اسمع اخوي انا بقولك كذا شي ان شاء الله ينفعونك بس اول شي لازم تكون عندك عزيمه لانك بدونها ماراح تروح بعيد يعني اسبوع اثنين ودربج بتطنش اسمع اول شي لازم تكون عندك قاعده كويسه يعني تعرف القواعد الاساسيه يعني كيف يكون السؤال ومن وش تتكون الجمل وزي كذا وهذي اتوقع افضل طريقه لها المعهد يعني تاخذلك شهرين بالكثير الين تعرف الاساسيات بعدين نجي لاهم شي وهو الكلمات واي لغه هي عباره عن كلمات يعني كثر ماتجمع او تحفظ كثر ماراح يكون مستواك افضل واحسن طريقه تتبعها والي انا للحين امشي عليها شووف فيه في مكتبة جرير قصص والله مدري نست طريقتها لاني من زمان عنها بس اول ماتعلمت كنت اقرى فيها بس انت اسئل الي هناك في المكتبه وهو راح يفهم الكتب عباره عن ست الى بسبع مستويات ومكتوب عليها من ورى عدد الكلمات الجديده الي راح تلقاها في القصه يعني مثلا اول مستوى تقريبا راح يكون عباره عن ميتين كلمه طبعا اول مستوى ماراح يتعدى عشر صفحات وكل كلماته بسيطه يعني انت راح تشتري المستوى الاول وانت قاعد تقرى اي كلمه ماتعرفها اكتبها في الدفتر حقك الي هو مخصص للكلمات واكتب جنبها معناها وانصحك نصيحه لاتستخدم المترجم الالكتروني لانه ماينفع استخدم الدكشنري العادي وزي ماقلتلك بعد ماتخلص القصه راح تلقى نفسك حفظت 200 كلمه بدون ماتدري طبعا انت عيد على القصه عشان ترسخ الكلمات في راسك وزي كذا للمستوى الي بعده وزي كذا وراح تشوف نفسك تغيرت بشكل كبير .
هذي الطريقه انا استخدمتها وابشرك جبت التوفل لا ودرجه حلوه الي هي 560 وكلها من ذا الطريقه بعد فتره ماهي قصيره بتلقى نفسك تقرى نوفلز ( الي هي القصص الكبيره لكتاب كبار ) وانت ماتدري اهم شي الصبر والعزيمه وهذا الي عندي اخوي واي خدمه ثانيه انا حاضر وبالتوفيق.