صح
على العموم فتحت خدمة النت على البي بي من الامارات
سوف اوافيكم بالمستجدات

موادع1
طيب لو كنت ابغى شريحة بيانات فقط مو شريحة مكالمات
شريحة أستخدمها في مودم للنت فقط
هل لازم تسجيل و 100 ليرة؟
وهل التسجيل من عندهم وإلا يحتاج أروح مكان ثاني؟

ماشاء الله يومك جميل ومليئ بالاحداث مشرفنا الغالي
وبالنسبه لموضوع التليفون كتيت عنه منذ عدة ايام في موضوع مراقبنا العزيز ماجد الفهد الاخير
عميد العرب المسافرون

اخوي الموادع
يعني ماتنصحنا ناخذ خط من هناك
الصراحه انا كنت مخططه اخذ خط وافعل خدمة الواتس اب

الحمد لله على السلامة مشرفنا
وربي يسهل أمورك ويجعل رحلتك ماتعة بحول الله
بخصوص النت طال عمرك ؟
إنت حاولت تآخذه من المطار ولا من الخارج ؟
لإنه قريب لي صار له كم شهر جاي
أخذها بنفس طريقتي وسجل الجهاز مجانا ( الميني واي فاي )
وكلفه الموضوع كله نت و4 قيقا قرابة 80 ليرة بس
أنتظر جديدك حبيب الكل