شخصيا من محبي ليفربول وخاطري مثلك اريد اعرف عنها مايشفي صدري عن هذي المنطقة وباذن الله محد بيقصر من محبي السفر لها في اي استفسار *

حياكم الله
ممكن تروح بالقطار من لندن الى ليفربول ومن لندن الى باريس
وتوجد مواضيع كثيرة بهذا الخصوص
واي خدمة

هناك قطار بي مطار مانشستر ومدينة مانشستر وقطار آخر بين مدينة مانشسر ولفربول

يا الله إسألني ما هي أحلى مدينة في بريطانيا؟أجاوبك بدون أي تفكير 'ليفربول' كل شئ فيها غير و له طعم ثاني،حتى اللغة لغتهم غير، هم يتكلمون سكوس،ناسهم طيبين،
الأماكن إللي ممكن تزورها فيه الألبا دوك،أيضا فيه الباص السياحي الأصفر إللي يوديك أبرز المعالم في ليفربول و من ثم وسط التصفيق ينزل إلى البحر و يتحول إلى قارب يقوم برحلة بحرية،تذكرة ب 15جنيه للفرد
فيه أيضا عدة متاحف فري كلها في السنتر
أيضا المعروف أن التيتانك خرج من مرفأ ليفربول
أحببت هذه المدينة لأنها جمعت بين الحداثة و التاريخ،و فيها تتحدى الملل ففي كل ركن قصة و تاريخ

السلام عليكم
هلا وغلا الغالي
عندك قطار بين مانشستر وليفربول والمده حوالي 50 دقيقه
وعندك قطار من مطار مانشستر ياخذك على ليفربول من غير مااتغير القطار
ليفربول حلوه وروعه وبالنسبه لي احلى من مانشستر ..
عندك ساحة كوين حلوه وروعه ومن وراها عندك البحر ..
احلى فندق هناك الهيلتون .. مكانه في ساكوين او كوين سكوير ..
واي خدمه احنا بالخدمه

الله الله انت جيت على الجرح انا لسه راجع من يومين لقيت تذكره من جده -ابوظبي- مانشستر والعوده على طيران الاتحاد ب 2500 ريال
المهم اذا انت جاي من مطار مانشتسر تقدر تروح دايكرت بالقطار من المحطه الموجوده في المطار او اذا جاي من لندن كلها تنزلك نفس المحطه ( لايم ستريت ستيشن )
كل الفنادق والشقق المفروشه والستي سنتر على بعد خطوات من محطه القطار واسعارهم 30 % اقل من لندن وصلت لدرجه اخذنا غرفه لشخصين 3 ليالي مع الفطور 880 ريال فندق اسمه the Liner خلف المحطه على طول اما اذا عائله خذ هوليدى ان او الماريوت وكلهم قدام المحطه
خذلك لفه بالباص يوديك كل الامكان السياحيه وسعره رخيص شركه ب 7 باوند وشركه ثانيه 10 واقرب موقف لهم قدام محطه القطار يوجد متحف خلفه على طول محطه للباص السياحي
متحف التياتنك - متحف البتلز - ومتحاف كثر مجانيه طبعا اهم شي في الموضوع نادي ليفربول لازم تزوره الدخول 15 باوند شامل الملعب والمتحف
طبعا الجو ابرد من لندن الاسبوع الماضي لما كنا هنا كانت درجه الحراره -4
احلى مافيها روقان مش زحمه زي لندن
تحياتي وزياره موفقه