بسم الله الرحمن الرحيم
بالبداية
أحب أرحب بكل اللي شرفوني بموضوعي
وراح يتحفوني بردودهم الحلوة
الحمد الله أن ربي ييسر لي وحقق لي أمنيتي بالرجوع لماليزيا
مرة 2
طبعا لازم تعرفون شغله قبل كل شي
أنا وحدة أعشق ماليزيا
عشتقها من زيارتي السابقه لها ب سنة 2006
أي أحد يسألني أي أحلى مكان سافرتي له
أقولهم ماليزيا
أي أحد يسألني وجهه للعرسان
أقولهم ماليزيا
لأني صج حسيت بالمرة الأولى
اني ما شبعت منها
و كانت هاجس بالنسبه لي
طوول هالفترة وانا كنت حاطه ببالي أني لو فكرت وصارت لي فرصه أخطط لسفر
في يوم من الأيام
راح تكون وجهتي الأولى مكان وااحد بس
وهو طبعا عشقي
زيزا
طول هالمده وأنا
ابغي اللحظه اللي اركب فيها الطيارة وتكون وجهتي لكوالالمبور
والحمد الله ربي يسر لي ورجعت لعشقي الأبدي
ماليزيا
بس للأسف الشديد هالمرة المده المحدده لي بالسفر مده قليله
1ليلة بس
وكان خاطري ألف ماليزيا كلها
وبنفس الوقت بعد خاطري اجوف تايلند
لأني
سمعت ووايد ناس يقولون تايلند حلوة وسوق بانكوك أحلى وأرخص من ماليزيا فقسمت الأيام بين ماليزيا وتايلند
عشان ما يطوفني السوق
وبنفس الوقت سمعت عن الفانتزي شو
في بوكت
وناس وايد قالوا لي اللي ما يروح الفانتزي شو
كأنه ما راح تايلند !!!
صرت في حيرة من أمري أزيد وأزيد
أروح تايلند والا اشيلها من البرنامج
وآخر شي توكلت على الله
وقلت بخصص 4 أيام لتايلند
أكيد قليل بس أن شاء الله بشوف أهم مكان خاطري فيه
وهو الفانتزي شوي
وبروح السوق
2 ليلتين بوكت وهدفي من بوكت فقط الفانتزي شوو
اللي كل الناس تتكلم عنه
و2 يومين تسوق في بانكوك
اللحين بتقولون وايد تنقلات
صح وايد تنقلات بس ما خليت مكان بخاطري ما رحته
وهذا أهم شي
برنامج الرحله
ليلتين منتجع صن واي لاقون ريزورت 5 نجوم
سعر الليله للغرفه المزدوجه مع الأفطار 68 دينار
ليلتين جنتنغ
فندق مكسيمس 5 نجوم
سعر الغرفه المزدوجه مع الأفطار 52 دينار
ليلة كوالالمبور
فندق جراند ميلينيوم 5 نجوم
سعر الغرفه المزدوجه مع الأفطار 58 دينار
ليلتين بينانغ
فندق شنغريلا قولدن ساندس 4 + نجوم
سعر الغرفه المزدوجه مع الأفطار 63 دينار
هذا بالنسبه لماليزيا
ننتقل اللحين لتايلند
ليلتين بوكت
فندق بانتاي بيج ريزورت 4 نجوم +
سعر الغرفه المزدوجه مع الأفطار 44 دينار
ليلتين بانكوك
فندق نوفوتيل سيام سكوير 4 نجوم +
سعر الغرفه المزدوجه مع الأفطار 45 دينار
طبعا راح تقولون حراام البرنامج مضغوط
أي والله مضغوط بس أستانسنا وهذا أهم شي
طبعا اخترت الفنادق بعضها على اساس اني مجربتها من قبل
وأعرف مستوى الفندق
والبعض لأن سمعت واايد مدح عليهم
والبعض لأن شفت صوور للفندق وعجبني من الصور
والموقع
بالنسبه للحجوزات لأن ما كان في وقت
حجزت قبل السفر بمده قصيرة
فكانت حجوزاتنا أغلبها عن طريق مكتب سياحي
بس
فندق جنتنغ بماليزيا اللي ما حصلت حجز بالمكتب
وحجزت بروحي بالأنترنت سريع سريع
عن طريق موقع آسيا رومز
الموقع آمن وسهل الأستخدام
بأقل من دقيقتين والحجز مؤكد عندي
قبل السفر بيومين رحت وصرفت فلوس لماليزيا
ولتايلند
قلت ما أبغي ادوش عمري بمكاتب الصرف هناك
واللحين نجي لترتيب الحجوزات والأوراق الضروريه
رتبت الظروف
خصصت كل ظرف فيه شي
مثلا بأول ظرف تذاكر الطيران الدولي
2 ظرف كان فيه فوتشرات الفنادق لماليزيا بالترتيب
كل فندق حسب ترتيب الرحله يعني اول ما افتح الظرف القى فوتشر فندق صن واي لاقون بعدها جنتنغ بعدها
جراند ميلينيوم بعدها الشنغريلا قولدن ساندس
بالترتيب
3 ظرف كان مخصص لتذاكر الطيران الداخلي
فاير فلاي من بينانغ لبوكت
4 ظرف مخصص لفنادق تايلند
بعد نفس الشي بالترتيب أول شي فندق بوكت وبعدها فندق بانكوك
و5 ظرف تذاكر الطيران الداخلي بتايلند من بوكت لحد بانكوك عن طريق تاي اير
طريقه ترتيب الظروف
بهالشكل
مضبوطه 100 %
صج صج هالطريقه مفيده وسهله وارتب
طبعا الظروف كتبت عليهم كل واحد
اسمه أو شنو محتواه
بس بعد ما صورتهم لكم
لأن خطي مأساة ما أبيكم تتطنزون على الخط العجيب
ههه
ملاحظه
(( التقرير يعبر عن رأيي الشخصي ))
مب شرط اللي يعجبني يعجبكم
ولا اللي يعجبكم يعجبني
يتبع