نشر في بانكوك

ماخاب من استشار

ALMN7OS^q8

12-10-2022 - 05:54 pm

السلام عليكم باذن الله قررت اسافر تايلند مع الاهل وطبعا مالي خبره كبيره فيها ولاول مره اسافرلها سفره عائليه ومدة الرحله 12 يوم من 25/1 طبعا يوم ضايع بالروحه ويوم بالرده الباقي 10 ايام كاملين قررت اوزعهم 7 ايام بوكيت وثلاث ايام بانكوك
والفنادق اللي اخترتها في بوكيت وللتغيير بغير الفندق يعني بسكن بفندقين
فندق ميركور وفندق توني ريزورت
وبخصوص بوكيت عندي استفسار عن فندق
pimnara boutique hotel اشلون موقعه ومستواه لان في بوكينق تقيمه حلو
وفندق بانكوك محتار بين فندقين بين نوفتيل و Baiyoke Sky Hotel وطبعا الفندق الثاني شكله عجبني وسعره ارخص بس ابي اعرف هل هو قريب من سيام والمجمعات والاسواق
وهذي الفنادق اللي وقع عليها الاختيار وقابله للتغيير اذا عندكم اقتراحات لفنادق افضل اتمنى ماتبخلون علينا
وايضا ابي استفسر عن طيران الخليج اشلون مستواها؟؟

التعليقات (7)

$ المناعي $

12-10-2022 - 08:10 pm

بخصوص الفنادق الي ذكرته مواقعه وايد حلوه او بذات pimnara boutique hotelلأنه بيكون تحتك المجمع او توني ريزورت وايد حلو بختصار عرفت تختار
انا عن نفسي جربت ذي المنتجع بعد في الباتونق بعد
Duangjitt Resort and Spa الصراحه وايد وايد حلو
اما بالنسبه حق فنادق بانكوك مابي اجذب عليك ماعرف عنهم اي شي , بالنسه عن طيران الخليج كراسيهم تعور الظهر او ضيج جنه رابطينك بسلاسل ههه بس اجوف ربعي ايمدحون في القطريه
سامحني على لقصور

m_adel

12-10-2022 - 09:11 pm

في بانكوك انا سكنت في توفوتل و هي قريب جدا من الاسواق
و بالنسبة ل Baiyoke Sky Hotel انا سألت تايلندي يشتغل في نفس شركتي و ما نصحني بالسكن في لكن ممكن تروح جولة هناك ب 15 ريال لا غير
بوكيت سكنت في الملينيوم و ممكن تشوف مواصفاتوا كاملة في تقريري مواصفات الغرف و الأسعار
هو نجوم و اسعاره مقبولة نوعا ما
يقع في منتصف الباتونج بيتش

wrq-3nnb

12-10-2022 - 10:12 pm

حياك الله ياغالي
من وجهة نظري اقعد في بوكيت قد ماتقدر جزيرة ساحرة وبرامجها ماراح تخصلها في 7 ايام مهما حاولت بس وضح للمدام ان وضع الاجانب هناك فري
في اللبس يعني وراح تنبسط ان شاء الله
بانكوك فقط تسوق لااكثر ولا اقل
بالنسبة لطيران الخليج مانصحك فيه صراحة كراسية تكسر الظهر وصغيرة واسعاره مبالغ فيها بالنسبة للخدمة والراحة
شوف القطرية وشوف نوع الطيارة وشي الي توافق يوم رحلتك وبلغني برقمها وأسمها
وشوف طيران الامارات ونوع الطيارة وبلغني برقمها واسمها
وانا راح اقولك وش الافضل من ناحية الراحة والسعر وكل شي ابشر مايهمك
واحجز كل شي من النت لاتروح مكاتب سياحية ابداً
رحلة موفقة واي استفسار في بوكيت ابشر انا حاضر

alali91

12-10-2022 - 11:13 pm

انا رايي في بوكت اسكن على شاطى البتونق في فندق البتنق بيج او اي فندق بس في البتنق
لاكن في بانكوك ما انصحك تسكن في Baiyokeلانه وايد بعيد عن سيام انا انصحك تتقرب واتسكن في شارع اسمه سوكوموفيد في عندك الانتركونتنتال وعندق قراند ولا لاند مارك ولا الماريوت ها الفنادق وغيرها وايد قريبه من الاسواق ومن المترو سكاي ترين

ALMN7OS^q8

13-10-2022 - 12:14 am

اشكركم جدا يااخواني واستفدت من اقتراحاتكم ولكن ابي اسأل عن فندق ميركوري وتوني هل هي قريبه من الشاطئ واشلون مستواهم
وفنادق بانكوك مارايكم بفندق بيوك سكاي اشلون موقعه هل هو قريب من الاسواق؟

ALMN7OS^q8

13-10-2022 - 01:15 am

السلام عليكم بالبدايه اشكركم على مجهودكم لخدمة الاعضاء المسافرين
وثانيا انا حجزت طيران داخلي من بانكوك الى بوكيت على طيران نوك اير nokair والطياره تقلع من مطار*Suvarnabhumi المطار هذا نفس المطار الدولي اللي انزل فيه لان موعد وصلي لبانكوك الساعه 7:15 وموعد الاقلاع 9:45 *اذا مطار ثاني اخاف ماالحق وشاكرلكم

جاكلين خوسيه

13-10-2022 - 02:16 am

مرحبا بك
اخوي من وجهة نظري فندق Baiyoke Sky Hotel ميزته هي العروض الخاصه وقريب
من سوق pratunam للملابس الجاهزة و(التقليد درجة اولى ) وستجد الاسعار الرخيصة
والتنوّع الكبير في تشكيلة الملابس مع وجود خدمة الشحن في المحلات نفسها .
اما عيوبه فهو مقصد سياحي من الدرجة الاولى لذلك المصاعد مشغولة طول الوقت
واقع في منطقة الهنود والسيخ حتى تحسن انك في مومباي من كثرتهم هناك.
بالنسبة للطيران الداخلي اللي ذكرته فهو في نفس المطار الدولي
لكن لازم تروح للطابق الرابع جناح رقم H

نصيحه اخوية عند وصولك الى مطار بانكوك حاول تخلص امورك بسرعه

لانه مرات تصير زحمة مسافرين وزحمة عفش وتصير خبصة في المطار
ممكن تفوّت عليك الطيارة الداخلية
اتمنى لك رحلة واجازة سعيدة
اخوك/ طالب المنصوري

بانكوك المسافرون العرب

ماخاب من استشار