هلا اخوي
حياك الله بالكويت وانشالله تقضي وقت حلو وممتع عندنا
افضل الطرق من الرياض للكويت :
الطريق الاول انا جربته بأخر زياره لنا للرياض :
من الرياض للمجمعه تقريبا 180 كيلو طبعا طريق سايدين ونظيف بس مافي استراحات وايد ويمكن يكون اقرب شويه مع الطريق السريع اليديد
ومن المجمعه الى الارطاويه 73 كيلو ومن الارطاويه للحفر 230 ومن الحفر لمنفذ الرقعي 100 كيلو
ومن المنفذ للعاصمه 140 كيلو
تقريبا مدة الطريق 6 او 7 ساعات
الطريق الثاني موجود بالرابط واهو موضوع للاخ بو سليمان :
الصراحه انا ماجربته
https://artravelers.com/p/re/110603
بس نصيحه يفضل السفر بالنهار لتجنب الابل

شكرا اختي روان
شكرا لاجابتك
شكرا لسرعه الرد

العفو اخوي
واي خدمه احنا حااضرين ؟؟ لاتتردد

مع السلام والتحيه ..... انا افضل وبقوه الرياض - جوده - الصرار .. النعيريه .. الخفجى .. النويصيب
اما طريق او منفذ الحفر .. طريق يخوف خاصه بالليل .. ومدخل السالمى مغطه! الى تاصل العاصمه ....

بارك الرحمن فيكم .
موضوع بسيط ولكنه قوي جدا .
يفيد من يريد السفر الى تركيا .

افضل الطرق من الرياض للكويت :
الطريق الاول انا جربته بأخر زياره لنا للرياض :
من الرياض للمجمعه تقريبا 180 كيلو طبعا طريق سايدين ونظيف بس مافي استراحات وايد ويمكن يكون اقرب شويه مع الطريق السريع اليديد
ومن المجمعه الى الارطاويه 73 كيلو ومن الارطاويه للحفر 230 ومن الحفر لمنفذ الرقعي 100 كيلو
ومن المنفذ للعاصمه 140 كيلو
تقريبا مدة الطريق 6 او 7 ساعات
انا جربت طريق وجيد حلو وبالصراحة فيه محطات بشكل معقول
وحياك الله بديرة الكويت

اخوي سعود ،، حياك الله ..
فيه طريق مختصر ،، وجديد ،، ولكن لا اعلم اذا تطرق له الاخوان او لا !!
هذا الطريق في الربيع سياحي رقم (1) لكن بالصيف لم اجربه !!!
من الرياض الى رماح = 90 كم
من رماح الى الرفيعة مروراً بشويه = 150 كم
من الرفيعه الى قريه العليا = 90 كم
من قرية الى تقاطع مع طريق النعيرية السفانية = 50 كم تقريباً
من التقاطع الى الخفجي = 150 كم تقريباً
المجموع = 530 كم تقريباً .
بس انتبه !! الطريق غير صالح ليلاً ....
اتمنى اني قدمت لك مبتغاك واعذرنا عن القصور ..