أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم عزيزي فهد ربي يسعدك آمين ... والله يا خوك بما أنني من هوالي تلك الديار وأعني من منطقة الباحة جلست هناك لفترة في الطائف مع هذا تجد الأسعار في كل سنة تتفاوت ... بالنسبة للبنان ما أعتقد أن الأسعار راح تتغير في الصيف معروف أن الأسعار تضرب السماء وترجع في الفصول الأخرى ولاكن أتمنى من أصحاب المنشات السياحية ان يحرصوا على سمعتهم وعدم المبالغة في الأسعار . تصدق فهد سكنت في الطائف مع الأهل وأذكر كان في شهر جماد الثاني أي شهر 6 عربي في فندق قصر الحرمين وكان السعر ب120ريال ومع المفاوضات وصلت 100ريال لغرفة واحدة مع دورة مياة ... أما في شوال أي في شهر 10 عربي السنة السابقة في فندق قصر الحرمين في شارع شهار سكنت في نفس القصر بمبلغ 70 ريال لليوم الواحد وفي نفس الغرفة 115 ... فهل يعقل أن ترتفع هذه الأسعار بشكل مخيف . وهل تتوقع أخي فهد بأنك ستسكن لمدة ليلة واحدة بمبلغ 200ريال أو 300ريال انا لن اسكن لانني ساجد من يقول لي اسكن معنا ب120 او 100 ريال وراح تضطر أنك تجلس عندم لحسن الضيافة و السعر المنخفض ففيه ناس ما تبي ترفع الأسعار وكأنها تقول حياكم الله عندي وفيه غيرهم يرفع السعر ليضرب المعقول وكأنها تقول تبيني أو أنقلع ... وأيضاً يدعون أنهم يقدمون لك الخدمات بينما لا تجد من الخدمات شيئ فعندما تريد أن يقوم العامل بحمل متاعك إلى الغرفة يطلب منك مبلغ 10ريال (حق بيبسي) وإذا ما عطيته كل شوي يقابلك يقلك باقي ما يعطي انا فلوس حق اغراض ويزن عليك الين تعطية وتفتك من شرة لأنك ما تبي تاكل تعب الرجال . وعندما تريد الفطور يحسب عليك ب14ريال فطور ول تروح أقرب بوفيه كنت خسرت ريالين واذا عندك بزران تخسر 8أو 10ريا .
وين الخدمات ما أدري . يعني خدمات لاكن بفلوسك .
ياخوي فهد انصحك تزور فندق قصر الحرمين على شارع شهار في البلد الطائف . وبقربة مطعم البكيري للمندي وأفضل كمان منه هو مطعم الطيبات . وأجمل شي في الطيبات السنبوسة مو نصابين مثل الباقيين كلها خضار بدون لحم . العكس عند مطعم الطيبات اذا طلبت سمبوسة كل حبه بالمجان وجرب . وأدعيلي أذا رحت هناك . جرب أنا مجرب الأكل عندهم لاكن يا حسافة مافيه محل للعوائل كلة سفري . دمت بخير أيأستفسار تاني أنا في الخدمة . دمتم
الطائف اعتبارا من 25/ 6 الى 25/7
بيكون ازحم وقت وهذه معروف من سنين الشهر الأخير قبل عودة المعلمين والمعلمات وبسب الأنتهاء من جميع التقديمات في الكليات والجامعات وكذلك الانتهاء من بعض مناسبات الزواجات
دايما وسط الصيف الزحمه وبعدين تخفف اذا صارت عودة المعلمين والمعلمات
والاسعار اول الصيف عاديه وسطه اذا كثرت الزحمه ترتفع الاسعار واذا قربنا من عودة المعلمين تخف الزحمه وترجع الاسعار مثل اول الصيف .
الأخ الذي يمدح قصر الحرمين اكيد انك ولد صاحب قصر الحرمين ولذلك مدحته
قصر الطائف طيب ولكن فيه افضل منه واحسن بكثير
لكن والله مع الزحمه الواحد مايقدر يختار
والله يرزق الناس جميعا
الاخ فهد 2006مع التحيه
تبي سكن بكم تقريبا وكم عدد الاشخاص ارسل لي رساله بكل التفاصيل على الخاص واخدمك
بدون مقابل مو مثل لبنان
تعال ودي برضه تذكر لي متى بتجي والتفاصيل في رساله خاصه
الاخ انا وياكم شلون ايش دخل لبنان بطايف اكثر الخليجين بحولون لطايف وابها واكيد الاسعار بترتفع لانها فرصة اخويrawdi مشكور وماقصرت والله لايهينك اخوي فارس السفر مشكور علي مشاركتك اخوي رمان الطايف مشكور وراح ارسلك علي الخاص
السلام عليكم
رمان الطائف ... الله يعزك يا خوي ياليت ( الله يسمع منك يكون عندنا بيت حتى لو يكون عادي في الطائف ) كمان تراني أعز الطائف مع اني من الباحة وأعمل في الجبيل فعادي الوضع أنا مجرب فندق قصر الحرمين مو عشان أمدحة بالعكس الكويس مدح الناس فيه يدل على أنه كويس .
شوف كمان شقق الرمال خلف شارع 45 وشارع الزهور وأمام محطة التسهيلات أعتقد . كمان أسعارهم مرة مرة رخيصة مع أن العمارة جديدة مرة أنا سكنت فيها وأعرف أن أسمها شقق الرمال . روعه بصراحة ورخيصة من 150 إلى 200ريال تعتبر بلاش في عز الصيف .
رمان الطائف .. شكراً للمداخلة وخليك الدليل السياحي للعموم في الطائف الله يحفظك يا رب .
دام الجميع بخير .
ياهلا ومرحبا فيك اخوي
اخوي مافيه مقارنه بين لبنان والطائف ابدأ , الي فكر يطلع لبنان مافكر بالطائف , فهل لايوجد في العالم سوى لبنان والطائف؟
اقرب شي للبنان سوريا والاردن ومصر , وهي دول سنويأ تحتضن عشرات الالاف من السعوديين , ومن يخرج من لبنان بأمكانه ان يجلس في سوريا
وش معنى ماقلت ترتفع في ابها طيب!!
لايوجد مقارنه , ابدا ولا لها شغل
تحياتي : سلطان الشرقية
الا قول الاسهم اللي راح تنزل