الحياه حلوه
07-07-2022 - 06:47 am
ول عليكم والله ماهقيت هالتطنيش منكم لي اسبوع انبح صوتي وانا اترجاكم تردوا علي,,,
مواضيعكم شيقه طيرت النوم من عيني استنى اوقست بفارغ الصبر ول ول ول والله اني اتخيلها جنه من روعت سردكم لسفراتكم وضريبة تعليقتي في هالبلد بتساعدوني على الهني مون وبكجه,,,
المده 15 يوم اتوقع كافيه
المدن 3 فقط على زووئكم لانه الوقت من ذهب في الهني مون وماودي بالهجوله لاحقين عليها انشالله
اهم شي الفنادق تكفون,,
والتماشي بالمدن تحتاج سواق خاص ؟
والاماكن السياحيه بكل مدينه؟؟؟
وش قصة الكاميرون هل هي مدينه ام تابعه لكوالا؟؟
والصن واي لاقون؟؟
ومالنا غنى عن توجيهاتكم الكريمه,,,
الميزانيه(((20000 ريال)))
انا عارف انه المنتدى ثري بمعلوماتكم الشيقه لكن والله تعبت وانا اجمع كل ما استقر على شي الاقي احسن واروع زيكم
ودي الزبده ردودكم واطبعها وعلى اقرب مكتب,,
سامحوني اذا ثقلت عليكم لاكن هذي ضريبة روعة كتباتكم,,,,
with best wishes
حياك الله أخوي الحياه حلوه .... بس ليش زعلان الله يهديك ... خليك ريلاكس يا عريس ..
بحاول أدفع الضريبة ... بس حبه حبه ...
في البداية أحب أطمنك دام الميزانية كذا ما شاء الله ... والمدة 15 يوم أجل إن شاء الله بتقدر تسوي برنامج حلو يليق بالمناسبة ...
بالنسبه للكاميرون ... هي عبارة عن مرتفعات جبيلة وفيها قرية وتقع في ولاية باهانق وتبعد عن كوالا تقريباً 330 كيلو ... والمنطقة تتميز بجمال طبيعتها وبرودة جوها ...
أما صن واي لاقون فهي عبارة عن منتجع ومدينة ألعاب ... في ضواحي كوالا تقريباً نصف ساعه بالسيارة ...
وإسمحلي أقترح برنامج مبدئي (( قابل للنقد والتغيير ))...
2 ليلتين ( صن واي لاقون ) ( فيلا شهر العسل )
3 ليال لنكاوي الفندق ( لنكاوي لاقون ) ( فيلا فوق البحر )
3 ليال بينانق الفندق ( موتيارا ) ( غرفة ديلوكس مطلة على البحر )
( مع ملاحظة إن موتيارا موقعه بعيد شوي عن السوق والمطاعم يعني لازم تاكسي والمشوار خمس دقائق )
( يعني الفندق حق عرسان وناس تدور الهدوء والرومانسية )
2 ليلتين كوالا الفندق ( ماندرين أورينتال ) ( غرفة ديلوكس مطلة على الحديقة )
4 ليال كوالا الفندق ( ويستن أو ماريوت ) ( غرفة ديلوكس )
واذا غيرت رأيك وودك تروح كاميرون أجل تصير كاميرون بعد بينانق ونشيل ليلتين من كوالا ....
وترا القرار الأخير لك والبرنامج هذا مبدئي ... وننتظر رأي الشباب ...
بالتوفيق إن شاء الله ...