بمشيئة الله غدا سوف يكون انطلاق بعد حيي من حايل___الرياض___مانيلا.
هذا وقد صرح بعد حيي بقوله:
الله يحيي مدور الفنجال وعلوم الرجال والصدر الي لو يجتمع به أجاء وسلمى ما ضاق.... أن يتفضل بكل ترحيب الى فندق مانيلا دايموند.. لا وقصيد الاولين بعد. واكون ان شاء الله بغريفتي من 3 العصر الى وقت النومه 11 مساء.(اخس يا بعد حيي تحدد لضيوفك الوقت !!!!! هو انت تسربت الضحى؟) لا .. لا.. والله عندي مراجعة بالمكاتب وعلى السفارة ومع بعض الدوائر الحكومية بالفلبين... لا حول... يعني لازم تحرجوني!!! ايه رايح اجيب شغالات.. بس وعد يارجال اول واخر مره.. والله من القلق ووجع الراس.
على فكرة بالنسبة لمعرفة غرفتي هناك..
كل ماعليك بس قل للأستقبال(وين بعد حيي) راح استخدم اسمي بالمنتدى هناك!! وشلون؟ ماعليكم بس تعالوا والله يحييكم.
والله من الوناسه اذا خلصت شغلي بسرعة.. ابي بس انوقز من مكان لمكان .. أبي أشغل أهل الفلبين واهل التكاسي وكل محل.. ابي اسوي زحمة على خرطي.
وابي اوجع روسكم بالحكي..هذا شي تفهمونه وهذا شي يبي له قاموس وهذا يبي له مدرس تقويه.... بس ولو هذا الي تبونه.. ما علي..
على العموم تقبلوا مني خالص الاحترام والتقدير لكم ولهذا المنتدى الرائع.
ومع السلامة..
حررت بكي بورد بعد حيي الساعة 1,6 صباحا.