التخطيط ما قبل السفر هو اساس الرحلة .. فالمطلوب قراءة تقارير الاخوان الفاضلين وان تتعبي نفسك قليلا فالاخير انتي من سيرتاح ومن معك ان شاء الله
1 / هل يوجد خطوط طيران افضل الى اوروبا وماهي
هناك طيران الامارات او القطري والطيران النمساوي جيد ايضا
2 / كيف الطقس انا ما ابغى شتاء قارس .. ابغى طبيعة ومطر.. هل الوقت مناسب
الوقت غير مناسب ابدا في شهر مارس لانه في فصل الشتا يعني برد وشتاء قارس جدا .. افضل الاوقات للذهاب هو شهر يونيو حتى في يوليو تكون درجة الحرارة مرتفعة بعض الشي ف افضل شهر انا اشوفه يونيو
3 / ايش ترشحولي الافضل والاماكن
تبي رايي ارشح المانيا والنمسا افضل واقرب اما سويسر والمانيا بعاد شوي .. الجدول المعتاد فيينا الى سالزبورج والى زيلامسي ثم ميونيخ او ممكن اخواني الاعضاء يفيدونج أكثر
4 / المواصلات
متعة اوروبا في قيادة السيارة متعة ما بعدها متعة .. لن تتقيدوا بمواصلات او قطارات يعني كل شي بأيدكم
5 / اجراءات السفر وما هي الاوراق المطلوبة قبل السفر
المطلوب استخراج فيزا من الدولة المراد زيارتها .. يقال انه اذا الوجهه الى المانيا المفروض تستخرج من المانيا .. ممكن الاعضاء يفيدونج اكثر
6 / التخاطب والتفاهم كيف ..
الانجليزي كافي في نظري ولا يوجد مشكلة من هالناحية
7 / الأمان
ميونيخ تعتبر من افضل اماكن في اوروبا امانا .. وكذلك زيلامسي وفيينا والحمدلله لم تواجهني اي مشاكل في اوروبا وابعدوا عن طلعات الليل اقصد مابعد الساعه العاشرة