الفندق قريب جدا من ميدان تقسيم وشارع الاستقلال
مجدد حديثا بالكامل
سعره مناسب
ويقع على شارع حيوي لا ينام ابدا
بس اللي ودي اعرفه من الاعضاء
هل يوجد هناك ازعاج
لدرجة انه مايخليك تنام
نرجو افادات اكثر من باقي الاعضاء

شكرا لك اخي
وياريت الاعضاء يفيدونا

الفندق ليس برخيص لكن لانه في منطقه تقسيم ارخص ممن اشباهه في المنطقه
بالنسبه لي هو متوسط ليس بالممتاز وليس بالسئ اعطيه جيد
معاملتهم كان هناك موظفتين وحده لبقه ووحده تعاملها غير جيد
الفندق مزعج كانك نايم في الشارع وسيارات الاسعاف طول الليل ماتخليك تنام بس انا ارجع هالشئ يمكن لقربه لميدان تقسيم يمكن الفنادق اللي جنبه نفس الشئ
لو بروح مره ثانيه لتقسيم باخذ الفنادق اللي ابعد شوي عن الازعاج
الزبده القرب من الميدان له ضريبه وهو الازعاج

يعني مشكلته بالازعاج بس ؟؟

بعد في شئ اول ماتجي ياخذوا فلوس كل الليالي مقدم
الفندق نظيف وفطورهم حلو ومآخذي عليه الازعاج وتعامل الموظفه والمفتاح لازم كل يوم تسوي له شحن حتى لو حاجز مده طويله واخذ الفلوس مقدم ولا موقعه استراتيجي وقريب من محطة المترو والمطاعم والاسواق واماكن الصرف

مشكورة الله يجزاج الف خير
انا اهم شي بالنسبة لي النظافة والموقع
لان اهلي الله يحفظهم يبون مكان قريب من شارع الاستقلال .. عشان يسهل عليهم المشي ...

shahrazad30
شارع الاستقلال خطوتين وانت فيه ونظافة الفندق تمام التمام
وياك ان شاء الله

فندق كيبان انا سكنت فيه الاسبوع الماضي غرفة بالدور الاول مطله على الشارعسعر الغرف اعتقد مناسب لقربها من الاستقلال والميدان وغرفه ممتازة لكن فيها عيب واحد اتعبني وهو مغسلة الحمام اكرمكم الله تصميمها غير مناسب مع الصنبور ولا يوجد تصريف في ارضية الحمام .موقع ممتاز تسمع صوت الاسعاف احيانا لكن اذا نمت مايزعجك الصوت الا اذا كنت حساس .الاستقبال : معاناة عند قدومك للفندق لا يستعجلوا بايجاد الغرفة لك ويطنشوك ، وانتبه من عامل الشنط في الفترة الصباحية فقد دلني على القبلة بالاتجاه العكسي + لا تجعله يحضر لك تاكسي لانه نصاب اطلع من الفندق بنفسك وتلاقي تكاسي بنص السعر .( حصل لي موقف معاه آخر يوم وارتفعت اصواتنا في الشارع )

شكرا لك اختي الوردة البيضاء ..
وشكرا لك اخي على اضافتك الجميلة والتفاصيل المفيدة الله يجزاك خير يارب