(مزاجية)
28-10-2022 - 11:47 pm
السلام عليكم
كيكفون ان شاء الله مناح .. اخواني اللي عندهم خبره في ماليزيا بغيتكم تساعدوني
هاي اول مره في حياتي بسافر .. انا وامي واخوي المراهق بس
وانا بروحي اللي مرتبه كل شي
حصلت حجز الفنادق والطيران الداخلي من الانترنت من موقع دليل ماليزيا اكيد تعرفونه باقيلي بس احجز الطياره عسب ياكدون الحجز .. و اليوم ان شاء الله بأكد حجز الطياره و بحط لكم البرنامج
المهم .. انا الحين احاتي .. كيف بنتحوط هناك !! .. هل نأجر سياره ويا دريول يتم يحوطنا والا كل مكان نسيره ناخذ تكسي .. والا شي هناك حد بينظم لنا رحلات والاماكن الي بنسيرلها مثل شركه سياحيه ماليزيه .. يعني مثل توور جماعي حق السياح ..
والله ماعرف خبروني ..
احس اني ضايعه
لاني ماابغي انضيع الوقت ونحن يالسين في الفندق و نرتب وين بنسير .. ابغي كل شي يكون مرتب من قبل ..
ممكن حد يتبرع و يحط لي برنامج سياحي يعني الاماكن اللي انسيرها وكيف نسيرها
حلاته اذا بنلاقي سياره والا باص يودينا تور كل مدينه نروحلها
لين الحين انا مخططه انسير كوالالمبور و بيننج و جنتنغ و لنكاوي
والسفره 18 يوم
اختكم الصغيرة
مزاجيه
ونحن في الخدمة