اخوي دورت على موقعهم ولاكن ماحصلت شيء في البحث
ولاكن اي سؤال انا حاضر ؟؟
بعطيك نبذه بسيطة عنه Dubai marina walk وهو مرسى دبي
تابعه لأحد مشاريع اعمار ويمكن من اول مشاريعها الي بدات بها
الشركة وفي بدايتها المنطقة تتكون من ستة أبراج شامخه وتحيطه
قناة مائية اصطناعية وممتده مياهها من بحر جميرا.. وحالياً تشوف
الابراج حواليها من كل جهة وفيها مرسى لليخوت الجميلة.
وفيها عدد بسيط من المطاعم والكوفيات مثل مطعم:
جوني روكت - حكواتي وهو مقهى ايظاً - المطعم هندي
و أيضاً يوجد مطعم أيطالي - مكسيكي وفيه أسبنس ((هايبر ماركت))
فيها استاربكس - ذا كوفي بين - باسكن روبنز - دونات.
طبعاً كل المطاعم والمقاهي والكوفيات الي ذكرتها بها
قعدات في الداخل والخارج بالقرب من مرسى اليخوت
وفي الوسط تقريباً يحيطبها النافورة الراقصة والجميلة
وانصح بزياراتها في الشتاء او وقت الاعياد والله لان الحين
حر ورطوبه وماتشوف وايدين موجودين بس اذا تحب تروح
تشوفه كحب للاستطلاع فهذا شيء جميل طبعاً اذا تجي
في الشتاء اتوقع الي ماشايفنه من سنين بتحصله وخاصة
اذا كنت سعودي لان ماشاء الله عليهم تقريباً 80% منهم
يتواجدون في الشتاء طبعاً بعد الساعه 10 لين الساعه 2 زحمه.
والي اعرفه في الشتا كل يوم جمعه يكون فيه شرات السوق
كلها أكشاك ولاكنت كانوا يفتحون من الظهر او العصر لين الساعه 10
اذا لين الحين موجودين فانا ماعندي علم بخصوصهم.

فتاة الخليج
العفو اختي وحاضرين على اي خدمة