1. اسباب زيارتنا لها

مدينه غير سياحيه كبيره ورخيصة من حيث التسوق ولايوجد فيها الا مول واحد حسب ما شاهدت وسألت اما الاسواق الشعبيه كثيره ولا تناسبنا لانها كل شي فيها صيني ولا جديد
تبعد عن تقي تاي ساعه بالباص اما المسافه الحقيفيه لاتبعد سوى نصف ساعه بالسياره لان الباص كثير التوقف

اسباب زيارتنا لها

كنا في تقي تاي سكنا في بيت عجوز ولدها الكبير تقول انه ضابط بالشرطه ولها ولد ثاني كبير ايضا شفنا في الحديقه عندهم ديكه كثيره سألنا قالوا للمصارعه والمراهنات قلنا وين مكان المصارعه قالوا في مدينة دسما سألوا تراهنون قلنا كل شي الا هذا نبي نتفرج فقط واشغلونا عن المراهنات قلنا حنا ما نراهن ولا على سيكل فكونا قال الولد تبدا من الساعه 6-8 مساء وموقعها على الطريق الرئسي لدسما بالوسط طلعنا من موقف الباصات اللي قبل الدوار حق تقي تاي وفيه لوحه مكتوب عليها المدينه مثل كل مواصلاتهم ركبنا بسعر 30 بيسو وحنا ثلاثه ربعي كنا هنود روسنا تهز بالباص لو ودانا لمدينه ثانيه ما درينا المهم وصلنا الساعه 7 قلنا راح علينا ساعه ما شفنا المصارعه وصلنا لمكانها وهو يشبه محل الخضار مبنى وعليه سكيورتي ومقفل قلنا هذا مكان مصارعة الديكه قال نعم بس انتهاء الان الدوام يبدا من 3-6 مساء تجون باكر قلنا لابارك الله بالعجوز ولدها :112: رحنا وقلنا ناخذ تاكسي اسرع وفرصه ناخذ لفه ساعه ونسأل عن المدينه لفينا فيها بعد الاتفاق مع راعي التاكس 700 بيسو يلف فينا على الاسواق والفنادق ساعه وبعدين تقي تاي رجعنا الساعه 10 وجاء باكر الصباح لقيناه هو وعجوزه مبسوط يضحك يحسبنا مبسوطين من المصارعه قلت مخصوم عليك اجرة الباص والتاكسي من الاجار نضحك معه هو ما تأكد من الوقت وحنا فضوليين برتبة ملقوفين المدينه ما انصح بزيارتها ممله والفنادق مريناهامتواضعه جدا والاسواق شعبيه بس المدينه تجيب النوم